MATTHE 6:6 - Cho Bible Common Language 2016

⁶ Cun ah kyasei nangmi cu na mi taigü ung, kyong ah lut ba ne shoh khai netah, mik awn kä hmuh ah nami pa ah nami taigü vai. Kä dang khai ah bi cu hmuh thei ciah nami pa naw m’cümhnah nak ning pe gui khai.

MATTHE 6:6 Referans Kwoze

2 GHANGPUGHANG GUI 4:33

Ani naw shoh khai neta, Bawipa ah taigü ci.

MATTHE 14:23

Cun ah chang gui a tüih ba gui kawn ah amät cu taigü khai ah khomhtung khan ah kai ci. Kho mü law güt sei a cu ah amät om ci.

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

LAMKTU 9:40

Peter naw cun ah chang gui ami van k’caw ah tüi gui netah, khuuk dong ne taigü ci. Cun kawn ah gook lam ah ng’hlat netah, “Tabitha, hto vä,” cine pyein ci. Tabitha cu m’dei law ba ne, Peter cu hmu netah, hto ne ngok ci.

ISAIAH 26:20

Ka chang gui aw, nami im kyong ah lut ba vä, nami shoh khai vä. Khanpughi ah m’lungshe nak ang pyi güt akhäng hta nami ng’thuh cang vai nei.

SAM 34:15

Bawipa naw düng ciah chang gui cu teng khen gui ci, ami ng’khü phi ngai pe gui ci.

MATTHE 6:18

Cun ung vah mik awn kä hmuh thei ah nami Pa ah kawn ah a u naw phi ei nami hlawi ah mawng kä hmuhmat khai. Kä dang ciah bi cu hmuh thei ciah nami Pa naw, m’gein nak m’cümhnah ning pe gui khai.

LAMKTU 10:9

Ngami cu hteit gäk gäk u ne, a ngawi ung Joppa gawnu pei ah gawk law ci gui. Cun yah cu kho hnüüp lung yah ah kya sei Peter cu taigü khai ah im kiungah hang kai ci.

MATTHE 6:4

Nak pat lam naw abi cu nak eng lam naw phi kä a hmat ten vai nei, kängdang ciah bi cu hmuh thei ciah napa naw m’gein nak m’cümhnah ning pek khai nei.

EPHESIAN 3:14

Kei cu Pa Khanpughi ah ma ah m’kuukdong ne kang hui ci,

ROMAN 8:5

Hnicim chang nupuk nah ne ghing ciah chang gui cu, hnicim chang ah ng’yak hlü bängbäng ngaih-tüh ci gui, Mumcha ah m’cäi m’ä ah ghing ciah chang gui cu, Mumcha ah ng’yak hlü bängbäng ngaih-tüh ci gui,

LAMKTU 10:30

Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne,

JOHAN 1:48

Nahtanelah naw, “A i hawkcha ah kei na na hmat ang?” cine ng’shik ci. Bawipa Jesuh naw, “Philip naw kä a ning khü pha ung, kthei ghing kaa ah om ci sei, ka ning hmuk ci nei” cik ci.

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

NG'THU K'THUUK~ 25:22

Nang naw ani cu ng’aa nak awn uih sak ci sei, Bawipa naw nang cu ning m’cümhnah khai.