MATTHE 6:5 - Cho Bible Common Language 2016

⁵ ‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

MATTHE 6:5 Referans Kwoze

MATTHE 6:2

‘Cun ah kyasei peit taak nak nami bi ung mingthang hlük ci gui ah bi ah mäih ah pum nak im gui la lam kyum gui ung, dang khai ah kä nami bi vai. Ngami cu chang naw am hlüngtai gui vai ng’ya hlü u ne, ami bi ah kyak ci. Kei naw akcang ka pyein cu, ngami cu ami mät ah ng’yak hlü gah pyii ci gui ah kyak ci nei.

LUKA 18:13

Cun ung phi akhawnlook ciah chang läi cu, ani awn ang shawng ah ng’düi net, khan kä dang dat ah kawp netah, “Aw, Khanpughi aw, kat nak ka bik ciah kei chang kaa cu nam gein ä” cine ang kyang k’beeih ne taigü ci.

MAKUH 11:25

Nangmi cu ng’düi law ne nami taigü ung katnak gui nüng nami m’gein vai. Cun ung khankho ah om ciah nami pa naw nami kat nakgui cu ning m’gein gui khai.

JEREMIAH 29:12

Cun Kawn ah nangmi naw kei nami na khü khai, Kei ah law ne nami taigü khai, kei naw ka ning m’shan gui khai.

ISAIAH 1:15

“Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.

LUKA 20:47

Hmeinu gui ah khawhchaam phi gut ci gui. Chang naw aktung ah ang ngaih gui vai ah ang sau nu ah taigü ci gui. Ngami ah khan ah Khanpughi ah m’kat nak däm pi khai nei” cine m’thein gui ci.

JAMES 4:6

Cun ung phi Khanpughi ah na peit gui ah chimgein nak cu khüighaat ba pi ci nei. Cacim theing naw, “Khanpughi naw chang ah ng’shei ci gui cu hnu nah gui ne, m’lung neim sak ci gui cu, chimgein nak pe gui ci nei,” ciah a pyein ah bä nak ah kyak ci.

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

DANIEL 6:10

Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

LUKA 11:43

“Pharisee gui aw, nangmi ung shetkat nak om ci, nangmi cu pum im kyong ung hlüng pi ciah ngoh nak la sumlei hmun ung chang ah chang m’sui nak cu nami ng’ya hlük ci.

MATTHE 21:22

Nangmi naw yum nak awn nami yoih ung nami yoih phung cu nami gah khai nei” cine pyein ci.

SAM 55:17

Kho ngawi kho hnüüp, khomü ung kei cu ng’thu m’da ne ng’pa ngä sei, kei ah ka k’aw cu na ng’yak pek khai nei.

SAM 5:2

Na na m’htei vai ah ka kyah cu na ngaih pe ä, Ka Khanpughi la ghangpughang! Nang ah ka taigü ci, O Bawipa;

1 THESSALONIAN 5:17

ak phlüt ah taigü vä,

JOHAN 16:24

Tuhbäi ung khüt khai ah nangmi naw kei ah ming awn a i phi kä nami ng’yoi phak ci. Nami yeikyai nak a khüm be nak vai ah ng’yoi vä, nami gah khai nei.

MAKUH 12:38

Cun ah am theithang gui yah ung Bawipa Jesuh naw, “Thukhän saya gui cu nami geing nak gui vai, ngami cu suinu sui ne, chang ah ng’shei ne hteithton hlük ci gui. Sumlei hmun ung phi chang naw ak chang m’sui gui vai ng’ya hlük ci gui.

MATTHE 9:38

Cun ah kyasei htangmguh khäm khai a tüih law vai ah, htangmguh nak ciah taigü vä,” cine ang düihpüi gui cu m’cäi gui ci.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

NG'THU K'THUUK~ 16:5

Chang shedam nak ci phung cu Bawipa naw thui nak ci, Ani naw m’kyuk nak ungka ka phyawn sak gui phung khai.

MATTHE 23:6

Ei awk nak pawi ung ani nak pi ung ngoh u ne, pum im gui ung phi ng’khoi tu hnga ne om hlük ci gui.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

MATTHE 6:16

‘Nangmi cu ei nami hlawi ah a kyak ung, mingthang hlük ci gui ah mäih ah müi ng’haam khai ah kä nami om vai. Ngami cu ei ami hlawi ah mawng ang dang vai ah ei cawi ciah müi hmai awn hteit hton ci gui. Kei naw akcang ka pyein cu, cun ah chang gui cu ami mät ah ng’yak hlü gah pyii ci gui nei.

MATTHE 6:1

‘Chang ah ma ah chang gui ah ning hmuh gui vai ah peit taak nak cu kä nami bi vai. Chang gui ah ning hmuh gui vai ah nami bi ah a kiak ung, khankho ah om ciah nami Pa naw a i phi kä ning m’cümhnah gui khai.

MATTHE 23:5

Ami bilawh phung chang naw a hmat vai ah bik ci gui. Ami m’cakau la ami baan ung akdäm nu gui ah cacim guh ne m’kawh ci gui. Ami sui ung phi akdäm ang sau nu gui ah cacim guh ne m’kawh ci gui. Ami sui cun phi akdäm ang sau nu gui ah chui ne sui ci gui.

LUKA 6:24

“Cun ung phi, ng’bühmang ciah chang gui ding gei sei nami om ci, Nangmi ung thüi sei nak om ci nei!