MATTHE 6:25 - Cho Bible Common Language 2016

²⁵ ‘Kei naw akcang ka pyein cu, a i ei auk vai cine, nami hnun gui ah hmawk ah kä nami ng’ä vai, a i suibei vai cine, nami pumsa ah hmawk ah kä nami ng’ä vai. Hnun ghin nak cu ei ah mä bä pi ne, pumsa cu suibei ah mä bä pi ciah kä kya ne ang?

MATTHE 6:25 Referans Kwoze

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

1 PETER 5:7

Nami cäicat ng’ä ai nak phung avan ap vä, Khanpughi naw ngaih nah ne ning m’htei gui ci nei.

ROMAN 8:32

Khanpughi naw amät ah Htapa cu kä ng’vang nah ne, chang van ah hmawk ah pe ne, na küikyan gui ci nei. A Htapa hngaw mikmi ah hmawk ah pek ciah Khanpughi naw, a päng avan cu, kä ng’vangca ah kä na pe gui ne kä om khai nei.

SAM 55:22

Na khüikha nak cu Bawipa ah ma ah chah ä, ani naw ning shung khai nei; düng ciah chang cu chang hei gui am kä hnim sak gui phung ci nei.

MATTHE 6:31

‘Cun ah kyasei a i ung kaa, ei auk vai, suibei vai, cine kä nami ng’ä ai vai.

MAKUH 4:19

Cun ung phi pumsa ah ghin nak vai ah hmawk ah ng’ä ai nak gui, ng’bühmang nak hlü gui, la a hei ng’yak nak hlü gui naw ang thu ng’yak cu shungshet ci gui. Cun ah kya ne kä m’theih tak hlawt ci.

MATTHE 10:19

Cun gui ah kut ung ami ning ap gui ung, a i pyein ne ng’thu vai, a i ah ng’thu vai cu kä nami ng’ä vai;

1 KORIN 7:32

Kei naw nangmi cu ng’ä ai nak ung ka ning phiawn sak gui hlük ci. Kä chumah ciah pami naw Khanpughi ah khuut cu ak tung ah tha ci, ani naw Bawipa ah ng’yak hlü cu k’tha na ne bik ci.

MATTHE 6:34

Cun ah kyasei ngawi ung ah hmawk ah kä nami ng’ä vai, ngawi ung ah hmawk ah amät ah ng’büh nak vai ng’ä ai nak om tu hnga ci. Tuhngawi bui aut ng’ä ai nak gui cu, tuhngawi ah hmawk ah bä pyii ci nei.

2 TIMOTHI 2:4

A bilawh mawng ung hnüntho ciah gakaap tumat cu, a bawi naw ayum vai ah bilo ciah kyak ci, a hei a mawng ama ung käng cawngcam, kä hnün tho ci.

LUKA 8:14

Ng’hling hmu ah kya lawk ciah m’shi ci cu, Khanpughi ah ng’thu ang yak kawn ah kyikyawk ng’ä ng’ai nak, bühmang nak la hlimtui nak gui naw m’khüt sei kä hnün tho hlawt ciah kyak ci.

MATTHE 13:22

Hliing hmu ah kya lawk ciah m’shi ci cu, ng’thu ni cu ng’ya tulang ne phi, ami ng’ä ai nak gui la ami bämang nak hlü gui naw, shung shet gui sei ng’thu ni cu kä vui pai hlawt ciah kyak ci.

LUKA 12:11

“Chang gui naw nangmi cu, yung ah m’kawt mang ah khlaak ung phi bäi, bawi ah maa mang ah maa ah phi bäi, khaw ne ami ning düih sak gui ung, a i chaa ah ka ng’thu khai, cine kä nami ng’ä vai,

MAKUH 13:11

Nangmi cu ning pha gui u ne yung ah ami ning ap gui ah a kiak ung, a i cha ng’thu vai ang, cine ng’dawt ne kä nami ng’ä vai. A cun ung nami m’lung kyong ah dang lawk cicu nami pyein vai. Cun ah ng’thu gui cu nangmi ah ng’thu ah kä kya ne, Mumcha Theing ah ng’thu ah kyak khai.

JEREMIAH 45:5

Nami mät naw nami mät aktung ah bi nak cu nami shui ne ma? Kä nami ci vai. Kei naw hnicim chang avan ah khan ah leigai ka law püi ci, cun ung phi nangmi nami ghin nak läi cu a hawi nami hteh ung phi phyawng khai. Kei, Bawipa naw ka pyen ci.