MATTHE 6:23 - Cho Bible Common Language 2016

²³ Nami mik ui a mü ung nami pumsa avan hmüp yawp khai. Cun ah kia sei nangmi ung om ciah akdei cu, ak hmüp ah a kyak lä ung, cun ah hmüp cu anghtei ah mü ne hmüp khai nei.

MATTHE 6:23 Referans Kwoze

1 JOHAN 2:11

Cun ung phi a phäi nau thüi nak ciah chang cu hmüp khui ung om ciah kyak ci; ani cu hmüp khui ung lula ci, cun ung phi a hawi lam a hteh kä hmat ci, a i ah kyasei ci ung hmüp nak naw ani ah mik cu m’dauh sak ci.

MATTHE 6:22

‘Mik ui cu pumsa ah hmawk ah meidäi ah mäih ah kyak ci. Nami mik ui a ci ung nami pumsa avan dei yawp khai.

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.

NG'THU K'THUUK~ 26:12

Sheka pikbäih ciah ak gu aang pang cu, amät kä cüivai mui neta, cüivai ciah ngai ciah ta bä tuba ci.

EPHESIAN 4:18

Kä yum ci gui ah m’lung ngaih cu hnüp khui ah kyak ci. Ngami cu lulang nak maih ne cüivai nak kä om sei, ami m’lung ling ne, Khanpughi ah peit ah ghin nak awn api ah phi käng phaa ci.

1 KORIN 2:14

Mumcha kä gah ciah chang naw Khanpughi ah Mumcha ung ka lawk ciah m’gein nak cu kä gah hlawt khai. Mumcha ung phung pawng ci naw vah acun ah a phu cu m’khoicha hlawt ci kyasei, Mumcha kä gah ciah chang naw, Mumcha ah m’gein nak ah mawng cu akcang ah kä hmat ci, ani ah phäh ah cun gui cu akholä ah kyak ci.

ROMAN 1:22

Ngami naw ami mät cu hmuhmat ci gui ah ami pyein ung phi, akcang ah a i kä hmuhmat ci gui ah kyak ci:

EPHESIAN 5:8

Nangmi nami mät cun phi hmüp khui ung nami om te ci, cun ung phi Bawipa ah chang ah nami kyak awn ah, nangmi cu akdei ung nami om ci. Cun ah kyasei akdei ung om ciah chang ah mäih ah nami om vai.

LUKA 8:10

Bawipa Jesuh naw, “Nangmi läi cu Khanpughi ah thuuk ne ng’kau ciah khankho ah mawng cu nami hmat pyi ci. Cun ung phi chang akda cu teng lang ne kä hmuk ci gui, ng’ya lang ne kä hmat ci gui kia sei, m’tumtäng ne m’thein gui ah kyak ci nei” cine pyein ci.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

MATTHE 20:15

Ka mät ah ngui cu ka mät ah m’hni ah kä ka mang vai maa! Kei ah kang khai-lang ah phäh ah nam thüi ci maa!’ cine kyak nak ci,” cine m’cäi gui ci.

MAKUH 7:22

chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.

LUKA 11:34

Mik cu pumsa ah akdei ah kyak ci. Nami mik a ciah a kyak ung nami pumsa avan khang khai. Nami mik kä a ciah a kyak ung nami pumsa avan hmüp khai nei.