MATTHE 6:20 - Cho Bible Common Language 2016

²⁰ Kä thukaa kä m’kyiit yaup ne, m’guk ei ah kä m’guk nak thei ah, khankho ah khawh chaam cu nami m’cun m’seh vai.

MATTHE 6:20 Referans Kwoze

LUKA 12:33

Nami khawh chaam gui yoi ne ghawipyam ci gui-am pe gui vä, kä thu ka thei ciah ngui ng’ip kawt ne, m’guk-ei ah kä m’guk nak, ca ah kä ei nak hlawt ah khankho ah kä ng’pyi hlawt ciah bühmang nak cu shui vä.

MATTHE 19:21

Bawipa Jesuh naw, “Nang cu kümbe ciah chang ah na kyak hlü ung, hteit ba ne na khawhcham avan cu yoi netah, dukhaih ci gui-am na ngui avan cu na peit gui vai. Cun ah na bi ung nang cu khankho ah bühmang nak na hmuk khai, cun kawn ah ka hnu ah na na läk vai,” cine pyen nak ci.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

1 TIMOTHI 6:19

Cun ung vah ngami cu ngawi ah lawk ciah ghin nak vai ah hmawk ah ak küikyang ah m’kümtho ci gui ah kyak khai. Cun ah a kyak ung vah ngami cu ghin nak akcang dou hlawt khai gui.

LUKA 18:22

Cun aci cu Bawipa Jesuh naw ng’ya netah, “Nang ung tumat hlü ba ci, na khawhchaam avan yoi ne, ghawipyam ci gui-am na peit gui vai, cun ung nang cu khankho ah na bühmang khai; cun kawn ah kahnu ah na na läk vai” cine pyen nak ci.

THU PHLAAN 2:9

Kei naw na yaica nak la na geinvai nak cu ka hmat ci, cun ung phi nang cu akcang ah na ng’bühmang ci. Keimi Jew chang nei cik ci gui naw ning m’kat gui ne ami ng’thu cu ka hmat ci, ngami cu Jew chang ah kä kyak ci gui, Satan ah chang ah kyak ci gui.

HEBRU 11:26

Messiah Bawipa ah hmawk ah lü ng’aa nak gah cu, Egypt kho ah khawcham avan ah tah bä pi ciah k’bäi ci, a i ah kyasei ci ung ani naw ngawi ah gah law vai ah m’cümhnah nak cu a hmuh ah hmawk ah kyak ci.

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

1 PETER 1:4

Cun ah kyasei Khanpughi naw ak chang gui ah hmawk ah m’küm ne a gim ah ng’bühmang nak cu khäm vai ah mi ngaih u nak om ci. Cun gui cu nang mi ah hmawk ah kä chükmaih kä didam hlawt khai ah, Khanpughi naw khankho ah m’küm ci.

1 PETER 5:4

Ang vaipi säih Htome uk ciah Bawipa ang dang law ung, angtäi ah pyü ne ng’shü ciah abämang nak ah ghui lukhu cu nami gah khai nei.

ISAIAH 33:6

Chang pakhui am khänghtek nak cu pek ci. Ani naw angtäi sei a chang gui cu shungvong gui ci, cüivai nak hmuhmat nak cu pe gui ci. Ngami ah dämduh pi ciah m’küm cu Bawipa (khanpughi) kyih aa nak ah kyak ci.

HEBRU 10:34

Nangmi naw thawng ung cun ci gui cu nami chimgein ci, nami khawhcham avan ami ning khäm peit gui ung phi yei ne nami om düt ci, a i ah kyasei ci ung nangmi ung cun ah khawh chaam gui ah tah küikyang pi ne, käng pyii hlawt ciah khawh a om cu nami hmat ah hmawk ah kyak ci.

MATTHE 6:19

‘Thu kaa m’pyiit yaup ne, m’guk ei ah m’guuk nak thei ah, khomdek khan ung khawh chaam kä nami m’cun m’seh vai.

MAKUH 10:21

Bawipa Jesuh naw ani cu am hni nak awn kheing ne teng netah, “Nang ung tumat nabi vai hlü ba ci, hteit ba ne na khawh avan yoi netah ghawi-pyam ci gui-am na peit gui vai, cun ung nang cu khankho ah bühmang nak om khai. Cun kawn ah ka hnu ah na na läk vai” cine m’cäi ci.