MATTHE 6:16 - Cho Bible Common Language 2016

¹⁶ ‘Nangmi cu ei nami hlawi ah a kyak ung, mingthang hlük ci gui ah mäih ah müi ng’haam khai ah kä nami om vai. Ngami cu ei ami hlawi ah mawng ang dang vai ah ei cawi ciah müi hmai awn hteit hton ci gui. Kei naw akcang ka pyein cu, cun ah chang gui cu ami mät ah ng’yak hlü gah pyii ci gui nei.

MATTHE 6:16 Referans Kwoze

NEHEMIAH 1:4

Cun ng’ya neta kei cu ngo ne ka kyap ci. Kei cu khaw hnüüp akda ung thüisei ne, ei kä ka ei ci, Khanpughi ah ka taigü ci.

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

LUKA 18:12

Kho hnüüp chih ung hnüüp goi ci, ei hlawi ne ka taigü ci, ka gah phung ah bum ghaa bum ät phi Khanpughi-am ka pek ci,” cine taigü ci.

MAKUH 2:18

Kho hnüüp ät ung Johan ah khahpüi gui la pharisee gui cu ei hlawi ci gui. Chang amshah gui cu Bawiapa Jesuh ah law u netah, “Tuihnim Johan ah ang khahpüi gui la pharisee gui cu ei hlawi ci gui, a i ah kyasei nang ah düihpüi gui naw ei kä ami hlawi tu ang?” cine ng’shik ci gui.

SAM 69:10

Kei ei hlawi ne hnim gei ngä sei, chang gui naw na päipih ci gui;

SAM 35:13

Cun ung phi ngami ami nat law ung kei cu sui she sui ne, ei hlawi ne, kawp ne, ka taigü ci.

LAMKTU 14:23

Ngahni naw khritha bum päng ung a gham gui hei m’düih vü ne, ei hlawi ne taigü nak awn, ami yum ah Khanpughi ah ap gui ci ci goi.

MATTHE 6:5

‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

MATTHE 6:2

‘Cun ah kyasei peit taak nak nami bi ung mingthang hlük ci gui ah bi ah mäih ah pum nak im gui la lam kyum gui ung, dang khai ah kä nami bi vai. Ngami cu chang naw am hlüngtai gui vai ng’ya hlü u ne, ami bi ah kyak ci. Kei naw akcang ka pyein cu, ngami cu ami mät ah ng’yak hlü gah pyii ci gui ah kyak ci nei.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

2 SAMUEL 12:16

David cu ak hmaw a gai ba vai ah Khanpughi ah taigü ci. Ani cu ei api ah phi kä ei ci, amü päng akhan kyong ah hteit ba ne, amü pum k’cigem ung ng’yän ci.

SAM 109:24

A ei kaa ah om ng’ä sei, ka m’khuk cu ng’tum ci, ka vun la ka guh bäng om ba ci.

1 GHANGPUGHANG GUI 21:27

Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.

2 KORIN 11:27

Kei cu yaica bawngbai ne khuut ka bik ci; ih ah phi kä ka ip hlawt ci, tui ah ka gha ci, ei ah ka cawi ci; phü ne ei vai kä om ci, yii vai kä om ci, sui vai kä om ci

1 KORIN 7:5

Nangmi naw k’taigü nak vai ah ng’dawt ne nami k’bäi ah akhin nami peit ah kawn ah, ng’chula goi ah ng’yak hlü cu kä nami ng’chei en sak vai nei. K’Taigü nak ang pyi kawn ah nami om man ah nami om ba vai nei. Cun ung vah nami m’lung cu htingling sak hlawt u ne Satan ah tüihtok nak cu nami m’khüt näng khai.

LUKA 2:37

Ani cu tuhbäi a khokum cheit-kip-lei-phli law pyi ci. Ani cu amü ak hnüüp Taigüim ah om ne ei hlawi ne taigü ci.

MALAKHI 3:14

Nangmi naw, “Khanpughi ah bi bi cu akholä nei, a pyen ah bi ne, hlüngtai ciah Bawipa ah ma ah mi bi lawh ah hmawk ah thüi sei nak m’dang cu a i ah bäni nak om ci ang?

2 SAMUEL 12:21

A bawi gui naw ani am, “Shin cha ah na om cu keimi naw kä ka mi hmat hlawt ci nei, a hmaw a ghin yah ung ani ah phäh ah na thüi ci, ei kä na ei ci; cun ung phi a sih vai am tho law ne, ei na ei ci!” cik ci gui.

2 KORIN 6:5

Keimi cu tukthah nak, thawng chum nak, m’thüiplah nak kami gah ci; kä ng’düm ah bi kami bik ci kya ne, ih khin ei khin phi kä om ci.

LAMKTU 10:30

Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne,

MATTHE 6:1

‘Chang ah ma ah chang gui ah ning hmuh gui vai ah peit taak nak cu kä nami bi vai. Chang gui ah ning hmuh gui vai ah nami bi ah a kiak ung, khankho ah om ciah nami Pa naw a i phi kä ning m’cümhnah gui khai.