MATTHE 6:12 - Cho Bible Common Language 2016

¹² Na kat na gui ci kami m’gein ah mäih ah, Kami katnak nam gein gui ä.

MATTHE 6:12 Referans Kwoze

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

MAKUH 11:25

Nangmi cu ng’düi law ne nami taigü ung katnak gui nüng nami m’gein vai. Cun ung khankho ah om ciah nami pa naw nami kat nakgui cu ning m’gein gui khai.

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

KOLOSE 3:13

Tumat mat awn nami ng’cuh vai a om law ah a kyak ung phi tumat la tumat nami ng’cang nak tu vai, tumat la tumat nami ng’gein tu vai, Bawipa naw a ning m’gein gui ah mäih ah tumat la tumat nami ng’gein tu vai.

LUKA 11:4

“Na kat na gui ci kami m’gein ah mäih ah Kami katnak na m’gein gui ä, Tüihtok nak ung kä gawk vai ah, Kä nik ci phung ung na m’htei gui ä”, ci ne nami taigü vai cik ci.

LUKA 6:37

Chang ah katnak kä na pyein peit vai, cun ung Khanpughi naw na katnak kä ning pyein Pek khai. Chang kä nami m’shukchaak vai, cun ung Khanpughi naw kä ning m’shukcha gui khai. Chang ah katnak nami m’gein vai, cun ung Khanpughi naw nami katnak ning m’gein gui khai.

PHYAWN NAK 34:7

Hta ng’shon phia gha gha ung ka shaitak cu ka shum khenggeng ci, akshe la katnak cu ka m’geinsei ci. Cun ung phi kei naw ami pupa gui ah shetkat ah phäh ah ami hta ng’shon ak thum nak la ak phli nak khüt khai ah kä m’kyuk gui ah kä ka om khai nei” cik ci.

SAM 32:1

A katnak m’geinsei nak om ci la, a cheishoh ng’yu ba ciah chang cu yeikyai nak om ci.

SAM 130:4

Cun ung phi na na m’geinsei gui ah akyak ung, nang ung kami m’chang m’sui khai nei.

1 GHANGPUGHANG GUI 8:39

ami taigü cu ngaih pe gui ä. Khankho na im ah ka naw ngami cu ngai gui ä, m’geinsei gui ä, m’hteihtang gui ä. Nang bäng naw vah hnicim chang ah m’lung ngaih cu na hmat ci. Chang päng cu amät ah om ah ciah om püi ä,

1 GHANGPUGHANG GUI 8:30

Ka taigü na ngaih peä, na chang gui naw shin ah hmun täng ah mang ne ami taigü ung ngai gui ä, na m’geinsei gui ä.

ISAIAH 1:18

Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.

DANIEL 9:19

Bawipa, na ng’ya gui ä. Bawipa na m’geinsei gui ä. Bawipa na ngai gui ä, hnün tho ä Cun ung chang nü naw nang cu Khanpughi ah hmat khai gui nei, kä shoshü enä, Shin ah mang gaw la shin ah chang gui cu nang ah kaa gui nei.”

1 GHANGPUGHANG GUI 8:34

Khankho ah ka naw ngaih pe gui ä. Na chang gui ah katnak cu m’geinsei gui ä, ami pupa gui am na pek gui ah kho ung law püi ba gui ä.

1 GHANGPUGHANG GUI 8:50

Ami katnak avan la nang ami ning hnungtuk püi nak cu m’geinsei gui ä, ami ga gui am m’hni nak awn om püi sak gui ä.

LAMKTU 13:38

Phäi nau gui aw, nang mi am ning hmat sak gui hlü cu; Bawipa Jesuh awn katnak m’gein nak ah mawng ning m’thein nak gui la Ani yum ciah chang phung cu Moses ah thukhän naw kä ak phiawn hlawt ah hmakat nak nüng ung phiawn nak gah ci, ciah kyak ci.

MATTHE 9:2

Cun yah ung chang gui naw akshum tumat kawt ne law püi ci gui. Bawipa Jesuh naw cun ah chang gui ah yum nak cu hmu netah, shum ciah chang-am, “Kahta, kä na ng’ä vai, na katnak cu ning k’phiawn pyii nei,” cik ci.

MATTHE 26:28

Hnicim chang ah cheishoh nak m’si nak ah, ka huk ah ka si ng’hlui ah kyak ci nei.

LUKA 13:4

Siloam tänghän ng’gäi sei sik ciah chang sing gha-lei-cheit mä Jerusalem ah om ciah chang gui yah tah katnak bi pi ci gui ah nami ngai ci ma?