MATTHE 6:10 - Cho Bible Common Language 2016

¹⁰ Na uknak gawk law sä; Khankho ah mäih ah m’dek khan ah phi nang yak hlü cu kümbe sä:

MATTHE 6:10 Referans Kwoze

HEBRU 10:36

Khanpughi ah ang yaak hlü bi hning vai la a shaaitaak gah hning vai ah hnimgei ne om vä.

JOHAN 4:34

Bawipa Jesuh naw, ngami-am,” Kei ah ei awk cu, na tüi lawk ciah ang yak hlü ah om vai la abi pyi ne bi vai ah kyak ci.

MATTHE 26:42

Bawipa Jesuh cu ang hnih vei nak ah hteit ba mä netah, “Oh Kapa shin ah yaica nak ah khap cu kei naw kä ka awk ung käng phlän khai ah a kyak ung, nang ah ng’yak hlü ah kyak sä,” cine taigü ci.

MATTHE 12:50

Khankho ah om ciah Kapa Khanpughi ah ang yak hlü ah bik ciah chang phung cu, kei ah phäi, kei ah nau, kei ah be, kei ah nu ah kyak ci nei,” cine m’thein gui ci.

1 THESSALONIAN 5:18

amawng ama avan ung Khanpughi cu m’hlüngtai vä. Bawipa Jesuh Khrit ung kawng ät ne nami ghin nak awn cun ah nami bi vai ah Khanpughi naw ng’ya hlük ci nei.

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

JOHAN 6:40

Kapa Khanpughi naw A Htapa hmu ne yum ciah chang phung cu, angtäi ghin nak a gah vai ah ng’ya hlük ci. Kei naw phi, ngami cu, akhnu hnüüp ung sihnak ung kaa, ka thawh ba sak gui khai” ci ne m’thein gui ci.

KOLOSE 1:9

Shin ah mawng ung nangmi ah mawng kami ng’yak phung ung, nangmi ah hmawk ah kami taigü ci nei. Khanpughi naw ang yak hlü ah mäih ah Mumcha naw a peit ah kyak ciah, hmuhmat nak, cüivai nak la lunglang nak gui awn a ning be sak gui vai ah, kami k’thäh ci nei.

EPHESIAN 6:6

Nami bawi gui naw ami ning yum gui vai ah, ami ma bäng ah ami thu nami läk ciah kä kya ne, Bawi Khrit ah changshäm ah nami kyak ciah kyasei, Khanpughi ah ang yak hlü ah nami m’lung ngaih avan nawn nami hnün thawh vai nei.

SAM 40:8

Ka Khanpughi, na ng’yak hlü bi vai cu ka m’hni aih ci nei! Nang ah na m’theithang cu ka m’lung kyong ung ka m’küm ci nei.”

MATTHE 7:21

‘Bawipa, Bawipa,’ cine na khü ciah chang van düt, khankho ah kä lut hlawt khai, khankho ah om ciah ka Pa ah ang yak hlü ah om ciah chang bäng vah gawk hlawt khai.

1 PETER 2:15

Akni ah nami om ih nak awn chang k’gu k’aang gui ah thu m’gawng cu nami shungshet vai ah Khanpughi naw ng’ya hlük ci nei.

HEBRU 13:21

Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

DANIEL 7:27

Khomdek khan ung uknak khaw avan ah huham la dämduh nak cu hlüngtai ciah Khanpughi ah chang gui am pe gui khai gui. Ngami ah bawimang huham cu kä ng’pyi hlawt khai, Khomdekkhan ung uktu avan naw ngami ah bii bi u ne, läk gui khai gui.”

LUKA 22:42

Aw Kapa, nang yak hlü a om ung shin ah yaica nak ah khap cu kei ung nang shawng sak ä, cun ung phi kei ah ng’yak hlü ah kä kya ne, na mät ah ng’yak hlü ah kya sä” cine taigü ci.

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

THU PHLAAN 19:6

Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.

1 THESSALONIAN 4:3

Khanpughi naw nangmi cu nami theingcim vai lah ng’yakhlü m’gukplet nak kä a om-en vai ah ang yak hlü om ci nei.

LAMKTU 21:14

Paul cu m’cäi ne kä gah u netah kei mi naw, “Khanpughi ah ang yaak hlü ah kya sä” cine kami om düüt ci.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

LAMKTU 13:22

Cun kawn ah Khanpughi naw Soul cu nawng ne David cu Israel ghangpughang ah m’düih ba ci, Khanpughi naw “Jesse ah hta David cu Ka m’lung am lawk ciah chang, Kei ah ng’yak hlü phung bik khai ah chang ah kyasei, ka hmu pyi ci nei” ci ne David ah mawng cu pyein ci.

MATTHE 4:17

Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.

THU PHLAAN 12:10

Cun kawn ah khanmawpi ah ng’shan ciah k’aw naw, “Tuhbäi Khanpughi ah hun nak cu gawk law pyi ci nei! Tuhbäi Khanpughi naw Ghangpughang ah a kyak ah mawng dang sak pyi ci nei! Tuhbäi a Messiah naw a huham dang sak pyi ci nei! Mi Khanpughi ah maa ah ng’düi netah, amü ak hnüüp mi phäi nau gui shetkat sak gui ci cu khankho ah kaa k’täm pyi ci gui nei.

1 PETER 4:2

Tuhbäi khomdek pumsa awn nami ghin nak ba ah a khin ung, chang ah ng’yak hlü ah kä ghing ne, Khanpughi ah m’hni ah nami ghin vai.

HEBRU 10:7

Cun ah kyasei thukhän ung kei ah mawng ami guk ah mäih ah, “O Khanpughi, Na ng’yak hlü ka bik khai ah, shin ung ka om ci nei, cine ka pyein ci,” ciah kyak ci.

LUKA 19:38

Ngami naw, “Khanpughi ah ming awn kyum lawk ciah, Ghangpughang ung Khanpughi ah yeikyai nak om sä. Khankho ung ding gei nak om sä; Khanpughi ah bämang nak cu Khankho ung be sä” cine m’lau ci gui.

MAKUH 3:35

Khanpughi ah ang yak hlü ah bilo ciah chang phung cu, kei ah nau, kei ah be, kei ah nu ah kyak ci nei” cine kyak na gui ci.

MATTHE 16:28

Kei naw akcang ka pyein cu, shin ung om ciah chang avan kä a sih pha ung chang ah Htapa cu Ghangpughang ah kya ne law ba khai nei” cine m’cäi gui ci.

DANIEL 7:13

Mü ah cun ah muimang ka hmuh sangung, chang ah mäih tumat cu ka hmuk ci. Ani cu khong mei naw koi sei kei täng ah ng’et lawk ci. Cun kawn ah ani cu angtäi ah ghing ciah ma ah hteit ci, a ma ah hteh nak hning gah ci.

NEHEMIAH 9:6

Cun kawn ah Israel chang gui cu shin ah taigü ci gui: Nang, Bawipa, nang bäng nei Bawipa; Nang naw khomik ung khankho la aisi gui cu na pyang ci. Nang naw khonglei, tuinu la acun ung om ci nü cu na pyang ci: Nang naw avan am ghin nak na pek ci. Khankho huham nak gui naw kawp ne ning khawihnah ci gui.

MAKUH 11:10

Gawk lawk khai ah mipa David Ghangpughang ah uknak kho cu yeikyai nak om sä, Khanpughi cu m’hlüngtai vä” cine m’lau ci gui.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

KOLOSE 1:13

Ani naw mühmüp ah huham ung kaa, na k’plawk gui ne, A Htapa ah uknak kho ung phyawng ne gawk vai ah na hteh püi gui ci nei.

LUKA 19:11

Cun yah ung Bawipa Jesuh cu Jerusalem gawnu pei ah gawk lawk ci. Chang gui naw Khanpughi ah uknak kho cu atuhbäi dang lawk khai ci ne ngai ci gui.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

ISAIAH 2:2

Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

LAMKTU 22:14

Aninias naw, “Nang cu mi pupa gui ah Khanpughi naw a ng’yaak hlü na hmat vai, düng ciah ak changshäm na hmuh vai la acun ah Bawi ah thu k’aw na ng’yaak vai ah hmawk ah ning ghü pyi ci nei.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.