MATTHE 6:1 - Cho Bible Common Language 2016

¹ ‘Chang ah ma ah chang gui ah ning hmuh gui vai ah peit taak nak cu kä nami bi vai. Chang gui ah ning hmuh gui vai ah nami bi ah a kiak ung, khankho ah om ciah nami Pa naw a i phi kä ning m’cümhnah gui khai.

MATTHE 6:1 Referans Kwoze

MATTHE 23:5

Ami bilawh phung chang naw a hmat vai ah bik ci gui. Ami m’cakau la ami baan ung akdäm nu gui ah cacim guh ne m’kawh ci gui. Ami sui ung phi akdäm ang sau nu gui ah cacim guh ne m’kawh ci gui. Ami sui cun phi akdäm ang sau nu gui ah chui ne sui ci gui.

JOHAN 12:43

Ngami cu Khanpughi ah m’tamkhah nak ah mä, chang ah m’tamkhah nak cu m’hni pi ci gui ah kyak ci.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

KALATIAN 6:12

Nang mi naw vun ah nak nami bi vai ah ning ling na gui ci gui cu, ak pung bi nak awn khähghah hlük ci gui ah kyak ci nei. Ngahmi cun ah ami ling cu, Bawi Khrit ah kutlam tung ah hmawk ah k’dudeiu nak ami aut vai ami kyih su ah kyak ci nei.

JOHAN 5:44

Nangmi nami mät tumat naw tumat am hlüngtai vai nami ng’ya hlük ci. Cun ung phi tumat bäng om ciah Khanpughi naw aning m’hlüngtai gui vai kä nami tha nak ci. Cun ah kya sei nangmi naw kei a hawk chaa ah nami na yum khai yaw?

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

2 JOHAN 1:8

Geing na ne nami om vai nei, cun ung nangmi ah hmawk ah keimi ah bi cu akholä ah kä kyak khai, nangmi phi m’cümhnah nak ak be nami gah khai.

MAKUH 8:15

Bawipa Jesuh naw, “Nang mi naw Pharisee gui ah k’caw la Herod ah k’caw cu geing nah ne nami hlawi vai nei” cine ang düihpüi gui cu m’cäi gui ci.

MATTHE 6:16

‘Nangmi cu ei nami hlawi ah a kyak ung, mingthang hlük ci gui ah mäih ah müi ng’haam khai ah kä nami om vai. Ngami cu ei ami hlawi ah mawng ang dang vai ah ei cawi ciah müi hmai awn hteit hton ci gui. Kei naw akcang ka pyein cu, cun ah chang gui cu ami mät ah ng’yak hlü gah pyii ci gui nei.

MATTHE 16:6

Bawipa Jesuh naw, “Nangmi cu pharisee gui la Sadducee gui ah k’caw cu ngaih na ne nami hlawi vai,” cine m’cäi gui ci.

LUKA 12:15

Cun kawn ah chang gui avan-am, “Ng’yak hlü nak a hlü hlü cu nami ngaih nak vai, chang ah ghin nak cu ngui ghui khawh cham ung kä om ci nei” cine pyen na gui ci.

MATTHE 5:48

Khankho ah nami Pa akümbe ah mäih ah nangmi phi nami kümbe vai nei.

MATTHE 5:16

Acun ah mäih ah chang gui naw akni ah nami om cu ning teng gui u ne, khankho ah om ciah nami Pa cu ami m’hlüngtai vai ah, chang gui ah ma ah nami dei nak cu va deikhang sak vä.

LUKA 11:35

Cun ah kyasei nangmi ung om ciah akdei cu ak hmüp ah kä a kiak en vai ah nami geing nak vai nei.

SAM 112:9

Ani naw ng’khai ne dukhaih ci gui cu pe taak gui ci, ani ah nibä nak cu kä shum hlawk ci; Ani cu huham ah sei chang m’sui khai gui.

LUKA 12:1

Cun yah ung phiaa m’ku-gha ah chang gui cu ng’tawn ne, ng’hnet tu ne gawk law u khätah, Bawipa Jesuh naw ang düihpüi gui-am, “Pharisee gui ah k’caw ah mäih ah ami thuvi cu nami geing nak vai,

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MATTHE 5:46

Ning m’hni gui ci bäng nami m’hni tu ba ung, a i chaa ah Khanpughi naw m’cümhnah nak ning pe gui khai ang? Akhawn look ciah chang gui naw phi acun ah mäih ah bik ci gui nei.

ZEKHARIAH 7:5

Ani naw, “Mi khaw ung chang gui la taigü gui cu m’thein gui ä, shin ah khawkum chihkip ah kyong ung, a cha hma nak la a cha chih nak ung ei hlawi ne, thüikyap ne ami taigü cu kei ami na m’taam ah kä kyak ci nei.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

THULÄÄN NAK 24:13

acun ah mühun päng ung m’hlat ne pek ba vai, cun ah kyasei ani aih ung ang khuih vai om khai. Cun ung ani naw bä ci, cik khai, Bawipa na Khanpughi naw nang ning yei nak khai.

HEBRU 2:1

Mikmi naw mi ng’yak pyi ah thu düng cu khäng khai ah mi shum khai, cun ung mikmi cu lam kä mi hma khai.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

HEBRU 11:26

Messiah Bawipa ah hmawk ah lü ng’aa nak gah cu, Egypt kho ah khawcham avan ah tah bä pi ciah k’bäi ci, a i ah kyasei ci ung ani naw ngawi ah gah law vai ah m’cümhnah nak cu a hmuh ah hmawk ah kyak ci.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

2 GHANGPUGHANG GUI 10:31

Cun ung phi Israel Khanpughi, Bawipa ah thukhän cu Jehu naw am lung kyong avan awn kä läk ci; cun ung phi ani naw Israel gui katnak ung hteh püi ciah Jeroboam cu läk ci.

2 GHANGPUGHANG GUI 10:16

“Kei awn a täng ah law neta, kei naw a i hlawk ah Bawipa ka khawihnah cu na mät naw teng ä” cik ci. Cun kawn ah ngami cu Samaria ah ng’se awn a täng ah hteit ci gui.

ZEKHARIAH 13:4

Cun ah khin a gawk law ung a u prophet phi amik hmuh awn kä khähghah khai, prophet ah mäih ah kä bik khai, chang gui ah ma ah gai ne prophet ah ghaat ciah suinu cu kä sui khai.

LAMKTU 3:12

Peter naw chang gui cu hmu gui ne tah, “Israel chang gui, a i ah kiak sei nami cäicat ang? a i ah kiah seih kei mi cäicat ne na mi na teng gui ang? kami mät ah hlüng tai nak lah m’khüt näng nak awn, shin ah chang kami gai sak ciah nami ngai ci ma?