MATTHE 5:6 - Cho Bible Common Language 2016

⁶ “Khanpughi ah ng’yak hlü ah bilo hlük ciah chang gui yeikyai vä; Nangmi cu Khanpughi naw nami ng’yak hlü ning k’be sak gui khai!

MATTHE 5:6 Referans Kwoze

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

SAM 107:9

Ani naw tui gha ci tui tu ne, ei cawi ci phi akni awn be sak ci.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

SAM 145:19

Ani m’tamkhah ci gui ah ami ng’yak hlü cu petak gui ci; Ani naw ami kyah cu ng’ya ne hun gui ci.

JOHAN 7:37

Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

THU PHLAAN 7:16

Ei ah cawi nak, tui ah gha nak, hni ah ng’liing nak, mei ah ng’kyeng nak, ngami ah khan ah kä om ba khai.

LUKA 6:21

“Cawigha ciah chang gui yeikyai vä, Nangmi cu nami Phü m’ghüm khai nei. “Ang phli li ciah chang gui yeikyai vä, nami yeikyai nak gawk lawk khai nei.

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

LUKA 1:53

Cawigha ci gui-am tuihlim ci tumbei gui ne, bämang ci gui cu ami yüng ah hteh sak gui ci.

ISAIAH 65:13

Cun ah kyasei kei naw ka ning m’thein gui cu, kei na khawihnah ne ka ng’thu ngai ciah chang cu a ei a awk vai da khai, cun ung nang mi cu ei ah cawi ne, tui ah nami gha khai. Ngami cu yei khai gui, cun ung phi nangmi cu nami thüi khai.

SAM 65:4

Na ghü ah chang gui la na phung ung om khai ah na ghü ah chang gui cu yeikyai u sä. Keimi cu na im kyong ung akni gui la na pum im theing ung na hriham awn kami ng’büh ci nei.

ISAIAH 25:6

Shin ah Zion m’htung ung m’gäi ciah Bawipa naw khomdek khan chang pakhui avan ah hwawk ah ei-hnii ng pyang khai bä pi ciah ei la ni pi ciah awk ah ei-hniing ah kya ci.

SAM 84:2

A cun ung a i hlawk ah ka om hlük ci ang? Kei cu Bawipa ah Pum Im ungka om hlük ci nei. Ghing ciah Khanpughi ah ka ghin nak avan awn yei ne ng’äi ka m’cu ci nei.

LUKA 6:25

“Tuhbäi nami plumshau ci gui thüi sei nak om ci. Nangmi, ung cawi gha nak gawk lawk khai nei. “Tuhbäi nami yei gaih ci gui thüi sei nak om ci, ng’phli li sei Nami thüisei nak gawk lawk khai nei.

ISAIAH 41:17

Ka chang gui naw tui ng’ya hlü ne ami shui sang ung tui gha u ne ami gawn aket sang ung, kei, Bawipa naw ami taigü cu ka m’shang gui khai; kei, Israel khanpughi naw kä ka nawng gui phung khai.

SAM 63:5

Ka mümcha cu ei vai da ne, kyä khai nei, kei naw yei nak ng’äi m’cu ne ka ning m’taam khai.

SAM 17:15

Cun ung phi kei naw ka ning hmu gui khai, kei cu chei khai ah a i kä ka bik ci; kei ka thawh law ung na na om püi nak naw kei cu na yeikyai sak khai nei.

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

ISAIAH 66:11

Anu ah k’coi ung om ciah a hmaw ah mäih ah nangmi cu ani ah bühmang nak ung nami yeikyai khai nei.

NG'THU K'THUUK~ 10:24

Düng ciah chang naw ang’yak hlü gah ci. Chang shekha naw a kyih pikbäih gah ci.

NG'THU K'THUUK~ 21:21

M’gein nak la düng nak awn na om ung, nang cu akshou na ghing khai, Chang hei gui naw ning chang m’sui u ne bä sei ning bawihmau khai gui.

JEREMIAH 31:25

Cümbawng ci gui cu kei naw hüizang sak gui ne, ei ah cawi ne aktha ken ci phung cu phü khai ah ka m’bei gui khai.