MATTHE 5:42 - Cho Bible Common Language 2016

⁴² Ning yawi lawk ci-am na peit tu vai, ning pu lawk ci-am nak pu tu vai.

MATTHE 5:42 Referans Kwoze

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

HEBRU 13:16

Akni bi vai lah tumat la tumat ng’hteihtang tu vai cu kä nami m’hnih-en vai nei, cun gui cu Khanpughi naw ng’yak hlü ah vawihpeh nak ah kyak ci nei.

SAM 37:21

Changshe naw pu neta kä thung ah om ci, cun ung phi changni naw ng’khai lang ne, chang-am pe tak ci.

ROMAN 12:20

Cun ah kya sei, phu nami tuk nak vaisü ung nami bilawh vai ah cacim theing naw a pyein cu, “Nami gaa cu ei a cawi ung ei nami m’bei tu vai, tui a gha ung tui nami tuu tu vai, cun ah na bi nak awn nang naw na gaa cu na ng’aa sak khai nei,” ciah kyak ci.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

THUSHÄUTU 11:6

Na geit m’shi cu kho ngawi lam ah phi phu ä, mühun lam ah phi phu ä. Na phu avan cu pyo khai, käcung na phu htük ah mä na phu ba cu ni pi khai, cicu nang naw kä na hmat ci.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

LUKA 11:41

Cun ah nami bi ung nangmi ah hmawk ah avan theingthap khai nei.

NG'THU K'THUUK~ 21:26

Ami bi gui avan cu ami mät ah bi hlü ah ami bi ah kyak ci. Düng ciah chang naw ai ah a kyak ung phi pe hning ci, kä ng’vang ne pek ci.

MATTHE 5:41

Ning shedam nah ne mäng ät ami ning hteh sak ung, mäng goi na läk tu vai.