MATTHE 5:39 - Cho Bible Common Language 2016

³⁹ Cun ung phi nangmi ning kat na gui ciah chang ah khan ah phu kä nami tuk vai, cine kei naw ka pyein ci. Nak pat lam nang being ami ning k’beeih ung, nak eng lam nang being mä nacun ba vai.

MATTHE 5:39 Referans Kwoze

1 THESSALONIAN 5:15

Akshe cu akshe awn kä nami thung ba vai nei, nami mät gui ah ni kiom nak vai ah, chang avan ah ni kyom nak vai cu, angtäi sei shui ne nami tha nak vai nei.

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

NG'THU K'THUUK~ 20:22

Cheishoh nak cu na pek ba vai ah na mat naw ka na lak vai, Bawipa ung na ap vai, cun cu ani naw hman sak khai.

NG’ÄI KYAH 3:30

Cun ung phi tukthah nak la shedam nak cu mikmi naw avan mi dou vai ah kyak ci nei.

TAIGÜTHUM 19:18

A u chang ah khan ah phi phu kä na tuk vai, käcung kä na thüi nak lä vai. Cun ung phi na paw chang cu na mät na m’hni ah mäih ah na m’hni vai. Kei cu Bawipa nei.

NG'THU K'THUUK~ 24:29

“Kei ah khan ah a bi ah mäih ah ani ah khan ah ka bi tuba khai, a bi ah mäiha ah ka thung ba khai” cine kä na pyen vai.

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

1 KORIN 6:7

Nami mät gui nami ng’shawkchak tu nak naw khritha ah kyak nak ah mingthang cu shet sak leng leng ci nei. Cun ah k’dam cheishoh nak nami awt ung kä bä tu ba khai ang! M’gukplet nak nami bui ung kä ni tu ba khai ang!

JAMES 5:6

Nangmi naw shetkat nak kä om ciah chang gui ng’thumcha ne nami ngawn ci, cun ung phi ngami naw kä ning ci tuba gui ci gui.

JOB 16:10

Chang gui naw kei cu na m’lep nak ci gui. Chang khli naw kei cu ng’lung na ne ka hmai na k’beeih ci gui nei.

HEBRU 12:4

Nangmi cu shet katnak ung ng’tuk nami bi nak ung, sih nak ah m’lawi ung kä nami gawk pha hnga ci nei.

LUKA 22:64

A hmai shung u netah, nang a u naw ang a ning tukthah, na pyein vai nei” cine kyak nak ci gui

1 GHANGPUGHANG GUI 22:24

Cun kawn ah prophet Zedekiah naw Mikaiah ah hteit ne a hmai ung k’beeih neta, “A i yah ung nei Bawipa ah Mümcha naw kei na hteh ta neta nang a ning thu püi?” cik ci.

MIKHAH 5:1

Jerusalem chang gui, Nami gakap gui bum vä! Na khaai gui ci gui nei! Ngami naw Israel ng’vai gui cu ng’tuk püi pyi ci gui nei.

MATTHE 5:40

Nak htu ng’yung ät ami ning guh ung, na yih ng’yung phi na pek gui vai.

LUKA 6:7

Pharisee gui la thukhän saya gui cu, Bawipa Jesuh ami m’kat nak vai a mawng shui hlü u netah, kyin hnüüp ung cun ah a kut shum gai sak hman khai cine teng ci gui.

JOHAN 18:23

Bawipa Jesuh naw, “Ka ng’thu kä a hman ung kä hman ci cu na pyein vai, a hman ah a kyak ung a i vai kei cu na na k’beeih ang?” cik ci.