MATTHE 5:37 - Cho Bible Common Language 2016

³⁷ Akcang la kä akcang cu düngnak awn nami pyein vai, cun ah kawn ah nami ng’thu cu khoshe ah ning thu sak gui ah kyak ci.

MATTHE 5:37 Referans Kwoze

JAMES 5:12

Ka phäinau gui aw, thukhän shaitaak nami bi ung kä nami ng’gun ng’hta en vai. Khankho khüi ne, khomdek khü ne kä nami ng’gun nen vai, a i phi khü ne kä nami ng’gun nen vai. Nami ng’thu cu hleei ah a kyak ung hleei ah, cang ah a kyak ung cang ah dang khai ah, nami pyein vai nei. Cun ung nangmi cu Khanpughi ah m’khoichaa nak kä nami gah khai.

KOLOSE 4:6

Nami ng’thu pyein phung cu yeikyai nak vai la ngaih hlü vai ah kia sä. Chang nüng ah ng’thu a i chaa ah ng’düng khai ah m’hlan ba thei vai cicu nami hmat kheng geng vai nei.

KOLOSE 3:9

Tumat naw tumat kä am hleeihlak-en vai, nami ghin nak k’phyim cu sut ne nawng shüt ne,

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

EPHESIAN 4:25

Cun ah kyasei kä nami hleeihlak-en ba vai, mikmi cu Bawi Khrit ah pumsa ung a täng ah mi lukyum yawp ci kyasei, yum ciah chang gui tumat la tumat düng ciah thu bäng nami pyein vai nei.

2 THESSALONIAN 3:3

Cun ung phi Bawipa cu bekhüt ciah kya ne, thagui ning pe gui ne, akshekha ah tüihtok nak ung ning phiawn gui khai.

MATTHE 13:19

Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

MATTHE 13:38

Loma cu khomdek khan ah kyak ci. M’shi k’ni cu khankho uknak khäm ciah chang gui ah kyak ci.

1 JOHAN 5:18

Khanpughi ah htacun naw cheishoh nak kä bi ba ciah mi hmat ci, ani cu Khanpughi ah Htapa naw ngaih gep vai ah a shungvawng pyi ah kyasei, khoshe naw api ah phi kä tawklaih hlawt ci.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

1 JOHAN 2:13

Pa gui aw, nangmi cu ak htük ge ung om ciah Bawipa cu nami hmat ci kyasei, ca ka ning guk law gui ci nei. Hmaw chang gui aw, nangmi cu khoshe tu ne nami näng ci kyasei, ca ka ning guk law gui ci nei.

1 JOHAN 3:12

Mikmi cu Kain ah mäih ah kä mi kya en vai nei. Ani ung khoshe om sei, a nau Abel cu ngawn ci nei. Kain naw a i ah kyasei a ngawn ang? Ani ah bilawh gui cu cheishoh ne a nau ah bilawh gui cu ang düng ah hmawk ah kyak ci.

JOHAN 17:15

Cun ah kya ne m’dek chang naw ngami gen gui ci gui. Ngami cu shin ah m’dek khan ung kaa, nang naw na hteh sak gui vai ah, ka taigü ah kä kyak ci, ngami naw khoshe ami phiawn nak vai ah, nam htei gui vai ah ka taigü ah kyak ci.

MATTHE 15:19

Chang ngawn nak, chang ah chu hta kat püi nak, changshe awn ih om nak, m’guk-ei hleei pyein nak, la chang m’thüi khang nak gui ah kä nik ciah ngaih-tüh gui phung cu, m’lung kyong ungka lut lawk ciah kyak ci.

MATTHE 5:36

Nami mät ah lu phi taam ne khü ne kä nami ng’phyun vai, a i ah kiasei ci ung lumu ng’ma ät phi le khai, bauk khai ah kä nami pyang thei ci.

EPHESIAN 6:16

Zum htek nak ah kyak ciah shawiphaw cu angtäi sei nami kawh vai nei, cun ung khoshe naw a shunkah law ah mei ah däi ciah li k’htei cu nami m’diim hlawt khai nei.