MATTHE 5:29 - Cho Bible Common Language 2016

²⁹ Nakpat lam ah na mik naw a ning hmühma sak ung, acun ah mik cu kawih ne na ghawh vai, na pumsa avan m’hteimei ung a luh ah k’dam ah na mik vangtäng am dauh cu bä tu ba khai.

MATTHE 5:29 Referans Kwoze

ROMAN 8:13

Nang mi cu hnicim chang ah ng’yak hlü ah nami om ah a kyak ung nami sik khai nei, cun ung phi nami shetkat nak cu Mumcha Theing awn nami sih sak ah a kyak ung ghin nak nami gah khai nei.

KOLOSE 3:5

Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)

1 KORIN 9:27

Kei naw chang gui ng’längna tuk khai gui ah khü gui netah, ka mät kä ka k’pawih en shüt vai ah, ka pumsa cu liu ne guh khai ah khüi ne ka ng’lüm ci nei.

ROMAN 6:6

Mi ghin nak k’phyim cu Bawi Khrit awn a täng ah kutlam tung ngawn pyi ah kyak ci. Cun ah kya sei katnak awn be ciah mi m’lung kyong cu dimaih pyi ci kya ne, mikmi cu katnak ah khlei-htein ah kä mi kya ba ci, cicu mi hmat pyi ci.

KALATIAN 5:24

Bawi Khrit Jesuh khäm pyi ciah chang gui phung naw hnicim chang nak la ng’yak hlü nak avan cu, kutlam tung ung sih püi pyi ci gui nei.

MAKUH 8:36

Chang cu khomdek khan avan a uk ung phi, a hnun gui adi maih ung ninak bänak a i om khai yaw?

MATTHE 19:12

Chang gui kä ami chu cei mah hlawt ah mawng akda om ci; am shah gui cu aming tüi püi ge ah kä chu cei mah hlawt ci gui, am shah gui cu chang naw plawh gui sei kä chu cei mah hlawt ci gui, am shah gui cu Khanpughi ah kho ah hmawk ah kä chu cei mah ci gui, kä chu cei mah ah om hlawt cicu acun ah om sä,” ci ne kiak na gui ci.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

MATTHE 23:15

“Thuvi ciah ah pharisee gui la thukhän saya gui, nangmi ung thüisei nak om ci. Chang tumat a yum law tu vai ah tui kat ne, ng’yung khum ne nami hteit ci. Zum nak ung nami m’hluh tu kawn ah, cun ah chang cu, nami mät ah mä a goi ah shekat pi ne, m’htei kho ah hteit ciah nik khai ah nami pyang ci.

MATTHE 16:26

Chang cu khomdek khan avan a uk ung phi amät ah ghin nak a maih ung a i ah mawng mei ba khai ang? amät ah hnun ghin nak cu a i awn thong ne gah khai ang?

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

MATTHE 23:33

K’phyu m’äm ah gui lah k’phyu m’äm-ah ah hta gui, nangmi cu m’hteimei ung luh nak vai ung kaa, a i chaa nami phyawng khai ang?

LUKA 12:5

Nami kyih vai cu ka ning m’thein gui khai, ngawn netah mä m’htei ah tüi hning ci, huham mah ciah Khanpughi cu nami kyih vai nei, ka pyein cu nami yun vai, kyih vai cu ani bäng om ci nei.

MATTHE 5:30

Nak pat lam na kut naw a ning hmühma sak ung, cun ah kut cu tupit ne na ghawh vai. Na pumsa avan m’hteimei ung a luh ah k’dam ah na kut vangtäng a pit cu bä tu ba khai.

MATTHE 11:6

Kei ah khan ah ngaih gep ciah chang gui cu yeikyai nak om ci nei” cine m’cäi gui ci.

MATTHE 17:27

Cun ung phi ngami kä a mi m’lung she vai ah, tuili ah hteit ne nga vam htuih ä. Ngah na pha ung na pha ma ah m’gawng cu m’aan ne na teng vai. Acun ung tangka tumat na hmuk khai, cun cu kei la nang ah hmawk ah büh khai kyasei, la ne pum im khawn ah nam cu vai,” cine m’cäi ci.