MATTHE 5:25 - Cho Bible Common Language 2016

²⁵ ‘Chang naw yung ah a ning chaak ah a kyak ung, ani awn a täng ah lam ung nani ng’gui yah ung, ani awn akyä ah nani ng’gei ba vai ah na bi vai. Cun ah kä na bi ung ani naw yung bawi ah ning ap sei, yungbawi naw mä thawngbawi ah ning ap ba khätah, thawng ung ning chum khai gui.

MATTHE 5:25 Referans Kwoze

NG'THU K'THUUK~ 25:8

Na hmuh ah mawng pyen vai ah ang ghit aih ah yung ah kä na hteh vai, a kawn ah ahei saksi naw law ne na hma ciah a pyen ung a i ah na kyak khai aw?

HEBRU 3:13

Nangmi cu cheishoh nak ung kä thuvi ne kä nami lingkheng-en vai ah, cacim theing naw “tuhngawi” ciah thu anam thein nak gui a om ah chuih, ak hnüüp tä sei tumat la tumat anmi hteinghtang tu vai nei.

HEBRU 3:7

Cun ah kyasei Mumcha Theing naw a pyein cu, “Khanpughi ah k’aw Nangmi naw tuhngawi nami ng’yak ah a kyak ung kä nami ling keng vai,

HEBRU 12:17

Nami hmat ah mäih ah, ani cu a ngawi ah apa ah m’shumphyuk nak cu ng’ya ba hlük ci. Cun ung phi kä gah ba hlawt ci, a i ah kiasei ci ung, ani naw chei khai ah abi pyii, a pyan nak ba vai ah lam cu, ang phli tui lut law sei shui ne phi kä hmu hlawt ci nei.

JOB 22:21

Joba, tuhbäi Khanpughi aw ng’gei nak bi ä, Ani ung ga ah mäih ah na om nak cu m’düm ä. Cun ah na bi ung ani naw hriham ning pek khai.

2 KORIN 6:2

Khanpughi naw, “Ka ning m’htei nak gui vai ah khin a gawk law ung, Nami ng’yoih cu ka ning ngaih pe gui ci nei; Ka ning hun nak gui vai ah khin a gawk law ung, Ka ning m’htei gui ci nei” a cicu ngai yah vä. Ngai vä, Khanpughi ah m’gein nak gah nak vai ah khin cu, a tuhbäi ah kyak ci; hun nak ah hnüüp cu a tuhngawi ah kyak ci!

SAM 32:6

Cun ah kyasei, na changnigui cu, ami ng’yak hlü ah khin ung taigü khai gui nei. Tuinu ng’güüt ne a law, law ung phi, kä k’pha gui khai nei.

MATTHE 26:58

Peter cu ng’shawng pi pi ne Kaiaphas ah im vong pei ah khüt ne, Bawipa Jesuh cu läk lawk ci. Cun kawn ah vong kyong ah lut law tu ne, Bawipa Jesuh ah mawng a i ah ami pyein ah a hmat vai ah phäh ah taigütung ah gakap gui awn, a täng ah ngo tuk ci.

LUKA 18:3

A cun ah pigaw ung hmeinu tumat om ci. Ani cu suki ah a shäng shäng law ne, “Ka ng’küükneet püi ah chang cä, ka näng vai ah na ci pe ä” cik ci.