MATTHE 5:24 - Cho Bible Common Language 2016

²⁴ na peit vai ah khawh cu, mangkiang ah ak ka ah nawng shüt netah, ani ah hteit ne nang gei püi ba cang vai, cun kawn ah law ba ne na peit vai ah khawh cu Khanpughi-am na ap vai.

MATTHE 5:24 Referans Kwoze

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

JOB 42:8

Tuhbäi vantang chih la htome amca chih cu Joba ah law püi u ne, nami mät ah phäh ah khawihnah nak ah nami dou thak vai. Cun ung Joba naw ning taigü pe gui khai, ani ah taigü kei naw ka m’shang khai, nami om ah ciah kä ning ng’thumcha gui khai. Nangmi naw ani ah mäih ah kei ah mawng akcang kä nami pyen ci.”

NG'THU K'THUUK~ 25:9

Nang la na im ng’phei ung ngaih kä ng’hmat ci a om ung na ni mät naw nani m’dim vai. M’yih thuh gui phung api phi kä nami m’thawh en vai.

1 TIMOTHI 2:8

Khritha gui ah bum nak phung ung, pami ng’vai gui ami taigü vai, ngahmi cu Khanpughi ah ng’ap pyi ci gui ah kya ne, m’lung she nak la cuhcan nak kä om men sei, ami kut chang ne ami taigü vai ah ka ng’ya hlük ci nei.

MATTHE 23:23

“Thuvi ciah pharisee gui la thukhän saya gui, nangmi ung thüisei nak om ci. Nangmi cu m’lui, k’bei, an mai nüng bum gha bum ät nami peit ung phi, taga nak, m’gein nak, düngnak gui ah thukhän ung küikyang pi ci gui cu nami nawng ci. Nangmi naw bum gha bum ät phi pe khenggeng ne thukhän phi nami läk vai.

1 KORIN 11:28

Cun ah kyasei, chang päng naw amät naw amät ngaih tüh pük pük netah, m’htut cu ei ne khap cu aw sä.

MAKUH 9:50

“M’shi cu nik ci, cun ung phi a tuui amaih ah a kyak ung, nangmi naw a i cha tuui khai ah kä nami pyang ba hlawt khai. “Nangmi ung teihpüi mah nak ah m’shi cu om sak u netah, nami mät gui dimdeeih nak awn om vä” cine m’cäi gui ci.

MATTHE 5:23

Cun ah kyasei nang cu Khanpughi ah mangkiang ung, khawhcham na peit vai na pawng law püi ung, na phäi nau awn kä nani ng’gei nak a om ah a kyak ung,