MATTHE 5:23 - Cho Bible Common Language 2016

²³ Cun ah kyasei nang cu Khanpughi ah mangkiang ung, khawhcham na peit vai na pawng law püi ung, na phäi nau awn kä nani ng’gei nak a om ah a kyak ung,

MATTHE 5:23 Referans Kwoze

MAKUH 11:25

Nangmi cu ng’düi law ne nami taigü ung katnak gui nüng nami m’gein vai. Cun ung khankho ah om ciah nami pa naw nami kat nakgui cu ning m’gein gui khai.

MATTHE 5:24

na peit vai ah khawh cu, mangkiang ah ak ka ah nawng shüt netah, ani ah hteit ne nang gei püi ba cang vai, cun kawn ah law ba ne na peit vai ah khawh cu Khanpughi-am na ap vai.

MATTHE 8:4

Bawipa Jesuh naw, “Shin ah mawng cu a u-am kä nam thein-en vai, cun ung phi taigü ng’vai ah hteit ne na pumsa cu nam hnuh vai, cun kawn ah na gai nak ah mawng ang dang vai ah Moses ah thukhän ah mäih ah peit taak nak na bi vai,” cine pyen nak ci.

MATTHE 23:19

Changshe mik m’dauh gui, peit taak nak ang a küikyang pi, peit taak gui theingthap sak ciah mangkyang ang a küikyang pi?

LUKA 19:8

Zakhaeus cu ng’düi law netah, Bawipa Jesuh-am “Bawipa, kei ah ka khawh cu a teih k’pai ne ghawipyam ci gui-am ka pek khai nei. Kei naw chang ah ngui kä düng ciah ka lak a om ung phi, a cun ah ngui ah ak phli ah ka pe ba khai nei” cik ci.

HOSEA 6:6

Kei naw ng’täi ciah anmi m’hni nak cu ka ng’ya hlük ci. Seime awn nami khawihnah nak ah kä kyak ci. Kei ah ka chang gui naw m’khih ne douthak ah dam ah ami na hmuhmat vai cu kei naw ka m’hni ci.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

NG’ÄI KYAH 3:20

Kei naw acun cu ak phlüt ah ka ngaih-tüh ci. Kei ah ka mümcha cu üt ong ci nei.

1 GHANGPUGHANG GUI 2:44

Kapa David ah khan ah nang naw chei khai ah na bi gui avan nang naw na hmat ci. Acun ah phäh ah Bawipa naw ning m’kyuk khai nei.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

ATÜNNAK 41:9

Cun kawn ah yu cung bawi naw ghangpughang am, “Ka hma nak cu tuh ngawi ka ng’yuu ba ci nei.