MATTHE 5:22 - Cho Bible Common Language 2016

²² Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

MATTHE 5:22 Referans Kwoze

1 JOHAN 2:9

Akdei ung ka om ci nei ci netah, a phäi nau gen ciah chang cu, a tuhchü hmüp khui ung om ciah kyak ci.

JAMES 3:6

M’lei cu mei awn täng ci, cheishoh nak ah phung ah kyak ci; m’lei cu pumsa ah ang pai tumat ah kya ne, shetkat nak cu pumsa avan ung gawk sak ci. M’lei cu mei ah ng’düi ne, mi ghin nak avan cu m’htei mei awn, na uih sak gui thei ci.

TITUS 3:2

Ak she ah kä ng’thu phung ne, dimdeih nak la khawtsheng nak awn om u ne, angtäi sei ng’awi gi ne ami om vai ah nam cäi gui vai nei.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

MATTHE 18:35

Cun ah kyasei nangmi cu phäi nau gui nami mät, tumat ah kat nak cu tumat naw, akcang ah kä nam m’gein tu ah a kyak ung, khankho ah kapa naw nami katnak cu kä ning m’gein gui khai nei,” cine m’cäi gui ci.

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

ROMAN 12:10

Nang mi cu tumat la tumat khritha phäi nau ah mäih ah nami ng’khawtsheng vai, tumat la tumat chang m’sui nak tu cu ang ghit ah nami bi vai.

1 PETER 2:23

Shedam nak ci phi kä shedam na tu ba ci, a geinvai yah ung phi, a u kä ng’vanglaak na ne, düng sei m’khoichak ciah Khanpughi ung, ang ngaih u nak cu ap ci.

MATTHE 18:21

Cun kawn ah Peter naw a pei ah law netah, “Bawipa, ka phäi nau naw ana katnak ung a i chü vei kam gein vai ang? chih vei m’gein vai ang!” cine ng’shik ci.

SAM 109:3

Kei ah mawng akshe ah pyen u ne, amawng kä om ciah na ng’tuk püi ci gui nei.

SAM 37:8

Kä na mi ng’ä ng’ai vai, kä nami m’lung she vai, ng’ä ai m’lung she nak cu, khüikha nak ah kyak ci.

JUDE 1:9

Khan chang gui ah bawi Michaela naw phi shin ah mäih cu kä bik ci, Moses ah pumsa a u naw lak khai ciah mawng Khoshe awn ani ng’cuh nak ung, Michaela naw Khoshe cu kä k’shedam na yäi netah, “Khanpughi naw khän ne ning m’cäi sä” cin kyak nak ci.

1 JOHAN 3:10

Ashin ah mawng awn Khanpughi ah htanau la Khoshe ah htanau ah ng’lakmah nak cu ng’htei ne dang ci. Ng’düng nak kä om ciah chang, a phäinau kä m’hni ciah chang cu Khanpughi ah htanau ah kä kyak ci.

LAMKTU 17:18

Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui. A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

MAKUH 14:55

Taigüpa gui la kawngsi yung bawi gui naw Bawipa Jesuh ngawn nak hning ah katnak saksi cu k’tha na ne shui ne phi kä hmuk ci gui.

MATTHE 26:59

Taigüpa gui la kawngsi ng’vai gui naw Bawipa Jesuh ngawn nak hning vai ah käng düng ciah saksi cu shui ci gui.

THULÄÄN NAK 15:11

Israel chang gui ung angtäi sei dukhaih ci la ghawi pyam ci om khai. Cun ah kyasei kei naw ka ning thumkhän gui cu, cun ah chang gui cu nami khailang nak gui vai.

JOHAN 11:47

Cun ah kyasei, taigü ng’vai gui la pharise gui naw ng’cuh u ne kawngsi ah hteit u netah,” Shin ah chang naw cäi aih vai gui akda bi pyi ci, mikmi naw a i kä bi ne mi om khai ma?

THU PHLAAN 20:14

Cun kawn ah sihnak la sihnak ah khaw avan cu meidäi ung yuk shum ci gui. (Cun ah meidäi cu akhnih vei nak sihnak ah kyak ci.)

LAMKTU 7:37

Khanpughi naw ami mät pakhui ung ka, Profet tumat cu, kei a na tüih law ah mäih ah tüi lawk khai nei” ci neh Moses naw Israel chang ghu am pyen na gui ci.

LUKA 12:5

Nami kyih vai cu ka ning m’thein gui khai, ngawn netah mä m’htei ah tüi hning ci, huham mah ciah Khanpughi cu nami kyih vai nei, ka pyein cu nami yun vai, kyih vai cu ani bäng om ci nei.

MATTHE 5:44

Cun ung phi nami gaa nami m’hni vai, ning shedam nah gui ci nami taigü peit vai, ciah kei naw ka pyein ci.

MATTHE 5:34

Cun ung phi nangmi naw thukhän shaitaak nami bi ung kä nami ng’phyun en vai. Khankho khü ne kä nami ng’phyun vai, khankho cu Khanpughi ah mangkiang ah kyak ci.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

OBADIAH 1:10

“Nang naw Jakob ah hta ng’shon, na mätyah hniim ne na ngawn ah hmawk ah ngawi yä nang cu ning m’di ne kä ning chang m’sui ba khai.

NG'THU K'THUUK~ 14:16

Cuivai ciah chang naw khüikha nak phyawn nak vai ah geing na ne om ci, Cun ung phi chang anglam cu a i ka geing na ne ang ghit ah hnüntho ci.

SAM 7:4

ka püipaw cu kat na ne, amawngma kä om ciah guttep ci ka kyak ung,

ATÜNNAK 37:4

Ami pa Joseph am hni pi cu a phäi gui naw hmu u neta, Joseph cu thüi na u ne akni kä ng’thu ng’htau ba püi ci gui.

1 JOHAN 5:16

Na phäi nau tumat cu a cheishoh ung phi sih nak ah katnak ah kä ah kyak ah khoi ung, Khanpughi ah nak taigü peit vai, Khanpughi naw ani am ghin nak cu pek khai nei. Cun cu sih nak ung kä gawk nak hnga vai ah cheishoh ciah chang gui ah mawng ah kiak ci. Cun ung phi sih nak ung gawk nak ah cheishoh nak om ci, cun ah hmawk ah nami taigü vai ah ka pyein ah kä kyak ci.

JAMES 2:20

Chang k’aang aw! Hnünthawh nak kä om ciah yum nak cu akholä ah a kyak ah mawng na hmat hlük ci ang?

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

1 KORIN 6:10

M’guk ei gui, ng’yak hlü nak aih om ci gui, awktat ci gui, ng’plahtang ci gui, la chang ah khawh guttep ci gui cu, a u naw phi Khanpughi ah uknak kho kä khäm tuk khai gui nei.

1 KORIN 6:6

Bawi Jesuh kä yum ciah chang gui ah maa ah khritha gui nami mät, nami ng’shawkcha tu aih ciah kya ci nei.

LAMKTU 5:27

Cun ah ang düihpüi gui cu law püi gui ne kawngsi gui ah ma ah m’düih gui u netah Taigü tung naw ng’shi gui ci. Ani naw,

JOHAN 15:25

Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

JOHAN 8:48

Ngami naw Bawipa Jesuh-am,” Nang cu Samaritan chang, khoshe ah kai nei “Kami cicu kä hman ne ma?” ci nak ci gui.

JOHAN 7:20

Cun ah chang gui naw, “Nang ung khoshe om ci nei, a u naw nang ning ngawn khai ah pawng püi sei ang?” cine kyak na tu ba ci gui.

MAKUH 15:1

A ngawi ung khongawi htaksiik ah taigüpa gui cu, Jew chang ng’vai gui, thukhän saya gui la, kawngsi yung bawi gui awn ng’hmu ne ng’ge u netah, Bawipa Jesuh cu khit u ne Pilat bawi ah hteh püi ci gui.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

MATTHE 23:33

K’phyu m’äm ah gui lah k’phyu m’äm-ah ah hta gui, nangmi cu m’hteimei ung luh nak vai ung kaa, a i chaa nami phyawng khai ang?

MATTHE 23:15

“Thuvi ciah ah pharisee gui la thukhän saya gui, nangmi ung thüisei nak om ci. Chang tumat a yum law tu vai ah tui kat ne, ng’yung khum ne nami hteit ci. Zum nak ung nami m’hluh tu kawn ah, cun ah chang cu, nami mät ah mä a goi ah shekat pi ne, m’htei kho ah hteit ciah nik khai ah nami pyang ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

MATTHE 12:24

Cun ami cicu pharisee gui naw ng’ya u netah, “Shin ah chang naw khoshe gui ah bawimang Beeyebul ah ming awn nei khoshe gui cu ak täm hning,” cine kyak ci gui.

MATTHE 10:17

Geing nah ne nami om vai, chang gui naw ning pha gui ne yung ah m’kawt ung ning hteh püi gui khai gui.

OBADIAH 1:12

Judah khaw ah na mätyah gui ah ng’yoyaw nak cu kä na teng hlü vai. Ngami ah di nak ah hnüüp ung nang cu kä na yeikyai vai. Ngami ah cümbawng ah phäh ah kä na gaih vai.

DANIEL 3:19

Nebukhadnezzar cu amlung kä üp hlawt sei Shadrak, Meshak la Abedneko ah khan ah m’lungshe neta a hmai sen ci. Cun ah kyasei ani naw a chang gui am, mei cu ak chih ah caang law pi khai ah cih sak gui ci.

DANIEL 3:13

Cun ung ghangpughang cu ang htei ah m’lungshe neta, cun ah chang thum cu ama ah ami law püi gui vai ah thu k’bäi ci.

NG’ÄI KYAH 3:52

“Ami na thüi nak vai ah amawng kä om ciah ga gui ah cuun ung kha ah mäih ah kei cu na phak ci gui nei.

JEREMIAH 17:11

Kä ng’düng ci awn ngui gah ciah chang cu, kä amtui baw ciah kha awn täng ci. A nong sang ge ung a ng’büh mang nak cu maih sei, ak hnu ah akholä ah kya ne agu ang nak ng’pyi ci.

NG'THU K'THUUK~ 18:6

Chang gu ang cu ang vook tu ung ng’toh vai ah ng’ghuh ci.

SAM 92:6

Shin ah a mawng cu ak gu naw kä a hmat; ak ang naw kä a k’shing:

SAM 69:4

Amawng kä om ciah kei na gen ci gui cu, ka lumu ah ta, da pi ci nei. Ka gaa gui naw ami hleei pyen ne na ng’küük neet püi ci gui, ngami cu m’gäi u ne kei na ngawn hlük ci gui. Kei naw kä ka m’guk phi na m’thung sak ci gui.

SAM 49:10

Chang van ah hmuhmat cu, cüi vai ci phi sik ci, chang gu ang shekha phi sik ci, ami van naw ami khawh cu ami hta nau-am nawng pe shüt ci gui.

SAM 35:19

Ami gai pyen ne na gaih m’gin ne ka di vai ah, ka ga gui cu kä näng-en sak gui ä. A mawng ma a i kä om sei na thüi nak ci gui naw, ka thüi sangung kä na mik m’ghi en ah u sä.

SAM 25:3

Nang ung ng’ap ci gui ah khan ah thui ng’a nak kä om en sä, Ning küknet püi ci gui cu thui ng’a u sä.

SAM 14:1

Chang k’ang gui ami mät ng’htau u ne, “Khanpughi kä om ci nei” cik ci gui. Ngami cu chei yawp ci gui, Ak tüük khai gui bi lo ci gui; Düng ci bik ci tumat phi kä om ba ci.

NEHEMIAH 5:8

Ka pyen nak gui cu, “Keimi naw kami m’khüt hning hlawk ah, ami mät naw ami mät a khohei chang gui ah ami yoih gui ah Jew phäi nau gui cu kami hleih ba gui ci gui nei. Tuhbäi nami mät ah phäi nau gui cu k’tut gui u ne, nami Jew chang gui mät ah ami mät ami ng’zoih vai!” Cun ung ami ng’vai gui cu a i kä pyen ba hning ne, kyip ah om ci gui.

2 SHONTÄP NAK 16:10

Cun ung Asa cu prophet ah khan ah m’lungshe aih neta, ani cu m’si gui awn khit ne m’shän ci. Acun ah akhin ung tün ne, Asa naw chang amshah cu akshe ah om na gui ci.

1 GHANGPUGHANG GUI 21:4

Ahab cu a im ah hteit ba ne, Naboth naw cun a ci nak ah phäh ah thüi ne m’lungshe ci. Ani cu a ih phak ung ng’yän ne, k’pang täng ah mang ne, ei kä ei ne om ci.

2 SAMUEL 16:7

Shimei naw ani taam ne a pyen cu, “Hteit ä! Hteit ä! Chang ngawn ci! Cawi m’sa ci!

2 SAMUEL 6:20

Cun kawn ah David cu akyong chang gui yavaih khai ah a im ah hteit ba khäta, Michala naw law ne hmu lawk ci. Ani naw, “Israel ghangpughang naw tuh ngawi amät ah ming däm khai ah bik ci nei! Abawi gui ah changshäm-hnumi hta gui ma ah akgu ah mäih ah amät naw amät m’dang ci nei!” cik ci.

ATÜNNAK 37:8

A phäi gui naw, “Nang cu ghanpughang ah kya ne keimi na na uk gui khai ah na ngai ne ma, ci u neta ang mang a shui ah phäh ah gen law piktäi ci gui.

THULÄÄN NAK 16:18

“Bawipa nami Khanpughi naw a ning pek gui ah gawnu päng ung suki gui la a hei ng’vai gui nami m’düih gui vai. Shin ah chang gui naw chang gui cu kä m’khoi hnga ne m’khoichak khai gui.

2 SHONTÄP NAK 19:5

Ani naw Judah khaw vongpaang ah mang gaw päng ung suki gui cu m’düih gui ne,

LUKA 22:66

Kho thai law khätah Jew chang ng’vai gui ah kyak ciah taigüpa gui la thukhän saya gui cu ng’cut u netah Bawipa Jesuh cu Kongci yung ah hteh püi ci gui.

LAMKTU 4:15

Cun ah kiah seih ang düihpüi gui cu tüi ba gui u ne tah

LAMKTU 5:21

Ang düihpüi gui cu khankho chang ah ng’thu ngai u ne, ai khawn htük ung Taigüim ah hteit ne m’thei thang ci gui. Taigü tung la apaw gui ni, kawngsi gui ni ng’ge nak vai cine Zudah ng’vai gui cu khü gui ci gui. Cun kawn ah gakap gui tüi gui ne, ang düihpüi gui cu khü sak gui ci gui.

LAMKTU 6:12

Cun ah bi u neh chang akda gui, ami ng’vai gui lah ng’thu m’khä saya gui cu k’tü k’phlawh gui u sei, ngami naw Stephen cu phah neh kawngsi yung ah hteh püi ci gui.

LAMKTU 6:15

Kawngsi yung ah gawk ciah chang gui naw Stephen cu kheing ne teng u netah, ani ah hmai cu khankho chang ah hmai awn täng sei hmuk ci gui.

LAMKTU 22:30

Paul cu Judah chang gui naw a i katnak k’bün ne ami k’sung cu, gakap ng’vaipi naw ang dang ah hmat hlük ci. Cun ah kya sei a ngawi ung Paul ami khih nak ah m’sii gui, gui cu k’phian tu ba netah, Taigü la kawngsi ng’vai gui cu ng’cut sak gui ci. Cun kawn ah Paul cu law püi ne ami ma ah ng’düih sak ci.

LAMKTU 23:1

Paul naw kawngsi ng’vai gui cu kheing ne teng gui netah, “Israel phäi nau gui aw, Kei cu tuk ngawi ung khüt sei, ka ghin na chuih Khanpughi ah ma ah kam lung kyong theingcim sei ka bilo om ih ci nei” cine pyein ci.

LAMKTU 24:20

kei ah katnak cu nang bawi ah ma ah m’dang ne pyein khin ci gui te.