MATTHE 5:19 - Cho Bible Common Language 2016

¹⁹ Akyaw pibäih ah thukhän kä läk vai ah m’theithang tuk ciah chang cu, khankho ah akyaw ken pibäih ah kyak khai. Cun ung phi thukhän gui cu läk ne, chang-am phi a läk vai ah m’theithang tuk ciah chang cu, khankho ah hlüngtai pi khai.

MATTHE 5:19 Referans Kwoze

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

MATTHE 11:11

Kei naw akcang ka pyein cu, khomdek khan ung Johan ah hlüngtai pi ci, a u kä om ci. Cun ung phi khankho ung ak hmaw pibäih cu, Johan ah mä hlüngtai pi ci nei.

SAM 119:6

Kei naw na thumkhän avan ka läk hning ah akyak ung, kei ung lü ng’aa nak kä om khai nei.

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.

DANIEL 12:3

Cüivai ciah ang vaihta gui cu khankho mik ah akhang avan ah mäih ah ng’shü khai gui. Düng nak bi vai ah chang akda m’theithang ci gui cu, aisi ah mäih ah angtäi sei ng’shü khai gui.

SAM 119:128

Cun ah kyasei, kei naw na m’shüm thein avan cu ka läk ci; akshe lam avan cu ka thüi nak ci.

THU PHLAAN 2:20

Cun ung phi nang ka ning pyein m’sheet nak cu, amät naw amät Khanpughi ah ng’shä ah pyein ciah hnumi nu Jeyebel cu na dou ah hmawk ah kya ci. Ani naw kei ah chang gui cu ami pletbeng vai la a gup-am sonkcan ah ei nami ei vai ah m’theithang ne lam k’she m’shüm gui ci.

ROMAN 6:15

Cun ah kya sei mikmi cu, katnak ah kaa ah kä om ba ne, Khanpughi ah m’geinsei nak ah kaa ah mi om ci kya sei, katnak mi bik khai ah mi pyein khai ang! Cun ah kä kyak ci.

THULÄÄN NAK 27:26

“Khanpughi ah plah taam nak cu Khanpughi ah thukhän gui la m’theithang gui avan kä läk ciah chang päng ah khan ah gawk sä. “Chang avan naw ami m’shan vai cu, ‘Amen!’

1 TIMOTHI 6:11

Nang läi cu Khanpughi ah chang ah na kyak ci kya ne, shin ah shekha gui avan na hlawi vai nei. Düngdau nak, yum thei nak, yumnak, m’hni nak, hnimgei nak, ng’awigii nak gui awn kümbe vai ah nak tha nak vai nei.

ROMAN 6:1

Cun ah a kyak ung a i ah pyein vai ang! Khanpughi ah m’geinsei nak a däm law pi vai ah katnak cu bi lä vai maa!

1 PETER 5:4

Ang vaipi säih Htome uk ciah Bawipa ang dang law ung, angtäi ah pyü ne ng’shü ciah abämang nak ah ghui lukhu cu nami gah khai nei.

LUKA 11:42

“Pharisee gui aw, nangmi ung shetkat nak om ci, nangmi cu thuilim, am-hnah avan ung bum ghaa bum ät, Khanpughi-am nami peit ung phi, m’tara nak la Khanpughi yum hni nak cu nangmi naw kä nami yuk ngai lawk ci nei. Peit taak nak phi nami bi vai, ahei bilawh vai gui phi kä nami nawng vai ah kyak ci nei.

MATTHE 19:28

Bawipa Jesuh naw, “Kei naw akcang ka pyein cu, kho akthai a gawk law hnüüp ung chang ah Htapa cu, bämang nak awn kümbe ciah mang ah kiang ung ngok khai, Cun yah ung kei ah kang düihpüi ah nami kyak ciah nangmi cu, mang ah kiang gha-lei-goi ung ngoh u ne, Israel pakhui gha-lei-goi cu nami uk khai.

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

ROMAN 3:8

“Ak ni a gawk law vai ah ak she cu mi bi vai,” cine mi pyein khai ang! Acun ah mäih ah kei naw ka pyein ah pyein u ne chang amshah naw ng’thu gu na k’bün ne na katnak ci gui nei. Cun ah chang gui cu ami gah vai ah mäih ah m’khoichaa nak gah khai gui nei.

LAMKTU 1:1

Theophilus aw: Ka guk htük ah ca-uk cu Bawipa Jesuh naw bi abi law nak ung leng neh,

LUKA 9:48

Cun kawn ah Bawipa Jesuh naw, “Kei ah ming awn shin ah ak hmaw dou ci cu, kei na dou ciah kyak ci, kei na dou ciah chang cu, kei na tüi lawk ci dou ciah kyak ci, Nangmi ungka ak yaw pi k’bäih cu ak bä pi k’bäih ah kyak ci” cik ci.

LUKA 1:15

Ani cu Khanpughi lam ah chang m’gäi ah kya ci. Awktat man phung kä ei awk khai, anu puk ge ung Mumcha Theing awn kümbe khai.

MATTHE 20:26

Nangmi läi ung cun ah mäih kä a om-en vai nei. Nangmi ungka ng’vai pibäih ciah chang cu nami changshäm ah kyak khai.

1 JOHAN 3:4

Cheishoh nak cu thukhän m’shet nak ah kyasei, cheishoh ciah chang gui cu Khanpughi ah thukhän m’shet ci gui ah kyak ci.