MATTHE 5:18 - Cho Bible Common Language 2016

¹⁸ Kei naw akcang ka pyein cu, khomdek la khankho a om yah ah chuih cacim ung kaa, ca ng’lung ät, ca ng’ma ät phi kä dimaih düt khai. Cacim ung om ci phung avan küm yawp khai nei.

MATTHE 5:18 Referans Kwoze

LUKA 16:17

Cun ung phi Thukhän shaitaakcang’ma ng’lung ät adi maih vai ah mä, khomdek la khankho adi maih vai cu yäi tuba ci.

ISAIAH 40:8

Ä, M’ghaw cu chawng ne, cheipai cu ng’yai ci, cun ung phi khanpughi ah ng’thu cu, khong län ung khäng ci nei.”

1 PETER 1:25

Cun ung phi Bawipa ah thucim cu ng’shon päng ung khäng ci,” ciah pyein ci. Cun ah thucim cu nangmi am ng’shäu ne ning m’thein gui ah Thu Ni ah kyak ci.

MAKUH 13:30

Kei naw akcang ka pyein cu, shin ah a mawng ama gui kä a khüm pha ung, tuhbäi chü chang gui kä si yawp phak khai gui nei,

ISAIAH 51:6

Khan kho teng vä; khomdek teng vä! Khan kho cu meikhu ah mäih ah maih khai nei; khomdekcu sui kheei ah mäih ah k’pyon khai nei, acun u ng chang gui ami van cu k’pi ah mäih ah sik khai gui nei. Cun ung phi kei naw ka law püi ah hum’htei nak cu khonglän ung om khai nei; kei ah ka näng nak cu ngawi yä om khai nei.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

SAM 102:26

Ngami cu maih khai gui, cun ung phi nang cu na om lä khai; Ngami ami van cu sui kheei ah mäih ah kyak khai gui, Nang naw na ghawt gui ciah mäih ah kyak khai, Ngami cu a kholä ah kyak khai gui.

JOHAN 5:19

Bawipa Jesuh naw, “Kei naw akcang ka pyein cu,’ A Htapa naw amät ah ngaih ah a i kä bi hning ci, Apa ah bi bi a hmuh ah mäih ah vah bi bik ci. Apa naw abi cu A hta naw phi acun ah bi ba ci.

MATTHE 17:20

Bawipa Jesuh naw, “Cun cu nami yum nak a ken su ah kyak ci nei, kei naw akcang ka pyein cu, nangmi ung, anhta ui teih pang yum nak a om ung, shin ah khomhtung cu ‘Ng’nawn ä,’ nami ci ung ng’nawn khai nei. Zum nak awn kä nami m’khüt cu a i kä om khai nei.

MATTHE 16:28

Kei naw akcang ka pyein cu, shin ung om ciah chang avan kä a sih pha ung chang ah Htapa cu Ghangpughang ah kya ne law ba khai nei” cine m’cäi gui ci.

MATTHE 13:17

Kei naw akcang ka pyein cu, profet gui la Khanpughi ah chang akda gui naw, nangmi ah mäih ah hmuh hlü u ne phi, kä hmuh hlawt ci gui, nangmi ah ng’yak ah mäih ah ng’ya hlü ne phi kä ng’ya hlawt ci gui nei.

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

MATTHE 6:2

‘Cun ah kyasei peit taak nak nami bi ung mingthang hlük ci gui ah bi ah mäih ah pum nak im gui la lam kyum gui ung, dang khai ah kä nami bi vai. Ngami cu chang naw am hlüngtai gui vai ng’ya hlü u ne, ami bi ah kyak ci. Kei naw akcang ka pyein cu, ngami cu ami mät ah ng’yak hlü gah pyii ci gui ah kyak ci nei.

MATTHE 5:26

Na thung vai om ci avan kä na thung pha ah chuih, nang cu thawng ung kaa, kä na lut law ba khai,’ ciah kei naw ka pyein ci.

SAM 119:152

Cau ä ge ung nang ah m’shüm thein nak cu ka ng’thei ci; Nang naw kä maih hlawt khai ah na pyan ah kyak ci.

JOHAN 21:18

Kei naw akcang ka pyein cu; nang cu nak hmaw yah ung ng’düi law ne na hteh nak hlü ah na hteit man ci, cun ung phi nang cu na ghi law ung na kut vang goi vei k’shäng ci sei chang naw ning khitpawng ne, kä na hteh nak hlü ah ning hteh püi khai” cik ci.

JOHAN 16:23

“Cun ah hnüüp ung nangmi naw kei cu a i phi kä nami na ng’shi ba khai. Kei naw akcang ka pyein cu, ‘Kei ah ming awn nami ng’yoih phung cu Kapa naw ning pe gui khai.

JOHAN 16:20

Kei naw akcang ka pyein cu, “Nangmi nami thüi kyap khai, khomdek chang gui yeikyai khai gui. Nangmi nami thüi sei khai cun ung phi nami thüisei nak cu yeikyai nak ah ng’lat yawp khai.

JOHAN 14:12

Kei naw akcang ka pyein cu, Kei na yum ciah chang naw kei ah bi gui cu bi hlawt khai.

JOHAN 13:38

Bawipa Jesuh naw, “Nang naw kei ah hmawk ah na ghin nak na pek khai maa? Kei naw akcang ka pyein cu, ai kä ah khawn pha ung ani kä ka hmat ci nei cine thum vei na na mak khai nei” cine kiak nak ci.

JOHAN 13:16

Kei naw akcang ka pyein cu, “Changshäm cu khuimah ah mä kä tai pi man ci.

JOHAN 12:24

Kei naw akcang ka pyein cu, geit m’shi cu m’dek ung kä va kya ne, kä thuce ne a om ah a kyak ung, amät ah kawn ah kä da lawpi hlawt khai nei. M’dek ung va kya netah, athu ce ung vah akda ah vuipai m’theih tak ba man ci;

JOHAN 10:7

Bawipa Jesuh naw a pyein ba mä cu,” Kei naw akcang ka pyein cu, kei cu hto gui ah luh nak m’kawt ah ka kyak ci.

JOHAN 10:1

Bawipa Jesuh naw, “Kei naw akcang ka pyein cu, htochaam ah kyong ah m’kawt ung kä lut ne, a hei lam ung lut cicu m’guk ei ah kiak ci.

JOHAN 8:58

Bawipa Jesuh naw, “Kei naw akcang ka pyein cu, Abraham kä ang tüi pha ung kei ka om pyi ci nei” ci na gui ci.

JOHAN 8:51

Kei naw akcang ka pyein cu, kei ah m’theithang läk ci phung cu ngawi ah phi kä sik khai” ci na gui ci.

JOHAN 8:34

Bawipa Jesuh naw, “Kei naw akcang ka pyein cu katnak bik ciah chang phung cu, katnak ah changshäm ah kyak ci.

JOHAN 6:53

Bawipa Jesuh naw, “Kei naw akcang ka ning m’thein gui cu, chang ah Htapa ah asa kä ei ne, asi kä nami awk ung, nangmi naw ghin nak kä nami gah khai.

JOHAN 6:47

Kei naw akcang ka pyein cu, “Kei na yum ciah chang cu angtäi ghin nak gah ci.

JOHAN 6:32

Bawipa Jesuh naw, “Kei naw akcang ka pyein cu Moses ah ning peit gui ah m’htut cu, khankho ah kaa ei awk ah kä kyak ci, Kapa Khanpughi naw a ning peit gui cu, khankho ah kaa m’htut akcang ah kyak ci.

JOHAN 6:26

Bawipa Jesuh naw, “Kei naw akcang ka pyein cu, nangmi naw kei nami na shui cu, cäi aih vai kabi nami hmuhmat su ah kä kyak ci, m’htut nami phü ah nami ei tu ah hmawk ah kyak ci.

JOHAN 3:11

Kei naw akcang ka pyein cu, keimi naw kami hmat cu pyein u ne, kami hmuh cu kami ngak ci. Cun ung phi keimi ah pyein sak cu nangmi naw kä nami yum ci.

JOHAN 3:5

Bawipa Jesuh naw, “Kei naw akcang ka pyein cu, tui la Mumcha Theing awn kä ng’tüi cicu Khanpughi ah uknak kho ah kä lut hlawt khai.

JOHAN 3:3

Bawipa Jesuh naw, “Kei naw akcang ka pyein cu, hnih vei ng’tüi nak kä gah ci naw Khanpughi ah uknak kho kä hmuk khai” ci ne kiak nak ci.

JOHAN 1:51

Bawipa Jesuh naw, “Kei naw akcang ka pyein cu, Khankho m’kawt hmawng law khätah chang ah Htapa ah khan ah khankho chang gui kyum kai u sei nami hmu lawk khai nei” ci na gui ci.

LUKA 23:43

Bawipa Jesuh naw, “Kei naw thukhän ne ka pyein cu, atuh ngaw nang cu kei awn a täng ah paradise kho ah na om khai nei” cine pyen nak ci.

LUKA 18:29

Bawipa Jesuh naw, “Kei naw akcang ka pyein cu, Khanpughi ah uknak kho ah hmawk ah, a im lo, akchu hta, anu pa, a phäi nau nawng shüt ciah chang cu.

LUKA 18:17

Kei naw akcang ka pyein cu, akhmawhta ah mäih ah kä yum ciah chang phung cu Khanpughi ah uknak kho ah kä lut hlawt khai nei,” cine m’thein gui ci.

LUKA 13:35

Cun ah kyasei, nang ah pum im cu Khanpughi naw nawng lawk khai, kei naw akcang ka pyein cu, Khanpughi ah ang ming awn lawk ci cu, ang mingthang sä! cine na kyak nak ah hnüüp kä a gawk pha ah chuih kei cu kä na na hmuk khai nei” cine m’thein gui ci.

LUKA 12:37

Akchang shäm gui naw ami ngäng cu ami bawi alaw ba ung hmu gui ci. Changshäm gui cu yeikyai ci gui. Kei naw akcang ka pyein cu, bawi naw cun ah changshäm gui cu khin ah khän gui ne, a täng ah ngoh püi gui ne, m’sui msak gui ne, tumbei khin chah na gui khai.

LUKA 11:51

Abel ami ngawn ungka naw, mangkiang la hmun theingcim ah ng’lak ung ami ngawn ah Zecharaiah ung khüt khai ah ami ngawn gui ah hmawk ah tuhchü chang gui cu hma m’kyuk nak gah khai gui nei.

MAKUH 14:30

Bawipa Jesuh naw Peter-am, “Kei naw akcang ka pyein cu, tuhmü ai kä a khon pha ung, nang naw kei cu, ‘Ani kä ka hmat ci nei’ cine na na mak khai nei” cine pyen nak ci.

MAKUH 14:25

Kei naw ka ning m’thein gui cu, Khanpughi ah kho ung sapyit tui awk nak ah kho hnüüp kä a gawk law pha ah chuih, cän kawn ah kei cu sapyit tui kä ka aw tu ba khai” cine ang düihpüi gui-am pyen na gui ci.

MAKUH 14:18

Ngami cu a täng ah vun vai ne ami ei yah ung Bawipa Jesuh naw, “Kei naw akcang ka pyein cu, tuhbäi a täng ah vun ne mi ei ciah nangmi ungka chang tumat naw, kei cu ga ah kut ung na ap khai nei” cine pyen na gui ci.

MAKUH 14:9

Kei naw akcang ka pyein cu, Thu Ni ng’shäu nak ah kho nüng ah shin ah hnumi cu chang naw a shüm vai ah, ani ah bilawh cu pyein sak khai gui nei” cine pyen na gui ci.

MAKUH 12:43

Cun kawn ah Bawipa Jesuh naw, ang düihpüi gui khü gui netah, “Shin ah pyamtham ciah hmeinu naw, pum im ah peit nak ah m’küm ung ghawn ne pek ci gui nüng ah da pi sei pek ci nei’ ciah akcang ah ka ning m’thein gui ci nei.

MAKUH 11:23

Kei naw akcang ka pyein cu, kam lung kyong ah kä ngaih gep nak kä om ciah kang thu cu, akcang ah bä khai, ciah yum ciah chang naw, ‘Shin ah m’htung cu ng’nawn ne tuinu ung lut sä’ ci ne a pyein ung, a pyein ah mäih ah kyak khai nei.

MAKUH 10:29

Bawipa Jesuh naw, “Kei naw akcang ka pyein cu, kei ah hmawk la Thu Ni ah hmawk ah a im lo, a phäi nau, a pai nau, anupa, a hta nau nawng shüt ciah chang cu;

MAKUH 10:15

Kei naw akcang ka pyein cu, ak hmaw hta gui ah mäih ah Khanpughi ah uknak kä dou ciah chang cu khankho ah kä gawk tuk khai” cine pyen na gui ci.

MAKUH 9:41

Kei naw akcang ka pyein cu, kei ah ng’düihpüi ah nami kyak cu a hmat nak awn nangmi-am tui m’yak ät ning tu gui ci cu, akcang ah m’khum taih ne gah tang nak om khai.

MAKUH 9:1

Cun kawn ah Bawipa naw, “Kei naw akcang ka pyein cu, hlüngtai nak awn Khanpughi ah uknak kho gawk law sei, kä ami hmuh phaa ah chuih, shin ah kho ung om ciah chang amshah gui cu kä sik khai gui nei” cine kyak na gui ci.

MAKUH 8:12

Bawipa Jesuh naw ngai shäng netah, “Tuhchü chang gui naw a i ah kyasei cäi aih vai ami thäh ang? Kei naw akcang ka pyein cu, shin ah chang gui-am, cun ah cäi aih vai gui cu, kä m’dang gui vai nei” cine kyak na gui ci.

MAKUH 6:11

Nangmi ning maa na gui ciah pigaw ung kä nami om tu vai. Nami ng’thu kä ngai ciah chang gui nami hteh taak gui vai. Cun ah nami hteh taak gui ung nami kho pha ung kaa, m’vut nami khawn shüt vai, cun cu ngami ah hmawk ah ng’thu m’shi nami sho shüt ah kiak khai” cine m’cäi gui ci.

MAKUH 3:28

Kei naw akcang ka pyein cu, chang gui cu ami mät ah katnak ah khan ah phi bäi, Khanpughi kat na ne ami thu chiu ah khan ah phi bäi, m’geinsei nak om ci.

MATTHE 25:45

Cun kawn ung ghangpughang naw, ‘Kei naw akcang ka pyein cu shin ah chang gui ungka ak yoken pi ah chang käm hteihtang ne nami om phung cu, kei kä nam hteihtang ne nami om ah kyak ci’ cine kyak na gui khai.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MATTHE 25:12

Cun ung phi chumah ciah pamihta naw, ‘Nangmi a u gui ang, shoh kä ka ning ak hmawn gui khai nei,’ cine kyak na gui ci.

MATTHE 24:47

Kei naw akcang ka pyein cu, ‘A bawi ah akhawh chaam avan m’hteihtang vai ah cun ah chang-am ap khai nei.

MATTHE 24:2

Bawipa Jesuh naw, “Shin ah cawh kyan gui cu nangmi naw nami hmuk ci nei, kei naw akcang ka pyein cu shin ah pum im cu cawh nak ah lung tumat phi a mät ah om nak ung kä ng’yän ba khai ah ng’gäi ne maih lawk khai nei,” cine pyein ci.

MATTHE 23:36

Kei naw akcang ka pyein cu, shin ah a mawng ama gui ah hmawk ah tuhchü chang gui cu shetkat nak gah khai gui.

MATTHE 21:31

Cun ung phi kä hteh ah om ci. Cun ah chang goi ungka a u naw ang apa ah beit ng’yak ciah a kyak kaw!” cine ng’shi gui ci. Ngami naw, “Hta vaipi naw beit yak ci nei,” cik ci gui. Bawipa Jesuh naw, “Kei naw akcang ka pyein cu, khawn look ci gui la chang hlawhlang gui cu, nangmi ah mä ma pi ne, Khanpughi ah uknak kho ah gawk khai gui nei.

MATTHE 21:21

Bawipa Jesuh naw, “Kei naw akcang ka pyein cu, nangmi cu ngaih hnga nak kä om ciah yum nak a om ung baangghing ung kei ah bi ah mäih ah nami bi tu hning khai. Cun bäng ah kä kyak ciah shin ah m’htung cu ‘Shin ungka ng’nawn ne tui ung lut ä,’ nami ci ung nami pyein ah mäih ah kyak khai nei.

MATTHE 19:28

Bawipa Jesuh naw, “Kei naw akcang ka pyein cu, kho akthai a gawk law hnüüp ung chang ah Htapa cu, bämang nak awn kümbe ciah mang ah kiang ung ngok khai, Cun yah ung kei ah kang düihpüi ah nami kyak ciah nangmi cu, mang ah kiang gha-lei-goi ung ngoh u ne, Israel pakhui gha-lei-goi cu nami uk khai.

MATTHE 19:23

Bawipa Jesuh naw ang düihpüi gui-am, “Kei naw akcang ka pyein cu, bühmang ciah chang gui cu Khanpughi ah uknak kho ah ami gawk vai kä yäi ci.

MATTHE 18:18

“Kei naw akcang ka pyein cu khomdek khan ung nami khihpawn cu khankho ah khihpawn nak om khai, khomdek khan ung nami chah cu Khankho ah chah nak om khai.

MATTHE 18:3

“Kei naw akcang ka pyein cu, nangmi cu ak hmawhta ah mäih ah nami m’lung kä nami m’thawng ung, khankho uknak ung kä nami gawk khai.

MATTHE 11:11

Kei naw akcang ka pyein cu, khomdek khan ung Johan ah hlüngtai pi ci, a u kä om ci. Cun ung phi khankho ung ak hmaw pibäih cu, Johan ah mä hlüngtai pi ci nei.

MATTHE 10:42

Kei naw akcang ka pyein cu, kei ah kang khahpüi gui ung kaa, akhmaw pi-am tui k’gei m’yak ät tu ciah chang cu, kei ah kang khahpüi ah gah ah m’cümhnah nak cu, kä gah ah kä om khai.

MATTHE 10:15

Kei naw akcang ka pyein cu, m’khoichaa nak ah hnüüp ung cun ah pigaw gui cu, Sodom la Komorrah ah tah nui pi ciah m’shet nak cu hmuk khai nei.

MATTHE 8:10

Cun a ciah thu cu Bawipa Jesuh naw ng’ya ne cäicat netah, chang gui-am,

MATTHE 6:16

‘Nangmi cu ei nami hlawi ah a kyak ung, mingthang hlük ci gui ah mäih ah müi ng’haam khai ah kä nami om vai. Ngami cu ei ami hlawi ah mawng ang dang vai ah ei cawi ciah müi hmai awn hteit hton ci gui. Kei naw akcang ka pyein cu, cun ah chang gui cu ami mät ah ng’yak hlü gah pyii ci gui nei.

LUKA 4:24

Bawipa Jesuh naw khen gui netah “Kei naw akcang ka pyein cu, a u profet phi amät ah pigaw ung a u naw m’tamkhah ne kä dou man ci nei” ci ne pyen na gui ci.

SAM 111:8

Cun gui cu kä pyi hlawt ci, cun gui cu ng’düng nak la bä nak awn a pek ah kyak ci.

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.