MATTHE 5:15 - Cho Bible Common Language 2016

¹⁵ Mei m’däi netah a u naw dawn awn kä uk man ci. Im kyong ah chang avan adei vai ah lung k’pei ung vah mei m’däi man ci gui.

MATTHE 5:15 Referans Kwoze

MAKUH 4:21

Bawipa Jesuh naw, “Meidäi cu dawn awn uk vai ah kä kyak ci ih phak ah kaa ah thoi vai ah phi kä kyak ci. Meidäi cu lungk’pei ah khan ah m’däi vai ah kä kya ne ma?

LUKA 11:33

Mei m’däi ci naw kä thup man ci, dawn awn phi kä uk man ci. Kyong ah lut lawk ci gui naw akdei ami gah vai ah lung k’pei yung taih ne m’däi man ci gui.

LUKA 8:16

“Mei m’däi netah a u naw dawn awn kä uk ci, ih phak kaa ah phi a u naw kä hmoh man ci. Kyong ah lut lawk ci gui naw a deikhang ami hmuh vai ah lung k’pei ung taih ne m’däi ah kyak ci.

KHEI NAK 8:2

“Aaron am na m’thein vai, ani naw mei im chih cu mei im k’tung ung am hmoh law ung, a tha thei vai nei. Cun ung mei cu hmai lam ah khang khai.”

PHYAWN NAK 25:37

Mei im ng’düi ah phäh ah meikhap chih pyang ne m’düih vai, cun gui naw hmai lam shü khai gui.

ZEKHARIAH 4:2

“A i ang na hmuh?” cine na ng’shik ci. Kei naw, “Ghui awn pyan ah mei-im ng’düi ka hmuk ci nei ka cik ci. A khan bäih ah situi k’am om ci. Mei-im ng’düi khan ah mei-im chih om ci. Cun gui cu mei-ca chih awn ami pyan bäng bäng ah kyak ci.

LUKA 11:36

Akcang ah nami pumsa avan cu ak hmüp kä om ne akdei khang ah a kiak ung, mei k’däi cu nami khan ah dei ne akhang ah mäih ah nami pumsa avan cu dei ne khang khai nei” cik ci.

PHILIPPIAN 2:15

Cun ung nangmi cu cheishoh ne katnak bik ci gui ah om nak ah khaw ung Khanpughi ah kümbe ciah hta gui ah kya ne, katnak kä om ne theingthap ciah chang gui ah nami kyak khai.

HEBRU 9:2

Khophung ah ama lam cu, pyang hnga ne “Hmun Theing,” cine k’bäi ci gui. Cun ah kyong ah meidäi taih nak la Khanpughi am vawihpeh vai ah m’htut taih nak ah tawnglaai cu om ci.

THU PHLAAN 2:5

A i hlawk ah na yu kyak vü cu ngaih-tüh ba shüm ä, na kat nak ung kaa ng’yu ba ne, ak htük ung na bi ah mäih ah na bi ba vai nei. Na katnak ungka kä na ng’yu ba ah a kyak ung na om nak ah kei cu law netah, na mei ng’düi cu a hei ah ka ning hen pek khai nei.