MATTHE 5:10 - Cho Bible Common Language 2016

¹⁰ “Khanpughi ah düng nak abi nak awn, Shedam nak gah ciah chang gui yeikyai vä; Khankho cu nangmi ah kho ah kyak khai!

MATTHE 5:10 Referans Kwoze

JAMES 1:12

Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

MATTHE 5:3

“Mumcha geinvai ah mawng hmat ciah chang gui yeikyai vä; Khankho cu nangmi ah kho ah kyak ci!

LUKA 6:22

“Chang ah Htapa ah hmawk ah chang gui naw, ami ning hnu ng’tuk püi gui ung, ami ning nawng gui ung, changshe ah ami ning pyein gui ung, nami yeikyai vai,

2 TIMOTHI 2:12

Mikmi ung khüighaat nak a om ah a kyak ung, Mikmi phi ani ung uknak mi gah tuk khai.

PHILIPPIAN 1:28

Nami gaa gui cu kä nami kyih en vai; ang täi sei nami lingtha vai, Cun cu nami gaa gui ah dawng nak vai la nang mi ah näng nak vai ah mawng m’dang nak ah kyak ci, a i ah kya sei ci ung nangmi am näng nak ning pe gui cicu Khanpughi ah kyak ci.

LUKA 21:12

Cun gui kä a gawk law pha ung chang gui naw ning pha gui ne, ning dukdeiu na gui khai gui. Pum im ah m’khoichaa vai ah ning ap gui u ne, thawng ung ning chum gui khai gui. Nangmi cu kei ah hmawk ah ghangpughang ah ma, bawi ah ma ah nami gawk khai.

JOHAN 15:20

Nami shüm vai ah ka ning m’thein gui cu; ‘Chang shäm cu a bawi ah kä hlüngtai pi man ci.’ Kei ami na dukdeiu nak ung nangmi phi ning dukdeiu na gui khai gui; kei ah ng’thu ami ngaih ung nangmi ah ng’thu phi ngai khai gui.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

2 TIMOTHI 3:11

ka dukdeiu nak, la ka geinvai nak gui cun phi nak shing pyi ci nei. Antioch, Iconium, Listra gawnu gui ung, kei naw a i hlawk ah dukdeiu nak ka buiaut gui cu na hmat ci nei. Cun ung phi Bawipa naw cun gui ungka nak phiawn pyi ci nei.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

SAM 37:12

Changshe naw changni cu hnu ng’tuk püi ne, m’kawng ne gen ci.

MAKUH 10:30

a ghin yah ung shedam nak cu näng ne, a phia ah däm ciah im lo, phäi nau, pai nau, nupa, hta nau gui cu gah ba khai. Cun kawn ah gawk lawk khai ah kho ung phi angtäi ghin nak cu gah khai.

LUKA 6:20

Bawipa Jesuh naw ang düihpüi gui tän ne teng gui netah, “Pyam tham ciah chang gui yeikyai vä, Khanpughi ah Uknak khaw cu nangmi ah khaw ah kya ci.

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

1 JOHAN 3:12

Mikmi cu Kain ah mäih ah kä mi kya en vai nei. Ani ung khoshe om sei, a nau Abel cu ngawn ci nei. Kain naw a i ah kyasei a ngawn ang? Ani ah bilawh gui cu cheishoh ne a nau ah bilawh gui cu ang düng ah hmawk ah kyak ci.

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

LAMKTU 5:40

Kawngsi ng’vai gui naw Gamaliel ah ng’thu cu ngai u netah ang düihpüi gui cu khü gui ci gui. Cun kawn ah that gui u netah Bawipa Jesuh ah ng’ming awn ng’thu kä ah mi pyein nen ba vai ah, khen neh m’cäi gui netah tüi ba gui ci gui.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

MATTHE 19:14

Bawipa Jesuh naw, “Akhmaw hta gui cu kei ah law u sä, kä ma na gui vä, khankho uknak cu shin ah mäih ah ak hmaw hta gui ah kho ah kyak ci nei,” cine pyen na gui ci.

MAKUH 10:14

Bawipa Jesuh naw hmu gui netah, m’lung she ne, “Akhmaw hta gui cu kei ah law u sä, kä ma na gui vä, Khanpughi ah uknak kho cu ngami ah kho ah kyak ci nei.

LUKA 22:29

Kapa Khanpughi naw uknak vai ana peit ah mäih ah nangmi-am ka ning pe gui ci.

JAMES 5:11

Ngahmi cu khüighaat ci gui ah kyasei yeikyai ci gui ah khü gui ah kyak ci. Job ung a i hlawk ah hnimgei nak a om cu nami ng’ya pyi ci, ak hnu ah Khanpughi naw a i hlawk ah am hteihtang cun phi nami hmat ci. A i ah kyasei ci ung Khanpughi cu chimgein nak la chihna nak awn be ciah Bawipa ah kyak ci.