MATTHE 5:1 - Cho Bible Common Language 2016

¹ Bawipa Jesuh cu chang gui akda hmu gui netah, m’htung khan ah hang kai ci.

MATTHE 5:1 Referans Kwoze

MAKUH 3:13

Cun kawn ah Bawipa Jesuh cu khomhtung khan ah hang kai netah, a hnu ah läk khai ah ang yak hlü ah chang gui cu khü gui ci.

MATTHE 15:29

Bawipa Jesuh cu cun ungka pawng ba ne, Kalile tuilinu kem yung ah hteit ba ci, Cun kawn ah m’htung ah hang kai ne ngok ci.

MAKUH 4:1

Bawipa Jesuh naw Kalile tuili kem ah chang gui cu m’thei thang ba gui ci, Chang khli cu a pei ah law ne ng’bum lawk ci gui. Chang gui da law aih u sei Bawipa Jesuh cu tuili kam ah hleiko ung kai ne ngok ci.

MAKUH 3:20

Cun kawn ah Bawipa Jesuh cu im ah hteit ba ci. Chang gui akda ng’bum law ba u sei, Bawipa Jesuh la ang düihpüi gui cu ei ami ei nak vai phi akhin kä gah ci gui.

MATTHE 4:25

Kalile kho, kho pagha ah ming ciah Dekapoli kho, Jerusalem gawnu, Judea kho la Jordan tuinu vang ga ah om ciah chang khli naw Bawipa Jesuh cu a hnu ah läk lawk ci gui.

MATTHE 13:2

Gawk lawk ciah chang gui cu da aih u khätah, Bawipa Jesuh cu hleiko khan ah kai ne ngok ci. Chang gui cu tui kam ah ng’düi ci gui.

MATTHE 5:2

A ngoh nak pei ah ang düihpüi gui naw veing ne k’bui u khäta shin ah theithang gui ci;

LUKA 6:12

Cun kawn ah Bawipa Jesuh cu m’htung ah kai ne, Khanpughi ah mü lüng ne k’taigü ci.

LUKA 6:17

Bawipa cu ang düihpüi gui awn khomhtung ah kaa kyum law ba u ne ak chang khli gui awn ng’düi gi cui. Cun kawn ah Judea khaw ah kaa, Jerusalem ah kaa, la Tire la Sidon pigaw gui ungka chang akchün om ci gui.

LUKA 6:20

Bawipa Jesuh naw ang düihpüi gui tän ne teng gui netah, “Pyam tham ciah chang gui yeikyai vä, Khanpughi ah Uknak khaw cu nangmi ah khaw ah kya ci.

LUKA 9:28

Cun ah ng’thu a pyein nak, ak hnüüp chih nak ung Bawipa Jesuh cu Peter, Johan, James, ni gui awn taigü vai ah khomhtung ah kai ci gui.

JOHAN 6:15

Cun ah chang gui naw Bawipa Jesuh cu, ghangpughang ah ling ne k’hmoh lawk khai gui ah hmat netah, amät bäng khomhtung khan ah kai ne om ci.