MATTHE 4:7 - Cho Bible Common Language 2016

⁷ Bawipa Jesuh naw, “Na Bawipa Khanpughi cu kä na tüihtok vai, ci ne cacim ung om ci,” cine pyen nak ci.

MATTHE 4:7 Referans Kwoze

THULÄÄN NAK 6:16

“Bawipa nami Khanpughi cu kä nami m’nüm vai. Massah ung nami bi ah mäih ah kä nami bi vai.

1 KORIN 10:9

Mikmi naw chang amshah gui ah mäih ah Bawi Khrih cu kämi phawtcam men vai, ngami cu k’phyu naw k’dawk gui sei si yawp ci gui.

SAM 78:18

Ngami naw ami ei hlü ah ei cu k’thäh u ne, Khanpughi cu a guih ah m’nüm ci gui.

SAM 78:41

Ngami naw leng ba ba ne Khanpughi cu m’nüm u ne, Israel ah Paciim Khanpughi cu nat sak ci gui.

HEBRU 3:9

Nami pupa gui cu kum phli-kip ah kiong ung kei naw ka bi cu hmu lang u ne, na phawtcam ci gui,

PHYAWN NAK 17:7

Cun ah hmun cu Massah la Meribah ah sui ci gui, a i ah kyasei ci ung Israel gui naw ng’thu m’da ne, Bawipa m’nüm u ne, Bawipa naw na om püi gui ci ang? Kä na om püi gui ci ang? Ami ci nak ah kyak ci.

PHYAWN NAK 17:2

Ngami naw Moses ah ma ah ng’thu m’da u ne, “Awk vai tui na pe gui ä” cik ci gui. Moses naw, “A i ah kyasei thu nami m’da ang? A i ah kyasei Bawipa nami m’nüm ang?” cik ci.

LAMKTU 5:9

Peter naw,” a i ah kiah sei nang ni naw Khanpughi ah Mumcha Theing m’hleei m’hlak vai ah na ni k’bäi ang? Na cei m’cim ciah chang gui m’kawt law k’pha law ba ci gui nei, ngah mi naw nang mä kawt ne ning m’cim lawk khai gui nei” cine pyen nak ci.

SAM 106:14

Ngami cu ng’yak hlü aih nak awn be u neta, bungpuk ah Khanpughi cu m’nüm ci gui;

SAM 95:9

A cu ah ngami naw kei cu na m’nüm ne, na k’kut ci gui, cun ung phi ngami ah hmawk ah ka bi cu hmuk ci gui nei.

MALAKHI 3:15

Mi hmuh ah mäih ah chang k’om ci gui cu yei ci gui nei. Changshe gui cu ng’bühmang ci gui nei,” nami cik ci.

SAM 78:56

Cun ung phi ngami naw Bawimang Khanpughi cu hnu ng’tuk püi u ne, ani cu m’nüm ci gui. A ng’thumkhän phi kä läk ci gui,

KHEI NAK 14:22

Shin ah chang a u phi cun khaw ung lut khai ah kä ghing khai gui. Ngami naw pyü ne ng’shü ciah ka ghin om cu hmu pyi ci gui. Egypt la bungpuk ung cäi aih vai ka m’dang cu hmu pyi ci gui. Ngami naw kei ah m’lung sau nak cu leng ba ba ne na k’tek u na, kei ah ng’thu ami läk vai ah mak ci gui.

MATTHE 4:4

Cun ung phi Bawipa Jesuh naw, “Chang cu ei bäng awn ghing ciah kä kyak ci, Khanpughi ah ng’thu awn hnun m’ghin vai, ciah cacim ung om ci,” cine pyen nak ci.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

MATTHE 4:10

Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.

MATTHE 21:42

Bawipa Jesuh naw, “Shin ah cacim cu kä nami phat tu man ci kya ne maa? “Lung im co ci gui naw ghü ne ami ghäih ah lung cu, Ak tung pibäih ung düi ciah lung ah kya lawk ci. Cun cu Bawipa ah bi ah kya ne, ang htei ah cäicat vai ah kya ci.

MATTHE 21:16

Ngami naw Bawipa Jesuh-am “Akhmaw gui a i cine ami m’lau cu nang yak ci ang?” cine ng’shik ci gui. Bawipa Jesuh naw, “Akcang ah kang yak ci nei. Cacim ung, ‘Bawipa naw, htahmaw gui la nau hmaw gui cu ami m’hlüngtai thei vai ah Theithang gui ci nei,’ ciah om ci cu, Kä nami phat man ci ma?” cine kyak na gui ci.

LUKA 4:12

Bawipa Jesuh naw, “Cacim naw pyein ci,’ Na Bawipa la Na Khanpughi cu kä na phawtcam vai” cine pyen nak ci.

LAMKTU 15:10

Cun ah kyasei nang mi naw a i ah kyasei Khanpughi nami ng’küknet püi hlü ang? Mi pupa gui naw phi bäi, mi mät naw phi bäi kämi phuih hlawt ah phuih cu a i ah kyasei ngah mi am nami phuih sak gui hlü ang?