MATTHE 4:4 - Cho Bible Common Language 2016

⁴ Cun ung phi Bawipa Jesuh naw, “Chang cu ei bäng awn ghing ciah kä kyak ci, Khanpughi ah ng’thu awn hnun m’ghin vai, ciah cacim ung om ci,” cine pyen nak ci.

MATTHE 4:4 Referans Kwoze

THULÄÄN NAK 8:3

Ani naw ning cawi sak gui ci, cun kawn ah nami ei vai mana m’htut ning pe gui ci. Cun cu nangmi la nami pupa gui naw kä nami ei man ah kyak ci. Ani naw shin ah bi ne a ning m’theithang gui cu, chang cu m’htut bäng ung ng’khüng ne ghing ciah kä kyak ci.

LUKA 4:4

Bawipa Jesuh naw, “Cacim naw pyein ci, chang cu ei ei bäng awn ghing ciah kä kyak ci” cine kyak na ci.

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

ROMAN 15:4

Cacim ung ami guk phung cu mikmi ami nam theithang nak gui ah kyak ci. Cun ah ami guk ah mawng cu, mikmi naw cacim ah na peit gui ah hnimgei nak la k’thamah nak awn m’lung üp ngaih gep nak a om vai ah hmawk ah kyak ci.

EPHESIAN 6:17

Hun nak ah kyak ciah m’si lukhu cu kutshum ne, Mumcha ah m’shumphyuk ah Khanpughi ah ng’Thu ah kyak ciah khimgan cu nami kawh vai nei.

PHYAWN NAK 16:15

Israel gui naw hmu u ne, a i ah kä hmat u neta, ami mät ng’shi tu u ne, “Shin a i ang?” cik ci gui. Moses naw ngami am, “Shin cu nami ei vai ah Bawipa naw a ning pek gui ci ei ah kyak ci.

LUKA 4:8

Bawipa Jesuh naw, “Cacim naw pyein ci, ‘Na Bawipa na Khanpughi bäng khawihnah taigü ne, ani ah bi bäng na bi vai” ci ne kiak nak ci.

PHYAWN NAK 16:35

Israel gui naw Manna m’htut cu khokum phlikip ung ei ci gui. Ami om nak vai ah Kanaan khaw ah kä ami gawk pha ah chuih ah kyak ci.

PHYAWN NAK 16:8

Moses naw, “Bawipa naw mühun ah nami ei vai ah meh, khaw ngawi ah nami ng’büh nak vai ah m’htut ning pe gui khai nei, a i ah kyasei ci ung a i hlawk ah ng’thu m’da ne nami hnungtuk püi cu ani naw ng’yak ci nei. Ng’thu m’da ne keimi nami na hnungtuk püi gui cu akcang ah Bawipa cu ng’thu m’da ne nami hnungtuk püi ah kyak ci nei” cik ci.

MATTHE 4:10

Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.

MATTHE 4:7

Bawipa Jesuh naw, “Na Bawipa Khanpughi cu kä na tüihtok vai, ci ne cacim ung om ci,” cine pyen nak ci.

LUKA 4:12

Bawipa Jesuh naw, “Cacim naw pyein ci,’ Na Bawipa la Na Khanpughi cu kä na phawtcam vai” cine pyen nak ci.

PHYAWN NAK 23:15

Abib cha, Egypt khaw nami hteh taak nak ah cha ung, K’caw kä shum ah m’htut awn mang ei pawi cu, kei naw ka thumkhän ah mäih ah nami bi vai. Cun ah hnüüp chih pawi ah kyong ung k’caw shum ah m’htut phung kä nami ei vai. Douthak vai a i kä law püi ah law ne kei cu kä nami na khawihnah vai.

MATTHE 15:11

Chang shetkat sak cicu m’gawnglei ung yulut vük ciah kä kiakci, m’gawnglei ungka lut lawk ciah kya ci,” cine kyak na gui ci.

MAKUH 7:20

Cun kawn ah mä Bawipa Jesuh naw, “Chang ah puk kyong ung kaa lut lawk ci naw chang cu shetkat sak ci.

JOHAN 15:26

Khanpughi ah mawng cacim awn dang sak ciah, ning m’htei gui ciah Mumcha Theing cu lawk khai, ani cu Kapa ungka lawk ciah kyak ci, kei naw Kapa ungka ani cu ka tüi lawk khai, ani naw kei ah mawng thu pyein khai.