MATTHE 4:3 - Cho Bible Common Language 2016

³ Cun kawn ah khoshe naw law shi netah, “Nang cu Khanpughi ah Htapa ah na kyak ung shin ah lung gui shi, m’htut ah kyak khai ah pyang ä,” cine pyen nak ci.

MATTHE 4:3 Referans Kwoze

1 THESSALONIAN 3:5

Cun ah kyasei Timothi cu ka tüih law ah kyak ci. Akcang ah nangmi khoshe ah tüihtok nak ung nami gawk ah khoi ung, keimi ah bilawh nak cu akholä ah kyak khai kyak ci.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

HEBRU 12:16

A u chang phi om k’she ne, mümcha kä cimvai ciah Esau ah mäih ah kä nami kiak-en vai, ani naw hta k’tak-hnga ah a kyak nak cu, ei m’ka ät ah yoi ci nei.

PHYAWN NAK 16:3

ami pyen cu, “Egypt khaw ah Bawipa naw ana ngawn gui vai kami ng’ya hlük ci. A cu ah keimi kami om ip ci, meh la buh cu kami m’hni ah phü ne kami ei ci. Cun ung phi nang naw shin ah bung ah na law püi gui ne, ei ah cawi ne na na sih sak gui yawp vai ci nei” cik ci gui.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

LUKA 4:9

Cun kawn ah Bawipa Jesuh cu Jerusalem ah hteh püi ne, a hlüng nak pi k’bäih ah ngoh sak netah, “Nang cu Khanpughi ah htapa akcang ah na kyak ung, shin ung na ng’phäi khai;

LUKA 4:3

Cun kawn ah khoshe naw, “Nang cu Khanpughi ah hta ah na kyak ung shin ah lung cu m’htut ah pyang ä” cine pyen nak ci.

MATTHE 14:33

Hleiko khan ah om ciah ang düihpüi gui cu Bawipa Jesuh ah kawp ne ngüm yawp u netah, “Nang cu akcang ah Khanpughi ah Htapa ah na kyak ci nei,” cik ci gui.

MATTHE 16:16

Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

MAKUH 1:1

Shin cu Khanpughi ah Htapa, Bawipa Jesuh Khrit ah a mawng Thu Ni ah kyak ci.

MAKUH 3:11

Khoshe ah kai gui ah chang gui naw Bawipa Jesuh cu hmu u netah, ama ah ng’dawkphah u ne “Nang cu Khanpughi ah ning Htapa nei” cine m’lau ci gui.

MAKUH 5:7

“Hlüngtai pibäih ciah Khanpughi ah Htapa, Jesuh Bawipa, Kei cu nang naw a i cha ah ang na na ci hlü? kä na k’dukdeiu-en na bäi Khanpughi ah ming awn ka ning yoi ci nei” cine ng’shan khai ah m’lau ci.

LUKA 1:35

Khankho chang naw Mumcha Theing nak khan ah gawk lawk khai, Khanpughi ah hlüngtai nak phi nakkhan ah gawk lawk khai. Cun na kia sei theingthap ciah ak hmaw cu Khanpughi ah Htapa ah ming khai.

LUKA 4:41

Khoshe gui cu chang gui ungka lut law yawp u netah, “nang cu Khanpughi ah Htapa ah na kyak ci nei” cine ng’shäu u ne dawng yawp ci gui. Bawipa Jesuh Messiah ah a kyak cu khoshe gui naw hmat ci gui ah kiasei, acun ah mawng kä ami pyein vai ah m’cäi gui ci.

LUKA 22:70

Ngami naw, “Cun ah a kyak ung nang cu, Khanpughi ah Htapa ah na kiak ci ma?” cine ng’shi ba ci gui. Bawipa Jesuh naw, “Kei cu Khanpughi ah Htapa ah ka kyak ciah nangmi naw nami pyein ci” ci ne kiakna gui ci.

JOHAN 1:34

Cun ah chang cu kei naw ka hmu pyi ci kyasei, “Ani cu Khanpughi ah Htapa ah kyak ci nei, cine ka ning m’thein gui nei” cik ci.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

JOHAN 9:35

Cun ah a mik täm kawn ah ani cu Bawipa Jesuh naw hmu ba netah, “Nang naw chang ah Htapa na yum ci ang?” cine ng’shik ci.

JOHAN 20:31

Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

2 KORIN 1:19

Silas ni, Timothi ni, kei ni naw ng’shäu ne kami pyein ah Khanpughi ah Htapa, Bawi Jesuh cu, “ä” ci shüm “Ka” ci shüm ciah Bawi ah kä kyak ci. Ani cu Khanpughi ah ng’yak hlü cu “ä ya” cik ciah Bawi ah kyak ci.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

HEBRU 4:14

Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.

HEBRU 7:3

Melchizedek ah anu apa, apu api gui la, ang tüi nak, asih nak ah mawng gui cu, ca ung ami guk kä om ci. Ani cu Khanpughi ah Htapa ah mäih ah kya ne, angtäi sei taigüpa ah kyak ci.

1 JOHAN 3:8

Cheishoh nak bi lä ciah chang cu Khoshe ah paw ah kyak ci, a i ah kyasei ci ung Khoshe cu ak htük ge ung cheishoh ciah kyak ci. Khanpughi ah Htapa a kyum law nak ah a mawng cu, Khoshe ah bilawh phung m’di ne m’siu vai ah kyak ci.