MATTHE 4:24 - Cho Bible Common Language 2016

²⁴ Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

MATTHE 4:24 Referans Kwoze

MATTHE 17:15

“Bawipa, ka hta cu nam gein pe ä, ani cu mangtak ne, a shäng shäng tui ung phi lut ci, mei ung phi lut ci ci nei.

MATTHE 8:6

“Bawipa, kei ah ka chang tumat cu ang htei ah gawpai ne, a ih phak ung ng’yän ci nei,” cine ng’hui paa nak ci.

LUKA 5:15

Cun ung phi Bawipa Jesuh ah mawng cu thang law pi k’täi khätah, ang thu ngai hlük ci gui la gai nak gah hlük ci gui cu da law pi k’täi ne gawk lawk ci gui.

LUKA 2:2

Cun ah chang sing khei nak cu Kuirinius naw Siria kho a uk sang ung atün law htük ah kyak ci.

MATTHE 17:18

Bawipa Jesuh naw ak hmaw ungka khoshe cu täm khätah khoshe cu dawng sei, acun vai-am ak hmaw cu gai ci.

MATTHE 15:22

A cu ah om ciah Kanan Hnuminu tumat cu law netah, “David ah Htapa, kei cu nam gein ä, kei ah hta hnumi cu khoshe naw kai sei, geinvai ne ng’yän ci nei,” cine ng’pa ne yoi ci.

MATTHE 12:22

Khoshe naw kai sei a i kä hmu ba ne, kä ng’thu ba hlawt ciah chang tumat cu, chang gui naw Bawipa Jesuh ah law püi ci gui. Bawipa Jesuh naw khoshe k’täm khätah cun ah chang cu, amik m’dei ba sei ng’thu law ba thei ci.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

LAMKTU 15:23

Ngahni am ca tumat gu ne m’kan goi ci gui, cun ah ca cu: “Na mi phäi nau gui ah kya ciah, ang düihpüi gui la ang vai gui naw, Antiok gawnu, Siria kho la Cilicia kho ung om ci gui ah chang pakhui hei khritha gui am yeikyai ne ca kami ning pe law gui ci nei.

MAKUH 2:3

Cun yah ung chang phli naw shuum ciah chang tumat cu kawt law ci gui.

MAKUH 1:32

Khohni sip ne khomü hun law khätah, chang gui naw gawpai ci gui la khoshe ah kai gui cu Bawipa Jesuh ah om nak ah law püi ci gui.

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

LAMKTU 15:41

Paul cu Siria la Cilicia kho yung ah hteit ne, khrithabum gui am k’thamah nak pe gui ci.

LUKA 4:14

Bawipa Jesuh cu Mumcha Theing awn be ne, Kalile kho ung law ba khätah, ani ah mawng cu cun ah kho avan ung thang ci.

MAKUH 1:28

Acun vai-am Bawipa Jesuh ah a mawng cu Kalile kho avan ung pigaw gui yung pum ah thang lawk ci.

MATTHE 14:1

Cun yah ung Kalile kho uk ciah Herod naw Bawipa Jesuh ah a mawng cu ng’ya netah,

1 SHONTÄP NAK 14:17

David cu khaw nü ung mingthang sei, chang pakhui nü naw ami kyih vai ah Bawipa naw bik ci.

1 GHANGPUGHANG GUI 10:1

Sheba Ghangpughangnu naw Solomon ah mingthang cu ng’ya neta m’nüm nak ah ng’shi nak gui awn m’nüm khai ah Jerusalem ah lawk ci.

1 GHANGPUGHANG GUI 4:31

Ani cu chang avan ung cüivai pi k’bäih ci: Ezrathit chang Ethan, la Heman, Kalkol la Darda, Mahol ah hta gui la ani a pei yung khawpäng avan ung aming thang ci.

JOSHUA 6:27

Cun ah kya ne Bawipa naw Joshua cu om püi sei, ani ah ming cu khawpäng avan ung thang ci.

JOHAN 10:21

Chang amshah naw, “Khoshe ah kai cu, cun ah kä ng’thu hning khai, khoshe ah kai naw a i chaa ah a mik m’dauh käm dei ba sak hlawt khai” cik ci gui.

MATTHE 9:35

Bawipa Jesuh cu gawnu, gawhta apigaw päng ung hteit ne, pum im gui ung m’theithang gui ci. Khanpughi ah uknak kho a mawng thu k’ni gui cu m’theithang gui ne, gawpai nak a hlü hlü ung gawpai ci gui phi gai sak gui ci.

MATTHE 9:26

Cun ah a mawng cu cun ah kho avan ung thang yawp ci.

MATTHE 8:28

Cun kawn ah Bawipa Jesuh cu tuilinu ah vang-gaa, Kadra kho lam ah vah kai ci. Cun yah ung khoshe ah kai chang sing goi cu, ng’cim hmun ungka lut law ni ne, Bawipa Jesuh cu hmu lawk ci goi. Ngahni cu ngetngawng aih ni sei cun ah lam ung a u kä hteit ba ci.

2 SAMUEL 8:6

Cun kawn ah ani naw ami khaw ung gakap hmun k’süm ci, ngami cu ani ah chang ah kya law u ne, phlam phi ani am pek ci gui. Bawipa naw David am a khawpäng ung näng nak pek ci.

1 SHONTÄP NAK 29:2

Kei naw k’tha na cang ne Taigüim cawh nak vai gui cu ka pawng püi ci-cun gui cu, ghui, ngui, kyei, m’sii, sing, lung aküi gui, la pyü ling gui, lung chei gui, la K’tou lung akda gui ah kyak ci.

MATTHE 8:33

Vawk shäm ci gui cu gawnu kyong ah dawng ba u netah, khoshe ah kai ah chang goi ah mawng la ami hmuh nüng avan cu pyein ne ngak ci gui.

MAKUH 2:4

Chang da aih sei kä luh law püi hlawt u netah, im khan ah kai püi ne m’dikcih kaih pawk netah, Bawipa Jesuh ah ma ah gui shawn ne yuk chah ci gui.

MAKUH 2:9

Shuum ciah chang-am, ‘Na katnak cu ning k’phiawn nei ci ang a yäi tu ba kaw? Kä cung ‘Tho law ne na ih phak look ne hteit ä’ ci ang a yäi tu ba kaw’?

LUKA 4:38

Bawipa Jesuh cu pum im ungka kyum law ba ne, Simon ah im ah hteit khätah, Simon ah akchu ah anu, ang htei ah gaw sei anam htei ci gui.

LUKA 5:24

Kei naw akcang ka pyein cu, hmakat nak k’phiawn hning ciah huham cu Chang ah Htapa ung om ne, khomdek khan ah gawk law pyi ci nei,” ci netah, shum ciah chang-am, “Tuhbäi tho law ne, na ih phak lok ne kawt ne, na im ah hteit ba ä” cine pyen nak ci.

LAMKTU 8:7

Khaw she ah kai gui ah chang akda ung ka, khaw she gui cu m’lau ne lut law ne dawng ci gui. Akut khaw shum ciah chang gui phi gai ba ci gui.

LUKA 7:17

Bawipa Jesuh ah a mawng cu Judah khopäng la a pei leng avan ung gawk yawp ci.

LAMKTU 28:9

Cun kawn ah cun ah tui koi kawng ungka gawpai ciah chang gui cu Paul ah lawk ci gui. Paul naw ngami cu gai sak gui ci.