MATTHE 4:19 - Cho Bible Common Language 2016

¹⁹ Bawipa Jesuh naw, “Ka hnu ah na läk nä, chang phak ciah ngakpha ah ka ning pyang goi khai,” cine khü goi ci.

MATTHE 4:19 Referans Kwoze

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

LUKA 9:59

Bawipa Jesuh naw, a hei chang tumat-am, “Na läk law ä” ci nak ci. Cun ung phi ani naw, “Kapa ah gook cu ka va m’cim ba cang khai nei” cik ci.

JOHAN 21:22

Bawipa Jesuh naw, “Kei ka law ba güt ung ani ghing ne a om vai ah kei naw kang yak hlü ah a kyak ung, nang naw a i na pyein vai kä om ci, ka hnu ah na läk ä” cine pyen nak ci.

JOHAN 1:43

A ngawi ung Bawipa Jesuh cu Kalile kho ah a hteh nak ba ah, Philip cu hmu netah, “Na läk ä” cik ci.

LUKA 5:27

Cun kawn ah Bawipa Jesuh cu a hteh ba nak lam ah ayung ah ngok ciah, akhon look ciah Levi cu hmu netah “Na läk ä” cine khü ci.

MAKUH 2:14

Cun kawn ah Bawipa Jesuh naw a hteh nak ba ah khon ami loh nak ah yung ung ngok ciah Alphaeus ah hta Levi cu hmu netah, “Ka hnu ah na läk ä” cine khü khätah, Levi naw ng’düi law ne a hnu ah läk ci.

MATTHE 19:21

Bawipa Jesuh naw, “Nang cu kümbe ciah chang ah na kyak hlü ung, hteit ba ne na khawhcham avan cu yoi netah, dukhaih ci gui-am na ngui avan cu na peit gui vai. Cun ah na bi ung nang cu khankho ah bühmang nak na hmuk khai, cun kawn ah ka hnu ah na na läk vai,” cine pyen nak ci.

MATTHE 9:9

Bawipa Jesuh naw cun ungka a hteh nak ba lam ah, ayung kyong ah ngok ciah, akhawn look ciah Matthe cu hmu netah, “Ka hnu ah na läk ä,” cine kyak na sei, Matthe cu tho law ne a hnu ah läk tuk ci.

MATTHE 8:22

Cun ung phi Bawipa Jesuh naw, “Ka hnu ah na läk ä, ak si cu ak si gui naw htüm u sä,” cine pyen nak ci.

2 KORIN 12:16

Kei naw nangmi phuih kä ka ning gih sak gui ah mawng cu, nami ng’kyaa khai nei. Cun ung phi chang a tumat naw kei naw thuvi ne ka ning m’hleeihlak gui ciah ngai hngaw khai nei.

MATTHE 4:18

Bawipa Jesuh cu Kalile tuili nu pei ah a hteh sang ung ngakpha ng’phäi nau goi cu hmu goi ci. Cun goi cu Simon (Peter ah phi ami khü) la anau Andru ah kyak ci. Ngani cu tuili ung ng’vai vawi ne om ci goi.

MATTHE 4:20

Ngahni cu acun vai-am ani ng’vai nawng shüt ni ne, Bawipa Jesuh ah hnu ah läk ci goi.