MATTHE 4:17 - Cho Bible Common Language 2016

¹⁷ Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.

MATTHE 4:17 Referans Kwoze

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

LUKA 5:32

Kei cu chang k’ni gui ng’yu ba khai gui ah ka khü gui khai ah ka lawk ciah kä kyak ci, changshe gui ng’yu ba khai gui ah ka khü gui khai ah ka lawk ci” cine pyen na gui ci.

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

LAMKTU 17:30

Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci.

MATTHE 9:13

Kei cu peit taak ah mä m’gein nak kam hni pi ci, ciah cacim cu teng ne vang ngaih-tüh ba vä. Kei cu chang k’ni gui ka hun gui khai ah ka lawk ciah kä kyak ci, changshe gui ka hun gui khai ah ka lawk ei nei,” cine pyen na gui ci.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

LUKA 15:7

Acun ah mäih ah kei naw akcang ka pyein cu, ang yu ba vai kä hlü ciah chang k’ni ko-kip-lei-ko ah mä, changshe tumat ang yu ba ah hmawk ah yeikyai nak däm pi khai nei” cik ci.

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

HEBRU 6:1

Cun ah kyasei mikmi cu, khritha ah ng’tün nak a mawng ama gui cu hmuhmat yawp ne, thuuk ciah m’theithang nak ma lam ah mi hteit khai nei. Tün nak ah a mawng gui cu kami ning m’thein gui pyi ah kiasei, leng ne ng’thei ba vai kä hlü ci, kä bä cicu nawng ne Khanpughi yum vai cu nami hmat pyi ah kyak ci.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

MATTHE 25:1

“Cun ah akhin ung Khanpughi ah uknak kho cu shin ah mäih ah kyak khai. Hnü ät ung lamihta singhga cu chumah khai ah pamihta dou khai gui ah mei im kawt sek sek ne hteit ci gui.

MATTHE 13:47

“Cun kawn ah phi Khanpughi ah uknak kho cu shin ah mäih ah kyak ci. Nga shui ci gui cu tuili ung ng’vai ami vawih ung nga a hlü hlü uk ne phak ci gui.

MATTHE 10:7

‘Khankho uknak ng’et lawk ci nei,” cine ng’thu pyein vä!

LUKA 9:2

Cun kawn ah Khanpughi ah uknak kho ah mawng ami pyein vai la gawpai ci gui ami gai sak vai ah mawng m’cäi ne tüi gui ci.

MATTHE 11:12

Tuihnim Johan naw ng’thu a pyein law ung tün ne, tuhngawi ung khüt sei khankho cu, changshe gui naw ng’tuk ng’ah püi ci gui. Cun ah kho cu changshe gui naw khäm yawp vai ah k’tha nak ci gui.

MATTHE 13:24

Bawipa Jesuh naw a hei tumat awn m’tumtäng ne am thein ba gui cu, “Khankho uknak cu shin ah mäih ah kyak ci. Chang tumat naw aloma ah m’shi k’ni cu geit ci.

MATTHE 13:9

Bawipa Jesuh naw akhnu ah, “Nami hnga a om ung ngai ne ng’yah vä,” cine kyak na gui ci.

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

MATTHE 6:10

Na uknak gawk law sä; Khankho ah mäih ah m’dek khan ah phi nang yak hlü cu kümbe sä:

LUKA 3:23

Abi tün ne abi law sang ung Bawipa Jesuh cu a khokum thumkip lawk ci. Ani cu Josef ah hta ah chang gui naw ngai ci gui.