MATTHE 4:16 - Cho Bible Common Language 2016

¹⁶ Ak hmüp nak ung om ciah chang gui naw, akdei khang hmu lawk khai gui; Sih nak ah khomü ung om ciah chang gui ah khan ah, Akdei khang cu gawk lawk khai nei,” cine pyein ci.

MATTHE 4:16 Referans Kwoze

ISAIAH 9:2

Hmüpkhui ung hteit hton ciah chang gui naw dämduh ciah akdei hmuk ci gui nei. Ngami cu sihnak ah shung ah khaw ung ami om man ung phi, Tuhbäi akdei cu ami khan ah ng’shü ci nei.

MIKHAH 7:8

Mi ga naw mi khan ah ami yei nak vai a i kä om ci, mikmi mi täng ci, cun ung phi mi tho ba khai, mikmi hmüp khui ah mi om ci, cun ung phi Bawipa naw akdei na pe gui khai.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

AMOS 5:8

Bawipa naw aisi gui pyang ci, müke la thaihke phi pyang ci. Ani naw mühmüp cu hnüüpdei ah ng’lat sak ci hnüüp cu mü ah ng’lat sak ci. Ani naw tuinu tui cu khä ne khomdek khan ah lon sak ci. Ani ah ming cu Bawipa nei.

JOB 34:22

Katnak bik ci gui naw Khanpughi naw kä a hmuh gui vai ah ami ng’thuh nak vai ah ng’büh ciah hmüp khui kä om ci nei.

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

JOB 3:5

Cun ah hnüüp cu ng’ziin ne mü nu sä; Cun ah hnüüp cu ng’mei naw shung sä, khohni kä so en sä.

SAM 44:19

Cun ung phi nang naw sa hnget ah ng’lung ah am gein ka ah na na nawng gui ci; a hmüp nak pi bäih ung phi na na nawng gui ci.

ISAIAH 9:1

Ngami ah hmawk ah shin ah yaica nak ah khin ami phyawn nak vai ah lam kä om khai. Zebulun la Naphtali pakhui ah khaw cu ayanä kä bä man te ci, cun ung phi ngawi ah shin ah khaw ng’lei ung m’tam khah nak gawk lawk khai: Mediteranean ung ka naw akyang täng khaw Jordan ah vangga la kalile khaw amät. Khawhei chang gui ah om nak ah kyak ci.