MATTHE 4:12 - Cho Bible Common Language 2016

¹² Bawipa Jesuh cu Johan pha ne ami chum ng’ya netah, kalile kho ah hteit ci.

MATTHE 4:12 Referans Kwoze

MAKUH 1:14

Johan thawng ung ami chum kawn ah Bawipa Jesuh cu Kalile kho ah law ne Khanpughi ungka lawk ciah Thu Ni cu pyein ci.

LUKA 3:20

Cun ah kya khätah Herod naw Johan pha ne thawng ung chum ne, akat nak ah khan ah katnak m’taih ne katnak bik ci.

MATTHE 14:3

Herod naw Johan cu anau Philip ah chu, Herodias ah mawng awn pha ne thawng ung a chum te ah kyak ci.

JOHAN 3:24

(Cun yah ung Johan thawng ung kä kium phak ci.)

LUKA 4:14

Bawipa Jesuh cu Mumcha Theing awn be ne, Kalile kho ung law ba khätah, ani ah mawng cu cun ah kho avan ung thang ci.

MAKUH 6:17

Herod naw anau Philip ah chu Herodias cu gut ne akchu nak ah mawng ung Johan cu pha ne thawng ung a chum ah kyak ci.

JOHAN 4:54

Cun cu Judea kho ah kaa naw Kalile kho ah alaw ba kawn ah Bawipa Jesuh naw cäi aih vai abi nak akhnih vei nak ah kyak ci.

JOHAN 4:43

Cun ah pigaw ah hnüüp goi om tu netah Bawipa Jesuh cu Kalile kho ah hteit ba ci.

LUKA 4:31

Bawipa Jesuh cu Kalile kho Kapernaum gawnu ah hteit ne, pum hnüüp ung pum im ah hteit ne m’theithang gui ci.

MATTHE 11:2

Bawipa Jesuh ah bilawh gui cu Tuinim Johan naw thawng kyong ah a om nak ah ng’ya netah, ang khahpüi gui amshah cu tüi law ne,

LUKA 23:5

Cun ung phi ngami naw, “shin ah chang cu Kalile kho ung tün ne Judea kho, shin ung gawk lawk khai ah chang gui m’hleei gui ne thüngphyong sak gui ci nei” cine m’lau law pi ne pyein ci gui.

JOHAN 1:43

A ngawi ung Bawipa Jesuh cu Kalile kho ah a hteh nak ba ah, Philip cu hmu netah, “Na läk ä” cik ci.

JOHAN 2:11

Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.