MATTHE 4:11 - Cho Bible Common Language 2016

¹¹ Cun kawn ah khoshe cu a hei ah hteit khätah, khankho chang gui kyum law u ne, Bawipa Jesuh cu m’hteihtang ci gui.

MATTHE 4:11 Referans Kwoze

MATTHE 26:53

Kei naw kapa ah kang yoih ah a kyak ung Kapa naw ga-mo mawng gha-lei-goi ah däm ciah khankho chang gui cu, tüi lawk khai ci cu, kä nami hmat ci maa?

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

LUKA 22:43

Khankho ah kaa khanchang kium law ne, ani-am k’thagui be sak ci.

LUKA 4:13

Khoshe naw Bawipa Jesuh cu akda vei tüihtok netah ng’hlah ta ne a hei ah hteit ci.

HEBRU 1:6

Cun ung phi Khanpughi naw ng’tüi htük ciah A Htapa cu m’dekhan ah a tüih law vai ung, “Khanpughi ah khanchang avan naw, Ani cu ami khawihnah vai nei”, ci ne pyein ci.

JOHAN 14:30

Khomdek khan uk cicu gawk law pyi ci, cun ung phi, ani ung kei anam khüt nak vai a i kä om ci.

LUKA 22:53

Kei cu nangmi awn a täng ah ak hnüüp tä sei pum im ah om lang ngä sei, a i ah kyasei kä nami na pha ang? Cun ung phi nangmi ah akhin cu kho hmüp khui ah kyak ci,” cine pyen na gui ci.

MAKUH 1:13

Cun ah bungpuk ah khoshe naw Bawipa cu kho hnüüp phli-kip ung tüihtok ci. Cun ah bung ah kiung ciah khisa gui om ci gui, cun ung phi khanchang gui naw Bawipa cu m’hteihtang ci gui.

MATTHE 4:6

“Cacim ung,” Khanpughi naw nang ning m’hteihtang khai gui ah khankho chang gui yuk tüi law sei, ngami naw nang ah kho cu lung naw kä ning tawn-en khai ah ning chang khai gui’ ciah om ci. Cun ah kyasei nang cu Khanpughi ah Htapa akcang ah na kiak ung yu ng’htoü shüm ä, cine pyen nak ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

1 GHANGPUGHANG GUI 19:6

Ani cu mang shüi neta, m’htut pum ät la tui um ät a lu pei ah om sei hmuk ci. Ani cu ei aw neta ng’yän ba ci.