MATTHE 4:10 - Cho Bible Common Language 2016

¹⁰ Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.

MATTHE 4:10 Referans Kwoze

THULÄÄN NAK 10:20

Bawipa nami Khanpughi ah ng’thu bäng läk ne, ani bäng khawihnah vä. Ani ung bekhüt ne ani ah ming bäng ung nami shaitak nak bi vä.

JOSHUA 24:14

Tuhbäi cun kawn ah, Joshua naw k’täi ne, “Bawipa cu m’tamkhah ne kyäp nep nak la bekhüt nak awn abii nami bi vai. Egypt la Mesopotamia khaw ah nami pupa gui naw ami khawihnah man ah khanpughi gui cu nami phyawn nak gui vai, Bawipa bäng ah khut nami bi vai.

LUKA 4:8

Bawipa Jesuh naw, “Cacim naw pyein ci, ‘Na Bawipa na Khanpughi bäng khawihnah taigü ne, ani ah bi bäng na bi vai” ci ne kiak nak ci.

1 SAMUEL 7:3

Samuel naw Israel chang gui am, “Nang mi cu nami m’lung avan awn Bawipa täng ah nami ng’hlah law ba ah a kyak ung, a khaw hei khanpughi gui la Astarte ah a gup cu nami nawt heng vai. Bawipa ung nami mät avan nami ng’ap vai, ani bäng nami khawihnah vai, cun ung ani naw Philistin gui ah huham ung ka ning k’phiawn gui khai” cik ci.

JAMES 4:7

Cun ah kyasei Khanpughi ah ng’yak hlü cu läk ne khoshe cu nami k’täm vai nei, cun ung nangmi ungka dawng khai nei.

1 PETER 5:9

Nami yum nak khänhtek sak ne khüighaat ne om vä, a i ah kia sei ci ung, na mi hmat pyi ah mäih ah, m’dek ah khan ung khritha gui cu, geinvai nak ung ami yaica ah hmawk ah kiak ci.

MATTHE 16:23

Bawipa Jesuh naw Peter lam ah vang hlat netah, “Nang khoshe a hei ah hteit ä, nang cu vawntam nak vai ah na kyak ci, nang ah ngaih tüh gui cu Khanpughi lam ah kä kyak ci, chang lam ah kiak ci,” cine pyen nak ci.

JOB 2:1

Bawipa ah ma ah khanchang gui ami dang law nak ba vai ah hnüüp gawk law ba khäta, Satan phi ami ng’lung ah law tuk ci.

JOB 1:12

Bawipa naw Satan a pyen nak ba cu; “Ä ya, ani ung om ci nü cu, nang ah huham ung ka ning ap ci, Cun ung phi Joba amät cu kä na nat sak en vai,” ci nak ci, cun ah kyasei Satan cu hteit ci.

1 SHONTÄP NAK 21:1

Satan naw Israel chang gui ah khan ah yaica nak law püi hlü neta, David naw chang ak khei vai ah k’bäi sak ci.

JOB 1:6

Khanchang gui Bawipa ah ma ah ami law vai ah akhin a gawk law yah ung, Satan phi ami ng’lung ah law tuk ci.

SAM 109:6

Ka ga cu thu m’chak khai ah m’gak ci cu ghü ä, ani cu amät ah ga awn di sak ä.

PHYAWN NAK 23:25

Kei, Bawipa, nami Khanpughi cu nami na khawihnah ah a kyak ung tui la ei ka ning m’shumphyuk gui khai, nami natnak avan ka k’täm yawp khai.

ISAIAH 30:22

Nangmi naw ngui awn pyan ah a gup gui la ghui awn vook ah a gup gui cu ng’awt ah mäih ah ghawt u ne, “Kei ung ka ahei ah hteit ä” cine nami m’lau khai nei.

MAKUH 1:13

Cun ah bungpuk ah khoshe naw Bawipa cu kho hnüüp phli-kip ung tüihtok ci. Cun ah bung ah kiung ciah khisa gui om ci gui, cun ung phi khanchang gui naw Bawipa cu m’hteihtang ci gui.

LUKA 10:18

Bawipa Jesuh naw, “Khankho ah kho alai-läp ah mäih ah Satan cu kya law sei ka hmuk ci.

LUKA 11:18

Khoshe gui ah kho ung ami ngaih ang pai ung kä kawng ät thei khai gui. Nangmi naw Beelyebul ah na peit ah k’thagui awn khoshe ka K’täm ciah nami pyein ci.

LUKA 13:16

Abraham ah hta ah kä kyak ciah shin ah hnumi cu khokum gha-lei-cheit ung satan ah khih pawn nak gah ci. Ani cu cun ah khih pawn nak ungka pum hnüüp ung kä m’hlawt vai ma?” cik ci.

LUKA 22:3

Cun kawn ah Satan cu Judas Iskariot ah m’lung kyong ah lut ci.

LUKA 22:31

Bawipa Jesuh naw, “Simon, Simon, htangmguh m’hääi ne, angshi angtak m’chaa ah mäih ah ning m’khoimchaa gui khai ah Satan naw akhin gah pyi ci nei.

JOHAN 13:27

Cun ah m’htut la ne a ei vai-am satan cu ani ah kyong ah lut pyi ci.

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

1 KORIN 5:5

Bawipa a law hnüüp ung cun ah chang ah mümcha cu hun nak a gah tu vai ah hmawk ah, a pumsa cu, am di vai ah Satan nam nami ap vai nei.

1 KORIN 7:5

Nangmi naw k’taigü nak vai ah ng’dawt ne nami k’bäi ah akhin nami peit ah kawn ah, ng’chula goi ah ng’yak hlü cu kä nami ng’chei en sak vai nei. K’Taigü nak ang pyi kawn ah nami om man ah nami om ba vai nei. Cun ung vah nami m’lung cu htingling sak hlawt u ne Satan ah tüihtok nak cu nami m’khüt näng khai.

2 KORIN 2:11

Cun ung vah Satan cu mikmi ah khan ah kä a näng vai ah mi shung hlawt khai; Satan ah theileh cu mikmi naw mi hmat ci.

2 KORIN 11:14

Cun ah ami bi cu cäcat vai kä kyak ci, Satan hngaw akdei ah khankho chang ah ng’hlawk thei ci.

2 KORIN 12:7

Kei naw ka hmuh ah cäicat vai mawng ung kei cu kä ami nam hlüngtai en vai ah, kei cu ka pumsa awn geinvai nak ka aut ci nei. Cun ah geinvai nak naw, Satan ah ng’shä tüih ah mäih ah, kei cu na hnem ne, kam ghä m’ce nak cu na k’cheih pek ci nei.