MATTHE 3:9 - Cho Bible Common Language 2016

⁹ Abraham cu kami pa ah kyak ci nami ci nak düt awn, nangmi cu katnak ung nami phyawng khai ah kä nami ngaih-en vai nei. Khanpughi naw shin ah lung gui cu la ne, Abraham ah hta gui ah tüi pyang hning ci, cicu ka ning m’thein gui ci nei.

MATTHE 3:9 Referans Kwoze

LUKA 3:8

Kat nak ungka phiawn vai ah ng’yu ba yawp vä, Abraham cu kami pughi cine kä khähghah vä, Khanpughi naw lung gui phi la ne Abraham ah ng’shon ah pyang hning ci nei.

JOHAN 8:33

Cun ah chang gui naw, “Keimi cu Abraham ah hta ng’shon ah kami kiak ci. A u ah changshäm ah phi kä kami kya man ci, a i ah kia sei ning m’hlawt gui khai, na ci ang?” cik ci gui.

ROMAN 4:1

Cun kawn ah mi pughi Abraham ah mawng cu mi ngaih-tüh khai. Ani ah buiaut law gui cu a i ang!

LAMKTU 13:26

“Abraham ah hta ng’shon ah kyak ciah phäi nau gui la Khanpughi yum ciah changpakhui hei gui aw, Khanpughi naw hun nak ah Thu k’ni cu mikmi ah gawk law sak ci.

LUKA 16:24

“Pa Abraham aw, kei cu nam gein ä, kei cu m’htei mei khui ung ang htei ah ka geinvai ci nei. Layarus naw a kut m’dawng awn tui tawk netah ka m’lei ung ana m’hteei tu vai ah ka om nak ah yuk tüi law” cine m’awi ne ng’khü ci.

JOHAN 8:53

Nang cu si pyi ciah kami pa Abraham ah mä na hlüngtai pi ne ma? Profet gui phi si yawp pyi ci gui nei, nang naw na mät cu a u ah nang ngai ci ang?” cine ng’shik ci gui.

LUKA 5:22

Bawipa Jesuh naw cun ah ami ngaih-tüh cu hmat gui netah, “A i ah kyasei cun ah nami ngaih-tüh ang?

MAKUH 7:21

Chan ah pukhui m’lung kyong ungka shetkat ciah ngaih tüh nak gui cu lut lawk ci; cun gui cu ng’yo ng’pawm hlü nak, m’guk nak, chang ngawn nak;

EZEKIEL 33:24

Ani naw, “Hnicim chang, Israel khaw, ng’phyek ciah mang gaw ung om ciah chang gui naw pyen ci gui: Abraham cu chang tumat ah a kyak yah ung khaw a van ami pek ah kyak ci. Tuhbäi mikmi mi da ci, cun ah kyasei khaw cu mi khaw ah kyak ci.

LAMKTU 15:14

Khanpughi naw ak htük bäih ah changpakhui hei gui ungka am shah gui cu ak chang ah ghü gui ne am gein gui ah mawng cu Simon naw pyein pyi ci.

LUKA 19:40

Bawipa Jesuh naw, “Kei naw akcang ka pyein cu, shin ah chang gui adüm ah ami om ah a kyak ung lung gui cu tho law ne m’lau lawk khai gui nei” cik ci.

LUKA 7:39

Pharisee Simon naw cun cu hmu netah, “Shin ah chang shi profet akcang ah a kyak läi ung, a khaw k’pan pek ciah hnumi cu a u ah a kiak, a i katnak bik ciah a kyak ah hmat khai süte” cine ngai ci.

LUKA 12:17

Cun ah kyasei ka geitkaw gui ni aih ci, a yung ka m’sep khai ang? cine ngaih-tüh khit ci.

JOHAN 8:37

Nangmi cu Abraham ah hta ng’shon gui ah ka ning hmat gui ci. Cun ung phi kei ah m’theithang kä ng’ya hlü u ne, kei nami na ngawn khai ah nami tha nak ci.