MATTHE 3:7 - Cho Bible Common Language 2016

⁷ Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

MATTHE 3:7 Referans Kwoze

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

1 THESSALONIAN 1:10

Cun ah A Htapa Jesuh cu Khanpughi naw sih nak ungka thawh ba sak sei, gawk law ge ciah Khanpughi ah m’lungseh nak ungka nak phiawn gui ciah Bawipa ah kyak ci nei.

ROMAN 1:18

Düng nak cu chang gui naw kä ami hmat vai ah cheishoh, shetkat nak gui ah khan ah, khankho ah khanpughi ah m’lung k’she nak a gawk ah mawng cu dang law pyi ci nei.

MATTHE 23:33

K’phyu m’äm ah gui lah k’phyu m’äm-ah ah hta gui, nangmi cu m’hteimei ung luh nak vai ung kaa, a i chaa nami phyawng khai ang?

ROMAN 5:9

Mikmi cu Jesuh Khrit ah sih nak awn Khanpughi ung mi ng’düng pyi ci kya sei, Khanpughi ah m’lung k’she nak ung a na k’phiawn gui cu ngaih gep vai kyak ci.

MATTHE 22:23

A cu hnüüp ung Sadducee gui cu Bawipa Jesuh ah gawk lawk ci gui. Ngami cu ‘Sihnak ungka thawh banak kä om ci,’ ciah yum ci gui ah kyak ci.

MATTHE 16:6

Bawipa Jesuh naw, “Nangmi cu pharisee gui la Sadducee gui ah k’caw cu ngaih na ne nami hlawi vai,” cine m’cäi gui ci.

1 JOHAN 3:10

Ashin ah mawng awn Khanpughi ah htanau la Khoshe ah htanau ah ng’lakmah nak cu ng’htei ne dang ci. Ng’düng nak kä om ciah chang, a phäinau kä m’hni ciah chang cu Khanpughi ah htanau ah kä kyak ci.

JOHAN 9:40

Bawipa Jesuh a pei ah om ciah pharise gui naw, Bawipa Jesuh ah ng’thu cu ng’ya u netah, “Keimi mä kami mik m’dauh ciah na pyein ci ma?” cine ng’shik ci gui.

JEREMIAH 51:6

Babilonia ungka dawng vä! Nami ghin vai ah dawng vä! Babilonia ah katnak ah phäh ah kä ning ngawn cu gui u sä. Kei naw tuhbäi phu ka shui yah ci, ami chei ah phäh ka m’kyuk gui yah ci.

JEREMIAH 6:10

Kei naw ka m’shang ci, “Kei naw ngami ng’thu püi gui ne, ka m’cäi gui ah a kyak ung a u naw kei na ngai khai ang? Ngami cu m’lung liing u ne nang ah thu ngaih vai ha mak cu gui nei; kei naw ka pyen vai ah na na m’thein cu ngami naw gaih tuk ci gui nei.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

LAMKTU 26:5

Ngami naw kei ami na hmat cu shou lawk ci nei. Kei cu Judah gui ah yum nak aküikyang pi k’bäih ah thukhän mah ciah pati ung Pharisee tumat ah ka kyak cu, ami saksi hlü ung saksi hning ci gui nei.

LAMKTU 20:31

Cun ah kyasei kei naw nang mi am kho kum thum pum ung amü ak hnüüp, ka ng’phli tui kya law sei, ka ning m’theithang gui cu nami shüm ba khenggeng vai nei.

LAMKTU 15:5

Cun ung phi Pharisee pati ungka Bawipa Jesuh yum law tuk ciah chang amshah gui cu ng’düi law u ne, “Chang pakhui hei gui cu vun aat nak bi tuk khai gui, Moses ah thukhän phi läk tuk khai gui” cine kyak ci gui.

LAMKTU 5:17

Cun kawn ah Taigü tung la, apaw gui ah kyak ciah pigaw gui ah ka Sadducee gui cu ang Düihpüi gui ah khan ah ang htei ah käng yah hlü ne m’thüi u netah, ci gui vai ah k’bäi ci gui.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

JOHAN 1:24

Pharise gui ah tüih law chang gui naw, “Nang cu Messiah ah phi kä na kyak ung,

LUKA 18:11

Pharisee cu amät bäng ng’düi hnga netah, “Aw, Khanpughi aw, chang gui cu, a i baw ng’ya hlük tat ci ni, kä düng ci ni, chang ah hta kat püi ci ni ah kyak ci gui. Kei cu cun ah chang gui ah mäih ah kä ka kyak ci. Shin ah akhawnlook ciah chang ah mäih ah phi kä ka kya tuk ci, cun ah kyasei Khanpughi ka ning m’hlüngtai ci.

LUKA 16:14

Ngui ng’ya hlük ciah pharisee gui cu, cun ah ng’thu cu ng’ya u netah, Bawipa Jesuh cu m’lep nak ci gui.

LUKA 7:30

Cun ung phi Pharisee gui la ng’thukhän hmat ci gui läi cu, Khanpughi ah ng’yak hlü nawng ci gui ah kya ne, Johan ah tuihnim nak cu maa nak ci gui.

MAKUH 12:18

Sih nak ungka thawh ba nak kä om khai cik ci gui ah Sadducee amshah gui cu, Bawipa Jesuh ah law u netah;

MAKUH 12:13

Cun kawn ah pharisee amshah gui la Herod ah pati chang amshah gui cu Bawipa Jesuh ah tüi law u ne, phawtcam nak ah ng’shi sak gui ci gui.

MAKUH 8:15

Bawipa Jesuh naw, “Nang mi naw Pharisee gui ah k’caw la Herod ah k’caw cu geing nah ne nami hlawi vai nei” cine ang düihpüi gui cu m’cäi gui ci.

MATTHE 22:34

Sadducee gui naw kä ami m’hlan tuba hlawt vai ah Bawipa Jesuh ah thu pyein cu, pharisee gui naw ng’ya u netah, a pei ah ng’bum lawk ci gui.

MATTHE 22:15

Cun kawn ah pharisee gui cu hteit ba u netah, ani cu a i i ah thuvi ne ng’shi vai ang’ cine ng’gepai ci gui.

MATTHE 12:24

Cun ami cicu pharisee gui naw ng’ya u netah, “Shin ah chang naw khoshe gui ah bawimang Beeyebul ah ming awn nei khoshe gui cu ak täm hning,” cine kyak ci gui.

MATTHE 5:20

Kei naw akcang ka pyein cu, Khanpughi ah ang yak hlü ah om nak ung, Pharisee gui la thukhän saya gui ah mä, kä nami bä pi ah a kyak ung khankho ah kä nami gawk hlawt khai.

ISAIAH 59:5

Nangmi naw akshe nami pawng püi cu, k’phyu m’ä mah ah m’tui akheh ah mäih ah sih nak pyang ci. Pum ät kheh sei, phyu tumat lut lawk ci; cun ung phi nami pawng püi naw nami khan ah kä ah ni ah bi bik khai — ngami cu bangkaga ng’gan awn tah ah sui ah mäih ah a i ah kä mawng khai.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

MATTHE 15:12

Ang düihpüi gui naw a pei ah law u netah, “Nang Bawipa naw thu na pyein ah phäh ah pharisee gui m’lungkshe ci gui nei, na hmat ci ang?” cine pyein lawk ci gui.

NG'THU K'THUUK~ 28:4

Thukhän kä na läk ah a kyak ung chang shekha täng ah na om ciah kyak ci. Thukhän na läk ah ah a kyak ung ngami hnungtuk püi ciah na kyak ci.

MATTHE 16:1

Pharisee gui la Sadducee gui cu Bawipa Jesuh ah pei ah law u netah, ami phawtcam nak ah, Khanpughi a tüih law ah mawng cäi aih vai cu am dang vai ah k’thäh ci gui.