MATTHE 3:4 - Cho Bible Common Language 2016

⁴ Johan cu kala-uk mu awn tah ah suinu sui ne, saphaw m’yüi awn ak khei k’htün ci. A ei awk cu khoitui la khoi htalung ah kyak ci.

MATTHE 3:4 Referans Kwoze

2 GHANGPUGHANG GUI 1:8

Ngami naw, “Ani naw savun awn pyan ah suinu sui ne, mehvun kheipat awn ng’pat ci” cik ci gui. Ghangpughang naw, “Cun cu Elijah nei” cik ci.

TAIGÜTHUM 11:22

Khanpeh, khingkhighi la khankho kying cu nami ei vai.

MAKUH 1:6

Johan cu kala-uk ah mu awn tah ah sui cu sui ne, mehvun cu m’ciu ah vawp ci. Ani ah ei awk cu khingkhighi la khoitui ah kyak ci.

MATTHE 11:8

Kä cun ung a i vai nami hteit ci ang? Ak kyom suisak ci gui nami teng khai ang? Ak kyom suisak ci gui cu mang im kyong ah nei ami om.

ZEKHARIAH 13:4

Cun ah khin a gawk law ung a u prophet phi amik hmuh awn kä khähghah khai, prophet ah mäih ah kä bik khai, chang gui ah ma ah gai ne prophet ah ghaat ciah suinu cu kä sui khai.

LUKA 1:17

Ani cu Bawipa ah lam ung lam ma ciah kya ne, profet Elijah ah mäih ah khüighaat ne hlüngtai khai. Ani naw pa la hta atäng ah om ba sak goi khai; ani naw ng’thu kä ngai ciah chang gui düng ciah lu ng’lang nak ung ng’hlah law ba sak gui khai; Khanpughi ah hmawk ah ng’düi ge khai gui ah Bawipa ah chang gui cu ana m’cäi gui khai,” cine pyein ci.

MALAKHI 4:5

“Cun ung phi küikyang ci la kyihkyawk nak vai ah Bawipa ah law nak kä ak phaa law pha ung kei naw prophet Elijah cu ka ning tüih law pe gui khai.

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.

MATTHE 11:18

Tuihnim Johan cu ei phi hlawi ne, yu phi kä aw ne, nangmi ah om nak ah gawk law sei, nangmi naw “Shin ah chang cu khoshe ah kai nei,” nami cik ci.

THULÄÄN NAK 32:13

Ani naw khongyuung khaw-gui cu uk sak gui ci, Nami naw khaw ungka tho cicu ei ci gui. Ngami naw lungsheng ung khoishing hmuk ci gui, Ami oliv-sing naw lung la m’dek cu cüiche ci.

ISAIAH 20:2

Ng’pyi pyi ciah kum thum ung Bawipa naw Amoz ah hta Isaiah am, aphahnak la athüisui asuh vai ah pyen nak ci. Ani naw awn ngai ne akplui ah phahnak kä ng’cum ne hteit hton ci.