MATTHE 3:17 - Cho Bible Common Language 2016

¹⁷ Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

MATTHE 3:17 Referans Kwoze

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

SAM 2:7

Ghangpughang naw, “Bawipa ah thu m’shäk cu kei naw ka ng’shäu khai. Ani naw kei am, “Nang cu ka ning htapa nei, Tuhngawi kei cu nang ah Pa ah ka kyak ci nei.

2 PETER 1:17

Pa Khanpughi naw m’tamkhah nak la bämang nak a peit yah ung keimi phi kami om ci, cun sang ung hlüngtai säih ciah bämang nak awn ng’shan lawk ciah thu k’aw cu, “Shin cu kei ah Htapa nei, ani awn kei ka yei ci nei,” ciah kyak ci.

LUKA 9:35

Cun yah ung khankho ah kaa k’aw cu, “Shin cu kei ah Htapa nei, ani cu ghü ne ka m’düih pyi nei, ani ah ng’thu nami ngaih vai nei” ciah thang lawk ci.

MATTHE 12:18

“Shin cu kei naw ka ghü ah ka changshäm, Kam hni, ka yeikyai nak nei. Kei ah ka mümcha cu ani ah khan ah ka gawk sak khai, Ani naw kei ah k’bäi ah m’khoichaa nak cu kho nüng ung ng’shäu khai nei.

MAKUH 9:7

Cun kawn ah khomei tumat dang law ne ami khan ah hnim law gui ci. “Shin cu kei ah m’hni ah Ka Htapa nei, ani ah ng’thu cu ngai vä” ciah k’ow cu khomei ungka ng’thang lawk ci.

LUKA 3:22

Mumcha Theing cu mümbawk ah mäih ah yong law ne, ak khan ah ngo law khätah, “Nang cu ka ning m’hni aih ah ka ning Htapa nei” ciah khankho ah ng’thu k’aw cu thang lawk ci.

MAKUH 1:11

Cun kawn ah khankho ah kaa k’aw cun phi, “Nang cu kam hni aih ah ka ning Htapa nei, nang ung kei ka yeikyai ci nei” ciah thang lawk ci.

KOLOSE 1:13

Ani naw mühmüp ah huham ung kaa, na k’plawk gui ne, A Htapa ah uknak kho ung phyawng ne gawk vai ah na hteh püi gui ci nei.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

ISAIAH 42:21

Bawipa cu khanpughi nei, ani naw ang ghit ah hun hlük ci nei. Angthukhän gui la a m’theithang gui cu m’hlüng tai ci nei, A chang gui naw ami m’tamkhah vai ah ng’ya hlük ci nei.

JOHAN 5:37

Na tüi lawk ciah Kapa Khanpughi amät naw phi, kei ah mawng cu saksi ci. Nangmi naw ani ah k’o kä nami ng’ya man khai, amüi phi kä nami hmu man khai;

THU PHLAAN 14:2

Khanmawpi ah ng’güüt ciah tuinu la khaw ng’hmum ah mäih ah ng’shan ciah k’aw cun phi ka ng’yak ci.

JOHAN 5:20

Apa naw A hta cu m’hni ne abi gui phung cu m’thein yawp ci. Shin ah a mawng gui ah hlüngtai pi cicu Apa naw m’theikaan khai kia sei, nangmi naw nami ngaih-tüh khit khai.

1 JOHAN 5:9

Mikmi naw chang ah saksi cu mi yum ci, cun ung phi Khanpughi ah saksi cu m’khungpang pi bäih ci. Ani naw saksi nak ana peit gui cu A Htapa ah mawnglam ah kyak ci.

TAIGÜTHUM 15:15

Taigü naw tumat cu katphyawn douthak nak, tumat cu m’khih ne douthak nak ah a douthak vai. Ani naw chang ah ng’gängsei nak vai cu shikcha ah a bi vai.