MATTHE 3:12 - Cho Bible Common Language 2016

¹² Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

MATTHE 3:12 Referans Kwoze

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

MATTHE 13:30

Geit khäm khin ung khüt sei, geit la m’gho cu a täng ah phung ghing cang ni sä. Geit khäm khin a gawk law ung geit khäm ci gui-am; khu m’ghaw gui cu mawih sak gui ma netah, k’bum ne mei ung m’khih vä, cun kawn ah geit gui cu aat u ne, ka khei ung thun vä, cine kam cäi gui khai,’ cik ci,” cine m’thein gui ci.

LUKA 3:17

Ani naw alo ma ah geit khäm ne chüdawn awn chü netah, ang tak cu khei ah thun ne, ang shi cu kä phät hlawt ciah mei awn m’khih khai.

JEREMIAH 51:2

Khokhi naw ko khi ne a zon ah mäih ah Babilonia m’di khai ah a khohei chang gui cu kei naw ka tüi lawk khai. Cun ah m’di nak ah khaw hnüüp a gawk law ung ngami naw cun ah khaw cu akit päng ung om ne tu u ne, nawng khai gui.

ISAIAH 41:16

Nangmi naw khokhi ung nami m’shon gui khai; khokhi naw zon gui khai, khokhinu naw k’püipawng gui khai. Cun kawn ah nangmi cu nami yeikyai khai, a i ah kyasei ci ung kei cu nami na khanpughi ah kyak ci; Israel gui ah theingcim ciah khanpughi, kei cu nami na m’tam khah khai.

MATTHE 13:41

Chang ah Htapa naw ak khankho chang gui tüi law ne, chang gui shetkat lam hma sak ci gui la shetkat nak bik ciah chang gui cu, a uknak kho ung kaa, ghü gui ne la gui netah,

SAM 1:4

Cun ung phi chang shekha gui cu cun ah mäih ah kä kyak ci; Ngami cu khokhi naw a yon ah ko ah mäih ah kyak ci gui.

JEREMIAH 7:20

Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

JOHAN 15:2

Kei ung kä m’thein ciah ang ban phung cu tupit ne ghawt ne, m’theih ciah ang ban cu am theih law pi vai ah pyang m’tham ci.

JEREMIAH 15:7

A gawnu päng kho avan ung kei naw nangmi cu ko ah mäih ah khokhi ung ka ning ghawt gui khai. Ka chang gui, kei naw ka ning m’di gui khai, Nami htanau gui cu kei naw ka ngawn gui khai, a i ah kyasei ci ung nangmi naw akshe ah nami om cu kä nami ng’düm sak ci.

JEREMIAH 17:27

Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.

ISAIAH 30:24

Nami lai thawn ciah seipat gui la ng’se la gui naw akbäpi la aknipi ah ei cu ei khai gui nei.

ISAIAH 17:13

Chang pakhui gui cu tuinu ah ng’güüt ah mäih ah ma lam gawk lawk ci gui. Cun ung phi khanpughi naw k’ceet gui sei, ngami cu ng’hlat u ne, khokhi naw m’htung pem ung m’vut azon ah mäih ah, küiphak naw htang kou a zon ah mäih ah kyak ci gui.

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

ISAIAH 1:31

Khuchawng cu mei m’ghi naw a uih ah mäih ah, huham mah aih ciah chang cu amät ah amshe nak naw m’di khai, cun ah m’dimshum nak cu a u naw kä ng’düm sak htawt khai.

SAM 35:5

Ngami cu khokhi ah zon ah ko ah mäih ah kya u sei, Bawipa ah khanchang naw k’täm gui sä.

JOB 21:18

Htang gong chawng ah mäih ah khokhi naw yon man ne ang? M’vut ah mäih ah puikho khi naw yon man ne ang?

MATTHE 13:43

Cun yah ung Khanpughi ah chang gui cu ami pa ah uknak kho ung, khohni ah mäih ah khang ne om khai gui. Ng’yak nak vai ah hnga om ci phung naw ng’ya sä,” cine m’thein gui ci.

AMOS 9:9

“Kei naw thumkhän pe ne, Israel chang gui cu chüdawn ung htang chü ah mäih ah ka chü gui khai. Kä chang nak ci phung vai yawp vai ah changpakhui gui ah ng’lung ah ka chü gui khai.

HOSEA 13:3

Cun ah chang gui cu khongawi ah khüi toi ah mäih ah, khongawi hta ung maih ciah k’daam tui ah mäih ah maih khai gui nei. Ngami cu htang m’hai hmun ung khokhi naw ayon ah htang shi ah mäih, meikhu m’kawt ung meikhu ah mäih ah kyak khai gui nei.

JEREMIAH 4:11

Ng’kiang khokhi na ngami täng ah akhi law ah mawng Jerusalem chang gui am m’thein nak gui vai ah akhin gawk lawk ci nei. Cun cu angshi bäng zon ciah kyäp nep ciah khokhi ah kä kyak ci —

ISAIAH 66:24

Ngami ami hteh ba ung, kei na hnungtuk küknet püi ci gui ah ami gook gui cu hmuk khai gui. Cungui ei ciah m’kyiit gui cu kä ci phung khai gui, cun gui ui ciah mei phi kä phät phung khai. A cun gui hmuk ciah hnicim chang avan cu shemshai gui khai. Prophet Isaih ah caa gui ng’pyi ci.

ISAIAH 27:4

Kei cu sapyit lo ah phäh ah kä ka m’lungshe ba ci nei. Hnu ng’tuk püi vai ah hling ghing, hling shun gui bäng om ci nei, kei naw cun gui cu ka m’khih gui yawp khai nei.

MATTHE 13:42

Caang ne ng’ai ciah mei ung k’htawm gui khai. Cun ah chang gui cu kyap ne m’lau ne, ami ha htui ne gein vai khai gui.

LUKA 3:16

Johan naw, “Kei naw tui awn ng’hnim nak ka ning pe gui ci. Cun ung phi kei ah hlüngtai pi cicu lawk khai, Kei cu ani ah phahnak gui phi kä ka k’phian hning ci, ani naw Mumcha Theing la mei awn hnim nak ning pe gui khai;

ISAIAH 28:28

Ani naw htang cu kä düm ne neen düt ne kä m’di ci, Htang kä ng’deng khai, ng’hlee awn, a i cha neen vai cu ani naw hmat ci.