MATTHE 3:11 - Cho Bible Common Language 2016

¹¹ Nangmi nami ng’yu ba ah hmawk ah tui awn tuihnim nak ka ning pe gui ci, Kei ah ka hnu ah lawk ciah Bawipa naw Mumcha Theing la mei awn hnim nak ning pe gui khai. Ani cu kei ah mä hlüngtai pi ci, Kei cu ani ah phahnak phi ka kawt khai ah kä ka khin ci.

MATTHE 3:11 Referans Kwoze

LUKA 3:16

Johan naw, “Kei naw tui awn ng’hnim nak ka ning pe gui ci. Cun ung phi kei ah hlüngtai pi cicu lawk khai, Kei cu ani ah phahnak gui phi kä ka k’phian hning ci, ani naw Mumcha Theing la mei awn hnim nak ning pe gui khai;

ISAIAH 4:4

A huhan awn Bawipa naw chang pakhui cu m’khoisha ne theithap sak khai, Jerusalem ah cheishoh nak la a cunang li ciah si cu m’si yawp khai.

LAMKTU 1:5

Johan naw tui awn hnim nak pek ci, cun ung phi nang mi cu kä sho pha seih Mumcha Theing awn hnim nak na mi gah khai” ci neh m’cäi gui ci.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

TITUS 3:5

mikmi cu hun nak mi gah ci. Cun cu mikmi naw mi bi ah nikiom nak awn nah kä kyak ci, ak thai ah ng’tüi nak la tui hnim nak awn ghin nak thai nak pe gui ciah Mumcha Theing ung amät ah chihna nak awn ana hun gui ah kyak ci.

1 KORIN 12:13

Acun ah mäih ah, Jew chang, khui hei chang, chang khleihtein, chang ng’päi om, chang mi van cu Mumchabawi tumat ung tui mi ng’hniim u ne, pumsa tumat ah mi kya lawk ci. Acun ah Mumcha cu chang mi van naw mi gah ah kyak ci.

MATTHE 3:6

Ngami cu ami shekat nak ng’nü ng’yu ba u ne, ng’paa na u sei, Johan naw Jordan tuinu ung tuihnim gui ci.

LAMKTU 19:4

Paul naw, “Johan ah tuihnim cu katnak ungka ng’yu ba ci gui ah hmawk ah kya ci, Johan naw ka hnu ah lawk ciah Bawipa cu nami yum vai cine Judah chang gui am m’thei gui ci. Cun ah Bawi cu Bawipa Jesuh ah kya ci” cine m’thein gui ci.

LUKA 1:17

Ani cu Bawipa ah lam ung lam ma ciah kya ne, profet Elijah ah mäih ah khüighaat ne hlüngtai khai. Ani naw pa la hta atäng ah om ba sak goi khai; ani naw ng’thu kä ngai ciah chang gui düng ciah lu ng’lang nak ung ng’hlah law ba sak gui khai; Khanpughi ah hmawk ah ng’düi ge khai gui ah Bawipa ah chang gui cu ana m’cäi gui khai,” cine pyein ci.

JOHAN 1:30

Kei ah hnu ah lawk ci cu, kei kä kang tüi pha ung ng’tüi ne kei ah hlüngtai pi ci nei, cine ka pyein man cu ani ah kyak ci nei.

MAKUH 1:4

Cun ah kyasei Tuihnim Johan cu bungpuk ah dang law netah, tuihnim nak pe ne ng’thu ang ng’shäu law cu “Nami katnak gui ung ng’yu ba ne tuihnim yawp vä, cun ung Khanpughi naw nami katnak ning m’gein gui khai nei” ciah kyak ci.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

JOHAN 1:15

Johan naw ani ah mawng ng’shä ne a pyein cu, “Kei naw ka pyein man ah chang cu ani nei, ani cu kei ah hnu ah lawk ci, cun ung phi kei ah hlüngtai pi ci, a i ah kyasei ci ung ani cu kei kä ka ng’tüi pha ung ng’tüi pyi ci.

LUKA 3:3

Cun ah kyasei Johan cu Jodan Tuinu lawngyung pigaw avan ung hteit netah, “Nami kat nak ng’yu ba ne tui ng’hnim yawp vä; Khanpughi naw nami katnak ning m’gein gui khai nei” ci ne ng’thu pyein ci.

LAMKTU 8:36

Ngah ni cu hteit gäk gäk ni netah tui ah om nak ah gawk lawk ci gawi. Cun kawn ah cun nah bawi naw, “Shin yah ung tui om ci, tui kä kang hnim cang vai ah na shung shet ciah mawng a i om ne ang?” ci neh ng’shik ci.

LAMKTU 8:38

Cun kawn ah ng’se cu ng’düm sak netah, ngah ni cu tui ung yu kyum law ni neh Philip naw cun ah bawi cu tui ng’hnim sak ci.