MATTHE 3:10 - Cho Bible Common Language 2016

¹⁰ Sing ghing gui ah kung ah chuk nak vai ah ghei cu, m’shän pyii ah kyasei, akni ah kä m’theih ciah a ghing phung cu, chu pit ne mei ung k’bum yawp vai nei.

MATTHE 3:10 Referans Kwoze

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

LUKA 3:9

Singghing päng ah kung cu ghei akghaat awn m’täh ci nei, kä m’theih ciah sing phung cu chu pit ne, mei k’cang ung k’bum khai nei.

MATTHE 7:19

Chang gui naw akni ah käm theih ciah a ghing gui phung cu, chupit ne mei ung k’bum man ci gui.

JOHAN 15:2

Kei ung kä m’thein ciah ang ban phung cu tupit ne ghawt ne, m’theih ciah ang ban cu am theih law pi vai ah pyang m’tham ci.

JEREMIAH 17:8

Ngami cu tui lawng pei ah ghing ciah sing ghing ah mäih ah kya u ne, tui ah gawk ne ami pya hteit ci. Khong ling kho a gawk law ung phi ngami cu kä kyik ci gui, a i ah kyasei ci ung ani ah hnah gui cu akphlüt ah ching ci: Kho kä a aa ung phi ngami cu kä ng’ä ci gui; angtäi sei theih lä ci gui.

HEBRU 6:8

Cun ung phi cun ah m’dek cu m’ghaw la ng’hling bäng a thawh sak ah a kyak ung, mang vai ah kä kya ba ci kyasei, Khanpughi naw k’phyun ne mei awn m’khih ne m’di khai.

MATTHE 21:19

Lam pei ah baangghing tumat om sei a pei ah hteit ne teng ci. Cun ah baangghing cu käm theih ah a hnah gui bäng om ci. BawipaJesuh naw cun ah baangghing cu tawk ne, “Nang cu a ngawi ah phi kä nam theih khai,” cine taam khätah, acun vai-am cun baangghing cu ng’yai ne chawng ci.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

SAM 1:3

Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

LUKA 23:31

Chiing ne lim ciah a ghing hngaw shin hlawk ah ka yaica ung a ghing chawng ci a i hlawk ah yaica khai ang” cine kyak na gui ci.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

2 SAMUEL 23:7

Nang naw m’si likhim baw, htei tumat baw na mang vai; ngami cu pyäm khai ah ui gui khai.

SAM 92:12

Ng’düng ciah chang gui cu sagui ghing ah mäih ah bämang u ne, Lebanon kho ah m’htai ghing ah mäih ah ng’ghaw bai khai gui nei.

SAM 140:10

Ngami cu mei k’cak naw kyak gui sä; Ngami cu khui m’gawng ung zu chah gui u sä, kä lut en law ba hlawt u sä.

DANIEL 4:14

Ani naw ak aw m’caan ne a sha’u cu, ‘Sing ghing cu chu pit ne, ang ban gui chawm ne, a hnah gui ghu ne, am theih gui phiang yawp vä. A cun ah ka ung khisa gui la ang ban gui ung kha gui cu k’täm gui vä.