MATTHE 28:9 - Cho Bible Common Language 2016

⁹ Acun yah ung Bawipa Jesuh cu a mi ma ah dang law ne “Nangmi ah khan ah ding gei nak om sä,” cine kyak ci. Cun ah hnumi gui naw a pei ah k’et u ne, a kho ung k’pang u netah, khawihnah ci gui.

MATTHE 28:9 Referans Kwoze

MATTHE 28:17

Ngami naw Bawipa Jesuh cu hmu u netah, kawp ne khawihnah ci gui. Cun ung phi amshah gui naw, kä ngaih gep ci gui.

MATTHE 14:33

Hleiko khan ah om ciah ang düihpüi gui cu Bawipa Jesuh ah kawp ne ngüm yawp u netah, “Nang cu akcang ah Khanpughi ah Htapa ah na kyak ci nei,” cik ci gui.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

LUKA 24:52

Ang düihpüi gui cu ang htei ah yeikyai ne Bawipa Jesuh ah taigü u netah, Jerusalem ah hteit ba u ne;

JOHAN 12:3

Cun yah ung Mari naw ang htei ah a phu küi ciah Naduh tuing’ui awn Bawipa Jesuh ah akho cu hluk netah, alusam awn htuut ne ghu pek ci.

LUKA 7:38

Ang phli tui gui cu Bawipa Jesuh ah kho khan ah yu hteu khätah, alu sam awn ghu ba ci. Cun kawn ah a khaw cu ng’ui netah tuing’ui awn hluk pek ci.

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

2 KORIN 13:11

Ka phäinau gui aw, gai ne om vä! Kümbe ciah chang ah nami kyak vai ah k’tha nah vä; kei ah ning m’cäi m’ä gui cu ngai ng’yah ne, tumat la tumat kawng ät u ne, dimdeeih nak awn om vä. M’hni nak la dimdeeih nak ah Khanpughi cu, nangmi awn a täng ah om khai nei.

JOHAN 20:19

Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci.

LUKA 1:28

Khankho chang naw Mari ah ma ah, “Na khan ah ding gei nak om sä, Bawipa naw a täng ah ning om püi ne, küikyang ciah hrilham ning k’be sä!” pyen nak ci.

ISAIAH 64:5

Hman ci bi neta yeikyai ciah chang gui, a i hawkcha ah ngami ami ghin vai ah na ng’yak hlü cu shüm ba ciah chang gui cu nang keimi ah khan ah na m’lung she ci, cun ung phi keimi cu kami hma lä ci nei; nang cu dämduh ciah m’lungshe ci sei phi eimi cu kami cheishoh lä ci nei, cau tün ne a cun ah kami kyak ci nei.

MATTHE 23:7

Sumlei hmun gui ung phi chang gui naw ami chang m’sui vai ng’ya hlük ci gui. ‘Sayapa’ ciah chang naw a khü gui vai m’hni ci gui.

MATTHE 28:8

Cun ah hnumi gui cu ami kyihkyawk pang ung phi ang htei ah yeikyai u ne, acun gui cu ang düihpüi gui-am m’thein ba khai gui ah dawng ba ci gui.

MATTHE 28:10

Bawipa Jesuh naw, “Kä kyikyawk vä, hteit ba ne ka phäi nau gui-am Kalile kho ah ami hteh vai ah m’thein gui vä, ngami naw a cu ah na hmuk khai gui nei,” cine m’cäi gui ci.