MATTHE 28:7 - Cho Bible Common Language 2016

⁷ Law ne ang yän nak te cu teng law vä, a tuhbäi ak yang ah hteit ne ang düihpüi gui-am m’thein-gui vä. Ani cu sih nak ung kaa tho ba pyi ci, tuhbäi Kalile kho ah ma ne, ana hteit pyi ci kiasei, a cu ah ani cu nami hmuk khai nei. Kei ah ning m’thein gui cu käm hnihen vä,” cine pyen na gui ci.

MATTHE 28:7 Referans Kwoze

MATTHE 26:32

Cun ung phi kei cu sih nak ungka ka thawh ba kawn ah, nangmi ah ma ung Kalile kho ah ka gawk ma khai nei,” cine ang düihpüi gui-am kyak na gui ci.

MATTHE 28:10

Bawipa Jesuh naw, “Kä kyikyawk vä, hteit ba ne ka phäi nau gui-am Kalile kho ah ami hteh vai ah m’thein gui vä, ngami naw a cu ah na hmuk khai gui nei,” cine m’cäi gui ci.

JOHAN 16:4

Chang gui naw shin ah mawng gui ami bi nak vai ah khin a gawk law ung, nangmi naw nami shüm ba vai ah ka ning m’thein gui ah kiak ci nei. “Kei cu nangmi awn a täng ah ka om mei yah ci kyasei, akhtük ung shin ah mawng gui kä ka ning m’thein gui ah kyak ci.

1 KORIN 15:4

Cacim ung om ciah mäih ah ami k’phuh a mawng, ak hnüüp thum hnüüp sih nak ungka a thawh ba ah mawng;

JOHAN 14:29

Shin ah a mawng gui agawk law ung nangmi naw nami yum vai ah hmawk ah kä a gawk law pha ung ka ning m’thein gui ah kyak ci. Nangmi awn kei aksho kä mi ng’thu ba khai,

LUKA 24:34

Ng’bum ne ana om ciah chang gui naw, “Bawipa cu akcang ah tho ba pyi ci nei, Simon Peter ah ma ah ng’dang ba ci nei” cine kiak ci gui.

MAKUH 16:13

Ngani naw a hei ang düihpüi gui ah ma ah hteit ba ne a cun ah mawng cu pyein ci goi, cun ung phi ngami naw kä yum ci gui.

MAKUH 16:10

Ani cu Bawipa Jesuh ah ang düihpüi gui ah om nak ah hteit ne, acun ah a mawng cu m’thein gui ci. Ang düihpüi gui cu cun yah ung thükyap ne om ci gui. Cun kawn ah Bawipa Jesuh naw, ang düihpüi gui cu kho nüng kho cawi ah khüt khai ah tüi gui ne, Theing cim ne angtäi ghing ciah ng’thu ah kyak ciah angtäi hun nak ah mawng cu pyein sak gui ci.]

MAKUH 14:28

Cun ung phi kei cu sih nak ungka tho ba ne, Kalile kho ah ma ne ka na hteit khai nei,” cine ang düihpüghi gui-am kyak na gui ci.

MATTHE 24:25

Ngai vä bäi, shin ah a mawng gui kä a gawk law pha ung kei naw ng’daut ne ka ning m’thein gui ah kyak ci nei.

ISAIAH 45:21

Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.

ISAIAH 44:8

Ka chang gui, kä kyi en vä! Nangmi naw nami hmat ci, cau pui tüi ne tuhbäi ung khüt khai ah, kya lawk khai ah amawng avan cu kei naw ka pyen ci, nang mi cu ka saksi ah nami kyak ci. Kei ah kawn ah khanpughi a hei om ba ne ang? Kei naw kä ka ng’yak man ah huham mah ciah khanpughi om ne ang?”

1 KORIN 15:6

Cun kawn ah a hnu ah läk ciah chang phya hma naw a täng ah ami hmuh vai ah ng’dang ba ci. Cun ah chang gui ungka amshah a sih ung phi akda pi cu tuh güt ghing ci gui.

MATTHE 28:8

Cun ah hnumi gui cu ami kyihkyawk pang ung phi ang htei ah yeikyai u ne, acun gui cu ang düihpüi gui-am m’thein ba khai gui ah dawng ba ci gui.