MATTHE 28:20 - Cho Bible Common Language 2016

²⁰ Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

MATTHE 28:20 Referans Kwoze

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

SAM 46:7

M’gäi ciah Bawipa cu mikmi awn atäng ah om ci; Jakob ah Khanpughi cu mi ng’zi nak ah kyak ci.

ATÜNNAK 39:21

Cun ung phi Bawipa naw Joseph cu om püi ne hriham pek ci, thawng bawi naw phi yei nak ci.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

MATTHE 18:20

A i ah kyasei ci ung chang hnih thum hta phi kei ah ming awn ami bum ah a kyak ung ngami awn a täng ah kei cu ka om ci,” ci ne m’cäi gui ci.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

MAKUH 16:20

Ang düihpüi gui cu kho nüng ah hteit ne Thu Ni cu pyein ci gui. Ngami cu Bawipa naw a täng ah om püi gui ne, ami ng’thu pyein ang düng ah mawng saksi dang khai ah cäi aih nak gui vai ami m’dang nak hning vai ah hlüngtai nak cu pe gui ci.] [

PHYAWN NAK 3:12

Khanpughi naw, “Kei cu nang awn a täng ah ka om khai, nang naw ka chang gui Egypt khaw ah kaa na law püi ba gui ung, shin ah m’htung ung na na khawihnah khai. Cun cu kei naw ka ning tüih ah mawng ang dang nak ah kyak khai.”

KOLOSE 1:28

Cun ah kyak sei Bawi Khrit ah mawng cu chang nüng-am kami m’thein ci. Bä ciah cüivai nak awn kami m’cäi nak la kami m’thei nak cu, Bawi Khrit ung kawng ät nak awn ak chang sing theek-hai ne, Khanpughi ah ma ah ami gawk law vai ah kyak ci.

1 KORIN 14:37

Amät naw amät Khanpughi ah ng’düihpüi ah ka kyak ci cik ciah chang, mümcha m’cümhnah nak ka gah ci cik ciah chang naw, Khanpughi ah thukhän awn shin ah ca ka guk law ah mawng cu yum ngak sä.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

LAMKTU 2:42

Ngah mi cu ang düihpüi gui ah ng’thei thang tu u neh a täng ah ip om u neh, a täng ah ei awh u neh, a täng ah k’tai gü u neh, mü pyang ci gui.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

1 KORIN 11:2

Nangmi naw kei cu angtäi sei na shümba u ne, ka ning m’thei thang gui cu nami läk ah hmawk ah ka ning m’hlüngtai gui ci.

MATTHE 13:49

Kho ang pyii hnüüp ung acun ah mäih ah kya lawk khai. Khankho Chang gui kyum law u ne, changnigui ah lung ung kaa, chang she gui cu ghü u netah,

SAM 72:19

Ang täi sei aming küi cu m’taam vä! Abämang nak cu m’dek khan avan ung be sä. Amen! Amen!

1 GHANGPUGHANG GUI 1:36

Benaiah naw, “Acun ah bi vai nei, na Khanpughi Bawipa naw k’bäi khai nei.

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

1 SHONTÄP NAK 16:36

Israel Khanpughi Bawipa cu m’tam vä! Ani cu tuhbäi la khonglän ung m’tam vä! Chang avan naw “Amen” cine Bawipa cu m’hlüng tai vä.

THULÄÄN NAK 5:32

“Israel chang gui, Bawipa nami Khanpughi ah thumkhän nü nami bi vai ah ng’hteicha vä. Ang thumkhän a pihta phi kä läk ne kä nami om vai.

2 PETER 3:2

cau pui profet theing gui ah ng’thu pyein la Hunbawipa naw ang düihpüi gui awn a ning peit gui ah thu khän cu nami shum vai ah ka ng’ya hlük ci nei.

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

1 KORIN 11:23

Kei naw tuhbäi ka ning peit gui vai ah m’theithang nak cu Bawipa ah ka gah ah kyak ci. Gaa ah kut ung ami ap nak vai ah khomü ung, Bawi Jesuh naw m’htut cu la ne,

MATTHE 24:3

Bawipa Jesuh cu Olive khohtung ah amät a ngoh yah ung ang düihpüi gui cu a pei ah law u netah, “Tuhbäi na pyein ah a mawng gui cu a i ah khin ung kya lawk khai ang? Nang Bawipa kyum law ba nak khin la kho ang pyi law nak vai ah khin ung a i gui dang lawk khai ang? nam thein gui ä,” cine ng’shik ci gui.

JEREMIAH 26:2

Bawipa naw na pyen nak ci, “Taigü Im k’caw ung, ng’tüi neta, khawihnah khai gui ah Judah gaw nu gui ungka lawk ciah chang gui ah ma ah chang gui am na m’thein vai ah kei naw ka ning thumkhän avan cu na ng’shäu vai nei. Api phi kä na k’pawih nak vai nei.

PHYAWN NAK 8:27

Keimi naw hnüüp thum hteit neta bung ah Bawipa kami Khanpughi cu ana thumkhän gui ah mäih ah kami pektak khawihnah khai nei” cik ci.

EZEKIEL 46:10

Manghta cu chang gui ami luh law ung lut law ne, ami hteh ba ung hteit tuba khai.