MATTHE 28:19 - Cho Bible Common Language 2016

¹⁹ nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.

MATTHE 28:19 Referans Kwoze

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

KALATIAN 3:27

Nangmi cu Bawi Khrit ung kawng ät ne tui nami ng’hnim pyi ci kyasei, Bawi Khrit suisa u ne, Bawi Khrit ah mäih ah ghing ne nami ng’thu ci.

ROMAN 10:18

Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.

EPHESIAN 2:18

Acun nak awn chang khui hei gui la Jew pakhui mi van cu Bawi Khrit awn Mumcha tumat ung mi kium ne, Pa Khanpughi ah ma ah mi gawk lawk ciah kyak ci.

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

LAMKTU 2:41

Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui.

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.

ATÜNNAK 1:26

Cun kawn ah Khanpughi naw, “Hniciim chang cu mi mät ah müi ah mäih ah mi tüisho khai; ngami naw nga gui ni, kha gui ni, akghing nü avan cu uk khai gui” cik ci.

1 KORIN 15:29

Sik ci gui ah k’chaw ah tuihniim ci gui cu, a i ah hmawk ah, a i ngaih u ne ami bi ang? Sik ci gui tho ne ami ghin nak ba kä om ci cicu akcang ah a kyak ung, a i ah kyasei sik cun gui ah k’chaw ah, chang gui naw tui ami hniim ang?

ISAIAH 48:16

“Tuhbäi ka pei ah law ne, ka pyen cu ngai lawä. Ak htük ung kei cu akdeidang ah ka ng’thu ci, ka ng’thu angtäi sei akcang ah kyak sak ci.” (Tuhbäi uk tu Bawipa naw a huham na pe ne na tüi ci.)

LAMKTU 14:21

Paul la Barnabas naw Derbe gawnu ah Thu Ni cu pyein ni sei chang akda khritha ah kya lawk ci gui. Cun ungka naw Listra Ikonium la Pisidia kho Antiok ah hteit ba ci gui.

KOLOSE 1:23

Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.

ISAIAH 52:10

Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.

LAMKTU 9:18

Acun vai am Soul cu ak phlep gui ng’kawk ciah mäih ah amik ung ka, kiah law sei amik cu ci ba ci. Ani cu tho law neh tui ng’hnim ci.

MATTHE 13:52

Cun ah kyasei Bawi Jesuh naw, “Khankho uknak kho ung düihpüi tumat ah kya lawk ciah chang phung cu, a im khei ung kaa, akhawh ak phyim akthai k’plawk ne law püi ciah, imah awn täng ci,” cine m’thein gui ci.

1 JOHAN 5:7

Saksi thum om ci;

MATTHE 25:32

Cun yah ung kho nüng ah kaa changpakhui avan cu ama ah ng’cut lawk khai gui. Htoshäm naw hto la me khoichaa ah mäih ah chang ah Htapa naw phi chang gui cu k’pai ne m’khoichaa gui khai.

LAMKTU 1:2

Khankho ah akai ba ung khüt ciah kya ci. Cun ah kä ah kai pha ung a ghü gui ah ang düihpüi gui cu Mumcha Theing awn lam shüm gui shüt ci.