MATTHE 28:17 - Cho Bible Common Language 2016

¹⁷ Ngami naw Bawipa Jesuh cu hmu u netah, kawp ne khawihnah ci gui. Cun ung phi amshah gui naw, kä ngaih gep ci gui.

MATTHE 28:17 Referans Kwoze

SAM 45:11

Nang ah na kyom cu ghangpughang naw m’hni khai nei; Ani cu na bawi ah kyak ci, cun ah kyasei na ngaih vai.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

MATTHE 28:9

Acun yah ung Bawipa Jesuh cu a mi ma ah dang law ne “Nangmi ah khan ah ding gei nak om sä,” cine kyak ci. Cun ah hnumi gui naw a pei ah k’et u ne, a kho ung k’pang u netah, khawihnah ci gui.

MATTHE 16:28

Kei naw akcang ka pyein cu, shin ung om ciah chang avan kä a sih pha ung chang ah Htapa cu Ghangpughang ah kya ne law ba khai nei” cine m’cäi gui ci.

1 KORIN 15:6

Cun kawn ah a hnu ah läk ciah chang phya hma naw a täng ah ami hmuh vai ah ng’dang ba ci. Cun ah chang gui ungka amshah a sih ung phi akda pi cu tuh güt ghing ci gui.

MAKUH 16:11

Cun ah kyasei Bawipa Jesuh ghing ne a om la Mari naw a hmuh ah mawng ng’ya u ne phi kä yum ci gui.

MAKUH 16:13

Ngani naw a hei ang düihpüi gui ah ma ah hteit ba ne a cun ah mawng cu pyein ci goi, cun ung phi ngami naw kä yum ci gui.

MAKUH 16:14

Cun kawn ah ang düihpüi chang sing gha-lei-ät naw ei vai ne ami ei yah ung, Bawipa Jesuh cu ami ma ah ng’dang lawk ci. Ngami cu ami yum nak kä a om ah hmawk la Bawipa Jesuh sih nak ungka a thawh ba kawn ah Bawipa Jesuh hmuk ciah chang gui ah ami pyein cu kä ami yum nak hning ah hmawk ah yüi gui ne m’cäi gui ci.

LAMKTU 1:3

Ani cu asih kawn ah hnüp phlikip ah kyawng ung ang düihpüi gui ah ma ah akda vei ng’dang ba neh a ghin ba ah mawng cu ak cang ah m’dang shüt ci. Ang düihpüi gui naw ani cu hmuk ci gui, ani naw phi Khanpughi ah uknak khaw ah mawng cu m’theithang gui ci.