MATTHE 28:10 - Cho Bible Common Language 2016

¹⁰ Bawipa Jesuh naw, “Kä kyikyawk vä, hteit ba ne ka phäi nau gui-am Kalile kho ah ami hteh vai ah m’thein gui vä, ngami naw a cu ah na hmuk khai gui nei,” cine m’cäi gui ci.

MATTHE 28:10 Referans Kwoze

ROMAN 8:29

Khanpughi naw a ghü ah chang gui cu, A hta ah mäih ah ami kyak vai ah m’cha ne m’hnüt ne om sak gui ci. A hta cu ng’phäi nau gui akda ung, ang vai pi ah a kyak vai ah hmawk ah cun ah a ciah kyak ci.

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

MATTHE 28:7

Law ne ang yän nak te cu teng law vä, a tuhbäi ak yang ah hteit ne ang düihpüi gui-am m’thein-gui vä. Ani cu sih nak ung kaa tho ba pyi ci, tuhbäi Kalile kho ah ma ne, ana hteit pyi ci kiasei, a cu ah ani cu nami hmuk khai nei. Kei ah ning m’thein gui cu käm hnihen vä,” cine pyen na gui ci.

MAKUH 16:7

Nangmi cu Peter la a hei ang düihpüi gui ah hteit ne, “Bawipa cu hteit ma ne Kalile kho ah ana gawk khai nei, ayan a ning m’thein gui ah mäih ah Bawipa cu Kalile kho ah nami hmu ba khai nei” cine pyein ci.

MATTHE 28:5

Khankho chang naw hnumi gui-am, “Kä kyikyawk vä, kutlamtung ung tai ne, ami ngawn ah Jesuh cu nami shui ciah ka ning hmat gui ci nei.

MATTHE 14:27

Acun vai-am Bawipa Jesuh naw, “Kä cäicat vä, kei nei, kä kyikyawk vä,” cine pyen na gui ci.

JOHAN 6:20

Bawipa Jesuh naw, “Kä kyikyawk vä, kei nei” cik ci.

MATTHE 25:45

Cun kawn ung ghangpughang naw, ‘Kei naw akcang ka pyein cu shin ah chang gui ungka ak yoken pi ah chang käm hteihtang ne nami om phung cu, kei kä nam hteihtang ne nami om ah kyak ci’ cine kyak na gui khai.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

SUKI GUI 10:16

Cun ah kyasei ngami naw akcho hei khanpughi gui cu nawng u ne, Bawipa cu khawihnah ci gui; cun ah kyasei, ngami ah khüikha nak cu chihna gui ci.

MATTHE 26:32

Cun ung phi kei cu sih nak ungka ka thawh ba kawn ah, nangmi ah ma ung Kalile kho ah ka gawk ma khai nei,” cine ang düihpüi gui-am kyak na gui ci.

MATTHE 28:9

Acun yah ung Bawipa Jesuh cu a mi ma ah dang law ne “Nangmi ah khan ah ding gei nak om sä,” cine kyak ci. Cun ah hnumi gui naw a pei ah k’et u ne, a kho ung k’pang u netah, khawihnah ci gui.

MATTHE 28:16

Ang düihpüi chang sing gha-lei-ät gui cu Bawipa Jesuh ah m’cäi gui ah mäih ah Kalile kho m’htung ah khan ah hteit ci gui.