MATTHE 27:66 - Cho Bible Common Language 2016

⁶⁶ Cun ah kyasei ngami cu ng’cim hmun ah hteit u netah, Khai nak ah lung cu, ca gei ne m’hnüt ne, phuh hmun m’kawt cu khäng htek khai ah khai ci gui. Cu kawn ah gakap gui-am ngäng sak ci gui.

MATTHE 27:66 Referans Kwoze

DANIEL 6:17

Lungnu cu khui ah m’kawt ung auk tha ci gui, ghangpughang naw amät ah m’hnüt nak awn m’hnüt ci, bawi ng’vai gui naw phi lung ung m’hnüt ci gui. Cun ah kyasei a u naw Daniela cu kä gung hning ci.

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

MATTHE 28:2

Cun yah ung shihpi ak tung ah thüng lawk ci. Khanpughi ah khankho chang cu khankho ah kaa kyum law ne, phuh hmun khui m’kawt khai nak ah lungnu cu lat netah, ak khan ah ngok ci.

MATTHE 27:60

Cun kawn ah kä shou phak ciah lung kheng ami shawk ah amät ah ng’cim hmun khui ung chum ne phuh netah, khui m’kawt cu lungnu tumat k’täng ne khai shüt netah hteit ba ci.

MATTHE 28:11

Hnumi gui ami hteh law ba yah ung ngäng ciah gakap gui naw pigaw kyong ah hteit u ne, taigüpa gui-am a mawng ama avan cu m’thein gui ci gui.

MATTHE 27:65

Pilat naw, “Gamo mawng ät khü ne ng’cim hmun cu akni ah ngäng sak gui vä,” cik ci.

JOHAN 20:1

Hnüüp chih ung ak hnüüp ät hnüüp, kho ngawi hta ah kho thai ghi ghi sei, Mari Makadalen cu ng’cim hmun ah hteit netah, khui m’kawt ami khai nak ah lung cu ng’hmawng sei hmuk ci.

THU PHLAAN 20:3

Khankho chang naw shawk cu m’htei lungkhui ung yuk chah netah, khokum phiaa ghaa ang pyi güt ung chang gui kä ah cheishoh-en sak gui hlawt vai ah m’hnüt ne choh awn khai shi ci. Khokum phiaa ghaa ang pyi kawn ah ani cu a shäng hta k’hmawn tu ba khai.

JOSHUA 10:18

Ani naw, “Lung khui ung valuh nak vai ung lungnu gui yuk täng neta, chang gui am ngäng sak gui ä,