MATTHE 27:63 - Cho Bible Common Language 2016

⁶³ “Bawi aw, cän ah hleei ciah chang a ghin yah ung ‘Kei ak hnüüp thum hnüüp sih nak ungka ka tho ba khai,’ a cicu kami shüm ba ci nei.

MATTHE 27:63 Referans Kwoze

LUKA 9:22

Cun kawn ah Bawipa Jesuh naw, “Chang ah Htapa naw yaica nak akda awt khai, chang ng’vai gui, taigüpa gui, thukhän saya gui naw, shedam nak khai gui. Ani cu sih nak phi awt khai, cun ung phi ak hnüüp thum hnüüp tho ba ne ghing ba khai” ci ne ang düihpüi gui-am m’thein gui ci.

MATTHE 16:21

Cun ah akhin ung tün ne Bawipa Jesuh naw ang düihpüi gui am akdei angdang ah am thein gui cu, “Kei cu Jerusalem ah hteit ne, pum im ung ang vai gui, taigüpa gui la thukhän saya gui ah kut ung dukdeiu nak ka gah khai, cun kawn ah sih nak ung na gawksak khai gui, cun ung phi ak hnüüp thum hnüüp sih nak ung kaa ka tho ba khai,” ciah kyak ci.

JOHAN 2:19

Bawipa Jesuh naw, “Shin ah pum im phi phye ne phlu vä, hnüüp thum ah kyong ung ka co ba khai nei” cik ci.

LUKA 18:33

htung awn that khai gui, ngawn khai gui. Cun ung phi ak hnüüp thum hnüüp ung tho ba ne ghing ba khai nei” cik ci.

MAKUH 10:34

Chang khui hei gui naw chang ah Htapa cu päipih u ne, ami m’shi awn m’thui khai gui, that khai gui, ngawn khai gui; cun ung phi ak hnüüp thum hnüüp ung sih nak ungka tho ba khai nei” ci ne m’thein gui ci.

MAKUH 8:31

Cun kawn ah Bawipa Jesuh naw ang düihpüi gui-am, “Chang ah Htapa cu yaica nak akda bui awt khai, chang ng’vaigui, taigüpa gui la thukhän saya gui naw hnu ng’tuk püi khai gui. Ani cu ngawn khai gui, cun ung phi ak hnüüp thum hnüüp ung tho ba ne ghing ba khai” cine m’thein thang gui ci.

MATTHE 20:19

Ngami naw ani cu ngawn vai ah k’bäi u netah changpakhui hei gui-am ap khai gui. Chang pakhui hei gui naw ani cu päipih u ne, htung awn that u netah, kutlam tung ung tai ne ngawn khai gui nei. Cun ung phi chang ah Htapa cu ak hnüüp thum hnüüp ung sih nak ungka tho ba khai nei,” cine pyein ci.

MATTHE 17:23

Ani cu ngawn khai gui, cun ung phi ak hnüüp thum hnüüp ung sih nak ungka tho law ba khai,” cine m’thein gui ci. Ang düihpüi gui cu ang htei ah cäi ng’ä ci gui.

MATTHE 26:61

Ak hnu ah chang hnih cu ng’düi law ni netah, “shin ah chang naw, kei naw Khanpughi ah pum im cu, gäi netah, hnüüp thum ah kyong ung ka cou ba hning ci cik ci nei, cine saksi ci goi.

2 KORIN 6:8

Keimi cu m’tamkhah nak la yoshe nak, päipih nak la m’hlüngtai nak kami gah ci. Kami hleeihlak ciah na pyein gui u sei phi düng nak cu ka mi pyein ci:

JOHAN 7:12

Chang akda naw ani ah mawng cu adüm düm ah pyeinsak ci gui. Amshah naw, “shin ah chang cu changninei” cik ci. Amshah naw, “Chang ni ah kä kyak ci, chang m’hleehlak ciah chang nei” cik ci gui.

LUKA 23:2

Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.

JOHAN 7:47

Pharise gui naw, “Nangmi mah mah ah ning m’hleei law gui ne ma?

MATTHE 27:64

Cun ah kyasei a hnüüp thum ung khüt khai ah ng’cim hmun cu akni ah khai ne, ami ngäng vai ah k’bäi gui ä, Kä cun ung ak chang gui naw a gook cu m’gu u netah, sih nak ungka tho ba ci nei cine, chang gui-am m’thein khai gui nei. Cun ung ak hnu ah hleeihlak nak cu ak htük ah tah shekha law pi khai nei,” cine vah pyein ci.

MATTHE 28:6

Ani shin ung kä om ci, a cäu a pyein ah mäih ah tho ba pyi ci nei.

MAKUH 9:31

A i ah kyasei ci ung, “Chang gui ah kut ung chang ah Htapa cu ap khai gui, ani cu ngawn khai gui, cun ung phi ak hnüüp thum hnüüp ung sih nak ungka tho ba khai” cine ang düihpüi gui-am am thei thang gui su ah kyak ci.

LUKA 18:31

Bawipa Jesuh naw, ang düihpüi gui gha-lei-goi cu khü gui netah, “Ngai vä, mikmi cu Jerusalem ah mi hteit lawk ci. Chang ah Htapa ah mawng profet gui naw ami guk ah mäih ah kümbe lawk khai nei.