MATTHE 27:60 - Cho Bible Common Language 2016

⁶⁰ Cun kawn ah kä shou phak ciah lung kheng ami shawk ah amät ah ng’cim hmun khui ung chum ne phuh netah, khui m’kawt cu lungnu tumat k’täng ne khai shüt netah hteit ba ci.

MATTHE 27:60 Referans Kwoze

ISAIAH 53:9

Ani cu hnü ät phi kä cawi m’sa man ci, kä hleei man ci, cun ung phi changshe gui awn atäng ah ng’ciim hmun ung tha ci gui, Büh mang ci gui awn atäng ah phuh ci gui.

MATTHE 28:2

Cun yah ung shihpi ak tung ah thüng lawk ci. Khanpughi ah khankho chang cu khankho ah kaa kyum law ne, phuh hmun khui m’kawt khai nak ah lungnu cu lat netah, ak khan ah ngok ci.

MATTHE 27:66

Cun ah kyasei ngami cu ng’cim hmun ah hteit u netah, Khai nak ah lung cu, ca gei ne m’hnüt ne, phuh hmun m’kawt cu khäng htek khai ah khai ci gui. Cu kawn ah gakap gui-am ngäng sak ci gui.

JOHAN 20:1

Hnüüp chih ung ak hnüüp ät hnüüp, kho ngawi hta ah kho thai ghi ghi sei, Mari Makadalen cu ng’cim hmun ah hteit netah, khui m’kawt ami khai nak ah lung cu ng’hmawng sei hmuk ci.

LUKA 24:2

Ng’phuh hmun khui m’kawt ami khai nak ah lungnu cu m’hnawn ah kia sei hmu u netah, khui kyong ah lut ci gui.

ATÜNNAK 50:5

‘Kapa naw a sih law vai ung ng’thu ana khän shüt ah mäih ah, amät naw a pyen shüt ah Kanaan khaw ng’cim hmun ung ka k’phuh ba khai nei. Cun ah kyasei kapa ah gook cu hteit ne ka k’phuh ba vai ah na m’gein sä, cun kawn ah ka law ba khai nei” cine tüi gui ci.

ISAIAH 22:16

“Nang cu a u ah na kyak ciah ang na ngaih? Lungkhen k’pang khui shawk ne, ng’phuh hmun pyan nak hning vai nan gung om ne ang?

MATTHE 27:59

Josef naw a gook cu la netah yih bawk awn k’tom ci.

JOHAN 11:38

Bawipa Jesuh cu ang htei ah ayä aih netah, ng’ciim hmun ah hteit ci.

JOHAN 11:41

Cun ah kyasei chang gui naw, lung cu m’hnawn ci gui. Cun kawn ah Bawipa Jesuh naw, khankho dang netah “Kapa, ka taigü na ngaih pek ci sei, ka yeikyai ci nei;

JOHAN 19:41

Bawipa Jesuh kutlamtung ung tai ne ami ngawn nak pei ah lo-chaam tumat om ci. Cun ah chaam ung a u phi kä ami k’phuh nak phaa ah khui cawh ak thai om ci.