MATTHE 27:54 - Cho Bible Common Language 2016

⁵⁴ Bawipa Jesuh ngäng ci gui ah gabawi la gakap gui naw, shihpi a thüng la a hmün cäicat vai gui cu hmu law u ne, ang htei ah kyikyawk u netah, “Shin ah chang cu akcang ah Khanpughi ah Htapa ah kyak ci nei” cik ci gui.

MATTHE 27:54 Referans Kwoze

MAKUH 15:39

Bawipa Jesuh ah sih nak ah ma ah ng’düi ciah gakap bawi naw, Bawipa Jesuh asih law cu hmu netah, “shin ah chang cu akcang ah Khanpughi ah Htapa ah kyak ci nei” cine pyein ci.

MATTHE 27:36

Cun kawn ah ngoh ne ngäng ci gui. Ani ami m’kat nak ah a mawng cu alu khan ah.

MATTHE 27:43

Ani cu Khanpughi yum ciah Khanpughi ah Htapa ah pyein ci maw! Cun ah kyasei Khanpughi naw am hni ah a kyak ung a tuhbäi k’phiawn sä,” cine shedam nak ci gui.

LAMKTU 27:43

Cun ung phi gaakap bawi naw Paul cu k’phiawn hlü netah, gaakap gui naw ami k’bäi ah mäih ah kä ami bi vai ah maa na gui netah, tui ng’väk thei ci gui cu, htinpaw ungka ng’phäi sak gui ne, kawng ah vah kai sak gui maa ci.

LAMKTU 27:1

Keimi cu Itali kho ah na hteh püi gui khai gui ah k’bäi u netah, Paul la thawng kium gui ami van cu, Festus naw “Ghangpughang ah shekshen” a mi ciah Roman shekshen ung gaakap bawi Julius ah kut ung ap gui ci.

LAMKTU 23:23

Shekshen bawi naw gaakap bawi hnih cu khü goi netah, “Sisaria ah hteit khai gui ah, gaakap phia goi, k’se cun gaakap chih-kip, la k’htei kawt gaakap phia goi cu hneng mü nayi kaw ung ng’düi ge khai gui ah nami m’hnüt vai nei.

LAMKTU 21:32

acun vai am gaakap bawi gui la gaakap gui cu khü gui ne, chang gui ah ng’bum nak ah dawng lawk ci gui. Chang gui naw gaakap bawi la gaakap gui cu hmu gui netah Paul cu kä tukhtah ah om ci gui.

MATTHE 8:5

Bawipa Jesuh cu Kapernaum gawnu ah a gawk law yah ung, Roman gabawi cu a pei ah law netah,

MATTHE 4:3

Cun kawn ah khoshe naw law shi netah, “Nang cu Khanpughi ah Htapa ah na kyak ung shin ah lung gui shi, m’htut ah kyak khai ah pyang ä,” cine pyen nak ci.

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

ROMAN 1:4

Ak khanchang theing nak ah, Khanpughi ah Htapa ah a kyak cu ang dang vai ah Khanpughi naw abämang hlüngtai nak awn sih nak ung kaa thawh ba sak ci.

LAMKTU 23:17

Paul naw, gaakap ng’vai tumat cu khü netah, “Shin ah chang hta gakap ng’vaipi ah hteh püi ä, gakap vaipi am, am’thein vai a mawng om ci nei” cine pyein ci.

LAMKTU 10:1

Sisaria gawnu ah Konelius ming nak ciah chang tumat om ci. Ani cu Itali ming nak ciah Roman gaakap shekshen ung kaptain ah kya ci.

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

JOHAN 19:7

Chang gui naw, “Ani cu amät naw a mät Khanpughi ah Hta ah a pyein ah hmawk ah sih nak peit vai ah keimi ah ng’thukhän ung om ci nei” cik ci gui.

LUKA 22:70

Ngami naw, “Cun ah a kyak ung nang cu, Khanpughi ah Htapa ah na kiak ci ma?” cine ng’shi ba ci gui. Bawipa Jesuh naw, “Kei cu Khanpughi ah Htapa ah ka kyak ciah nangmi naw nami pyein ci” ci ne kiakna gui ci.

MATTHE 27:40

“Pum im gäi ne hnüüp thum ah kyong ung co ba khai ah chang, Khanpughi ah Htapa ah na kyak ung na mät naw namät k’phiawn ä, kutlamtung ungka a tuhbäi kya law baä,” cine k’shedam nak ci gui.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

MATTHE 27:51

Cun yah ung pum im kyong ah ami m’cha nak ah khingyih cu khan mawng ah kaa naw ka mawng ah khüt khai ah hnih ah ng’bou ne teek ci. Shihpi thüng ci, lung song gui piawn ne kya lawk ci gui.